SAAM HLABU 53
Minung Ih Òhat Lo Ziat David Ih Phuahmi Hla
(Saam 14)
1 Mi-aa pawl cun an thinlung tein,
“Pathian a um lo,” an ti.
Minung hi ziangtlukin so an siat?
Tuksumza thil tampi an tuah!
Thil òha tuahtu pakhatte hman
2 Minung lakah fimnak a neitu le
Pathian a betu pakhat tal
an um maw tiah
Pathian in vancung ihsin a run zoh.
3 Asinan an zate in an pial òheh!
An nun zia tiangin
a borhbah òheh a si.
Zohman thilòha tuahtu an um lo.
Pakhatte hman an um lo.Ref 53.1-3 Rom 3:10-12;
4 Bawipa in,
“Hi miòha lo pawl hi,
Theihthiamnak zianghman
a nei lomi maw an si?
Minung in sang an ei vekin,
Ka minung pawl an ei òheh a si.
Ka hnenah thla an cam fawn lo,” a ti.
5 Sikhalsehla annih cu
òihphang in an um ding.
An neih dah keel lomi òihphannak
an nei ding.
Ziangahtile Pathian in nan ral pawl ih
ruh cu a òhekdarh thluh.
An tumtahmi hmuahhmuah
a cemter òheh,
Ziangahtile annih cu
6 Zion ihsin Israel hnenah runnak
ra sehla ka va duh so!
Pathian in a minung pawl
a òhansoter saal tikah,
Jakob ih tesinfa pawl
an lung a awi dingih,
Israel mi pawl an ai a puang zet
ding a si.