SAAM HLABU 38
Harsatnak Tuartu Ih Thlacamnakf David Ih Phuahmi Riahsiatnak Hla
1 Maw Bawipa, na thinheng in
i kawk hram hlah aw.
Na thin-aithok in i hrem hram
hlah aw.
2 Na conkiang in i tuahmawh zo;
3 Na thin a heng ruangah besia
zet in ka na;
Ka sualnak ruangah ka ruangpi cu
natnak in a khat.
4 Ka sualnak tilian sungah ka pil;
I delh tuk ih ka phur thei lo.
5 Ka at ruangah ka hma pawl cu
hnai an khuar ih an thu,
an nam ngaingai.
6 Ka eel a kuun ih ka bokta.
Sun nihlawh in ka ai, ka hruum.
7 Ka tak a sa ih ka khur ciamco;
Ka besia ih ka thi zik thlang.
8 Ka tha a cemthla ih ka bei
a dong ngaingai.
Ka thinhar in ka hui ka ai rero.
9 Maw Bawipa,
ka thinlung duhmi cu na hmu,
Ka hruumnak khal na thei.
10 Ka lung a hnin ih tha
ka nei nawn lo.
Ka mit khal khua a hmu nawn lo.
11 Hma tampi ka neih ruangah
ka rualpi le,
Kan innhnen pawl in, in hrial;
Keimah ih innsang hman
hlimphirte in an um.
12 Thah i duhtu pawl in thang in kam.
Tuahmawh i duhtu pawl in
siatsuah dingah in hro.
Sun nihlawh in keimah phiarnak
13 Hnaset ka bang, zianghman
ka thei thei lo.
Dangpit ka bang, zianghman
ka òong thei lo.
14 Mi òong an theih thei lo ruangah,
mi thusuh a let thei lomi ka bang.
15 Maw Bawipa,
nangmah ka lo hngak;
Bawipa ka Pathian, nangmah in
i sawn hram aw.
16 Harsatnak ka ton ruangah
ka ral in, in direm hlah hai seh;
Ka bah ruangah porh aw hlah hai seh.
17 Ka bah zik ringring ih
cat lo in harsatnak ka tuar.
18 Ka sualnak ka phuang,
Ka thinlung donharnak in a khat.
19 Ka ral pawl cu an harhdam
zet ih an cak zet fawn.
Ziangthu hman um lo ih
i huatu an tam zet fawn.
20 A dikmi tuah ka tum ruangah
Keimah i duh lotu pawl cun
òhatnak cu siatnak in,
21 Maw Bawipa,
i dungtun hram hlah aw;
Maw ka Pathian, a hlatnak ah
i umsan hram hlah aw.
22 Maw Bawipa,
i Runtu, atu ah zamrang in
i ra bawm hram aw.