SAAM HLABU 31
Pathian Rinsan Ih Thlacamnaka David Ih Phuahmi Hla
1 Maw Bawipa,
na hnenah beunak hawl in ka ra;
Ningzak in i umter hlah aw.
Nang cu a dingmi Pathian na si ruangah
I run hram aw.
2 Ka lo dilnak aw thei in
zamrang tein i run hram aw.
Ka beunak si awla i hum hram aw;
I òantu si awla i run hram aw.
3 Nang cu ka beunak lungpi le
ka ralhruang na si.
I tiam cia vekin i kil awla
i hruai hram aw.
4 Ka hrangih an kam cia mi
thang ihsin i luatter hram aw.
Nang cu ka beunak na si.
5 Ka nunnak cu na kut u
ka lo hlan.
Maw Bawipa, i hum hram aw;
Nang cu rin tlak Pathian na si.Ref 31.5 Luk 23:46;
6 Santlai lo milem a betu pawl cu na hua.
Asinan kei cun nang ka lo rinsan.
7 A hmunmi na duhdawtnak ruangah
Ka lung a awi dingih
ka ai a puang ding.
Ka tuar zia na hmu ih ka harsat zia na thei.
8 Ka ral pawl ih kut sungah
i thlengter lo.
Ka duhnakah luat zet in ka feh.
9 Maw Bawipa,
ka parah zangfahnak nei hram aw.
Vansang in ka um a si.
Ka òahnak ah ka mit a cuur òheh;
Ka tha khal a cem òheh zo.
10 Riahsiatnak ruangah
ka nun a tawi ih,
Ka òahnak in ka kum a ralter.
Ka zonzai tuk ih
ka taksa khal in a daih lo.
Ka ruh tiangin an rop a si.
11 Ka ral pawl in capohnak ah in hmang;
Ka innhnen pawl in, in hnihsan.
I theitu pawl cun in òih;
Lamzin ih in hmuh tikah
an tlanhlo.
12 Zohman in, in thei nawn lo;
mithi tluk ah in ruat.
Beelkuai hlonmi vek ka si.
13 Ka ral pawl thuthup
an sim awk ka thei.
Ka kiangkap cu phannak in a khat.
Keimah phiarnak khua an khang;
14 Sikhalsehla maw Bawipa,
Ka rinsanmi cu nangmah na si;
Nangmah cu ka Pathian na si.
15 Ka ziangzongza na kut ah a um.
Ka ral pawl le i hremtu pawl
kut in i hum hram aw.
16 Kei cu na siahhlawh ka si,
Zangfahnak thawn i zoh hram aw.
A hmunmi na duhdawtnak in
i run aw.
17 Maw Bawipa,
nangmah ka lo ko;
Ningzahnak ah i thlengter hram hlah.
Miòha lo pawl cu an ningzak ko seh;
Mithi khua ah òong ding nei lo in
um hai seh.
18 Mihngal le mi puarthau pawl,
hmuhsuamnak thawn
miòha pawl ih thu a reltu pawl,
Thuphan an simnak kaa cu
19 Nangmah a lo òihzahtu pawl hrangih
na khawl cia mi thil òha a tam zia cu!
Nangmah a lo ringtu pawl
na humnak thu mi hmuahhmuah
mithmuh ih a mawi zia cu!
20 Na thladem hnuai ah him tein
na ret hai,
Mi phiarnak ihsin an luat.
Na puuk sungah hnangam tein
na thup hai,
An ral pawl ih hmuhsuamnak in
21 Bawipa cu thangòhat siseh, .
In kulh ih ka van a san lai ah;
I duhdawtnak na langter zia cu
mangbangza a si!
22 Ka thin a phang ih,
‘A umnak ihsin i hlon zo a si hi!’
tiah ka ruat.
Asinan bomnak dil ih
ka lo kawh tikah ka aunak aw
23 Maw mithiang pawl,
Bawipa cu duhdaw uh;
Amah rinsantu cu
Bawipa in a hum ih
mi hngal pawl cu nasa zet in
a hrem hai a si.
24 Bawipa ah ruahsannak
a neitu pawl cu cak le
ral òha in um uh.