SAAM HLABU 39
Harnak A Tuartu Ih Sualphuannakg David Ih Phuanmi Hla
1 “Ka thil tuahmi ka ralring pei,
Ka lei in i sualter hlah seh;
Ka ral pawl ka kiangkap ih
an um sungah cun, òong lo tein
ka hmur ka ciip ding,” tiah ka ti.
2 Daiziar in ka um ih
kam khat hman ka òong lo;
Thil òha thu hman rel lo tein ka um.
Asinan ka harsat tuarnak cu
a zual deuhdeuh ih,
3 Ka thinlung donharnak in a khat.
Ka ruat tam deuhdeuh,
ka thin a ling deuhdeuh.
Curuangah Pathian hnenah:
4 “Maw Bawipa,
ziangtik tiang so
hitiin ka nun ding?
Ka thi mai sawn lo ding maw?
Tuan ah ka nunnak hi a cem ko
lo ding maw?
I theihter hram aw!” tiah sut
lo in ka um thei lo.
5 Ka nunnak hi na va tawiter tuk
lawmmam so!
Na hmaiah ka nun caan tawite hi
ziangti tham a si lo.
Minung nunnak cu kan thaw ih
kan thawt mi thli lawng hi a si.
6 Kan phenthlam tluk fang a rak si.
A òuanmi hmuahhmuah cu
thu lolak hlir ah an cang.
Ro a khawl vivo nain a cotu ding
7 Cuti asile maw Bawipa,
ziangso beisei ding ka neih?
Ka ruahsanmi cu nangmah lawng na si.
8 Ka sualnak hmuahhmuah sungin
i luatter awla,
Mi-aa pawl ih hnihsuahsainak ah
i cangter hram hlah aw.
9 Hi tluk harsatnak tuar dingih
i tuah ruangah,
Dai tein ka um ding;
Kam khat hman ka òong lo ding.
10 I hrem nawn hlah aw.
I vuak ruangah ka thi zik thlang.
11 Minung sualnak cu kawknak
thawn na lehrul,
A sunsakmi thil hmuahhmuah cu,
sunhrul bangin
na siatsuah òheh a si.
A si, minung cu kan thawtmi
12 Maw Bawipa,
ka thlacamnak i thei hram awla,
Ka lo dilmi hi i ngaisak hram aw.
Na hnenih ka òah tikah dai tein
i um san men hlah aw.
Ka pu le ka pa pawl vekin
kei hi caan tawite sung lawng
na mikhual ka si.
13 Hi leilung hi ka fehsan ih
ka um nawn lo tikcu caan
a thlen deuh hlan ahhin lungawi
hnadai ih ka um theinak dingah
khatlam i hoisan hram aw.