SAAM HLABU 30
Lungawi Thlacamnakz David Ih Phuahmi Hla
1 Maw Bawipa, i run suak zo ih
Ka ral pawl ih diremmi ka si lo
ruangah nangmah ka lo thangòhat.
2 Maw Bawipa ka Pathian,
na hnenah bomnak dil in
ka au ih nangmah in i damter.
3 Maw Bawipa,
mithi khua ihsin
nangmah in i kirtersal.
Thihnak khur sungah ka tla lawk nain
nangmah in ka nunnak cu
na humsuaksal a si.
4 Maw rinsan tlak a mithiang pawl,
Bawipa cu hla in
thangòhat cio uh.
Thianghlim bik ih a tuahmi kha
ciing uhla,
lungawinak a hnenah pe uh.
5 A thinhennak cu mitòhep fang a rei;
Asinan a òhatnak cun
sansung a daih.
Zan ah òahnak um hmansehla,
Zinglam ah lungawinak
6 Ka rinsan awk deuh tikah
ka thinlung tein,
“Nehmi ka si nawn lo ding,”
tiah ka ti aw.
7 Maw Bawipa,
ka parah na òha ngaingai ih,
Tlang parih ralhruang sung um vekin
him tein i ret.
Sikhalsehla ka hmuh lonak ih
na thuh awk tikah cun,
ka thinlung cu òihnak in a khat.
8 Maw Bawipa,
nangmah ka lo ko;
Na zangfahnak ka lo dil.
9 Ka thih ahcun ziang òhatnak so
na hrangah a um ding?
Thlan ih ka feh ahcun ziangso
na hlawk cuang ding?
Mithi in an lo thangòhat ding maw si?
A cat dah lomi na òhatnak hi,
an phuang thei ding maw?
10 Maw Bawipa,
i thei awla i zangfah hram aw.
Bawipa, i bawmtu si hram aw.
11 Ka riahsiatnak cu lungawi ih
laamnak ah i thleng sak zo.
Ka riahsiatnak khumdip puan cu
i hlihsak ih,
Lungawinak hnipuan i hrukter zo.
12 Curuangah daiziarzi cun
ka um lo ding;
Nangmah thangòhatnak hla ka sak ding.
Maw Bawipa,
nangmah cu ka Pathian na si.
Na hnenah lungawinak
kumkhua in ka sim ding.