SAAM HLABU 71
Patar Thlacamnak
1 Maw Bawipa,
nang cu ka beunak na si;
Ziangtik hmanah ningzak in
i umter hlah aw.
2 A dingmi na si ruangah
i bawm awla i hum aw.
Na hna in i ngai awla i run aw.
3 Ka beunak lungpi si hram awla,
i humtu ralhruang òha zet
si hram aw;
Nangmah cu ka lungpi le
4 Maw ka Pathian, miòha lo
pawl kut ihsin i hum aw;
Zangfah nei lo le mi siava pawl
kut ihsi cun!
5 Maw Bawipa, ka beiseinak cu
nangmah ah a um;
Maw Bawipa, ka senlai ihsin
nangmah ka lo rinsan zo.
6 Ka nunsung hmuahhmuah
nangmah ka lo rinsan;
Ka suah thlak ihsin nangmah in
i hum zo;
Ka lo thangòhat ringring ding.
7 Mi tampi hrangah ka nunnak hi
ralrinnak petu a si;
Asinan nang cu a khoh zetmi
ka ralhruang na si.
8 Sun nihlawh nangmah
ka lo thangòhat dingih,
na sunlawinak ka than ding.
9 A tar aw pat tiah i hnong hram hlah;
Santlai lo a si aw pat tiah
i dungtun hram hlah.
10 Ka ral pawl in a thah in duh;
An relkhawm ih in phiar.
11 Annih in, “Pathian in a dungtun zo,
Dawi uh si la kai uh si;
A humtu ding zohman an um lo,” an ti.
12 Maw Pathian, lam hlapi ah
i um san hram hlah aw;
Maw ka Pathian, zamrang in
atu ah i bawm aw.
13 Keimah i dotu pawl cu
ningzak in um hai sehla
siatsuah òheh si hai seh.
Tuahmawh i tumtu pawl cu
Ningzak le mualpho in um hai seh.
14 Ka beiseinak cu na hnenah
ka ret ringring ding.
Nangmah cu ka lo thangòhat
sinsin ding.
15 Na dingnak ka rel ding,
Na rundamnak sun nihlawh
ka sim ding;
Ka theih cawk lomi an si nain!
16 Maw Cungnungbik Bawipa,
na cahnak ka cawimawi ding.
Na dingnak, nangmah ih dingnak lawng
17 Maw Pathian, ka nauhak lai ihsin
nangmah in i zirh zo;
Atu tiang na thil tuahmi
mangbangza cu ka sim a si.
18 Maw Pathian, a tar zo ih
a òuak a par aw, tiah
i dungtun hram hlah aw.
A ra dingmi santhar hnenih
na huham le,
Na cahnak ka aupi tikah
19 Maw Pathian,
na dingnak in van a dai;
Thil mak zetzet na tuah zo;
Nangmah bangtu zohman an um lo.
20 Harsatnak le zonzaihnak
ka parah na thlenter;
Asinan ka thazang cu
na kimtersal dingih,
Thlan ihsin i runsuak ding.
21 A hlan hnakin i cawisang ding
Nangmah in i hnemsal ding.
22 Ka òingòang thawn ka lo
thangòhat hrimhrim ding;
Maw ka Pathian, na rintlaknak cu
ka thangòhat ding;
Ka lemlawi tum phahin
na hnenah hla ka sak ding;
Maw nang, Israel mi ih
Mi Thianghlim.
23 Na hrangih awnmawi
ka tum phah ah lungawi in
ka au ding;
I run zo ruangah ka nunnak
zate in hla ka sak ding.
24 Keimah siatsuah i tumtu pawl,
ningzak le mualpho ih
an um zo ruangah,
Sun nihlawh in na dingnak thu
ka sim ding.