SAAM HLABU 52
Pathian Thuòhennak Le Zangfahnaks David Ih Phuahmi Hla Ref 52 Thulu. 1 Sam 22.:9, 10;
1 Maw micak pa, ziangahso
thil sual na tuahmi cu
tluang na khawnpi rero?
Pathian ih rin tlak sinak cu
kumkhua in a hmun.
2 Nang cun midang siatsuah ding
na ngaihtuah;
Na lei cu lumehnak
namte vekin a hriam.
Cat lo in thuphan na per ringring.
3 A òhami hnakin a siami
na duh sawn ih,
Thudik hnakin thudik lo
na tlaihsan sawn a si.
4 Maw thuphanper pa, na òongkam in
midang thinlung natter khi
nuam na ti zet.
5 Curuangah Pathian in a lo
siatsuah ding, kumkhua in;
A lo kaihrem dingih na puanthlam
ihsin a lo phih suak ding.
Minung umnak ram ihsin
a lo hlon ding.
6 Cumi cu midang pawl in
an hmuh tikah an òih ding.
An lo hnihsan dingih,
7 “Zoh hnik uh, humhimnak duh ah
Pathian rinsan lo in
amah ih lennak sawn a rinsantu,
Lung hnangamnak cu òhat lonak
in a hawltu pa hinah a um,”
tiah an lo ti ding.
8 Sikhalsehla kei cu Pathian inn
kiangih a kho mi,
Olif thingkung bangtuk ka si.
A hmunmi a duhdawtnak cu
kumkhua in ka rinsan a si.
9 Maw Pathian,
na thil tuah cia mi ruangah,
ka lo lawm ringring ding.
Na minung pawl ih tonkhawmnak
hmun ah na òhat zia cu
ka aupi ringring ding.