SAAM HLABU 70
Bomnak Hrang Thlacami David Ih Phuahmi Hla
(Saam 40:13-17)
1 Maw Pathian, i run aw.
Maw Bawipa,
atu ah i bawm aw.
2 Thah i duhtu pawl cu ningzak le
thinlung hnokhnai in um hai seh.
Harsatnak ka ton ruangih
lungawitu pawl cu,
Dung ah kirsal in mualpho in
um hai seh.
3 Hnihsuahsainak ih
i hmangtu pawl cu,
An sun ruangah ningzak in
um hai seh.
4 Na hnenih a rami pawl cu
lungawi le nunnuam in um hai seh.
Na rundamnak a duhtu pawl cun,
“ Bawipa ih mak zia cu!”
5 Kei cu mi derdai le mifarah ka si;
Maw Pathian, zamrang in
ka hnenah ra hram aw.
Nangmah cu i bawmtu le i runtu na si.
Maw Bawipa, rei nawn hlah aw.