SAAM HLABU 18
David Ih Sakmi Nehnak Hlan Pathian Hnenah David Ih Sakmi Hla
(2 Sam 22:1-51)
1 Maw Bawipa,
ziangtlukin so ka lo duh!
Nang cu ka cahnak na si.
2 Bawipa cu ka lungpi,
ka ralhruang le i runtu a si.
Ka Pathian cu ka beunak lungpi,
ka ralphaw le ka rundam
cahnak a si;
Amah sungah cun ka him.
3 Thangòhat tlak Bawipa cu
ka ko ih,
Ka ral pawl kut sung ihsin i luatter.
4 Thihnak hrihrual in i ngerh ih
Siatnak tilian in i khuh.
5 Sheol hridai in i awk ih
6 Harsat ka ton lai ah
Bawipa cu ka ko;
I bawm dingah ka Pathian cu
ka ko a si.
A biakinn ihsin ka aw a thei;
Ka aunak aw a hna sungah a lut.
7 Pathian a thin a heng ruangah
Leilung cu a hnin ih a thir,
Tlang pawl ih hram òohnak tla cu
An khur ih an òhia thlohthlo.
8 A hnarkua in meikhu a suak ih,
A kaa ihsin meihlio le meivam
a suak zukzo.
9 Van a caihkuur ih a rung òum,
Khawdur sah zet a ke hnuai ah a um.
10 Cherub parah to in a rung zam;
Thli ih thla parah to in
zamrang tein a ra.
11 Khawthim in a tuam aw;
Tidai in a khatmi mero sahzet
a kimvel ah a um.
12 A hmaiih nimthlakau tle sungin
Rial le meivam an rung tla ih
Khawdur sahzet cu a run pah suak.
13 Cule Bawipa cu van ihsin
khuari bangin a ri durdo;
Cungnungbik in a aw a suah.
14 A conkiang a sai ih a ral pawl
a òhio òheh;
A nimthla a kauter ih a tlanter
òheh hai a si.
15 Maw Bawipa, na thinheng in,
na ral pawl na kawk ih
na huuk ciamco tikah cun,
Tipi thuanthum ih tawne a lang ih
Leilung ih hramòohnak tla
16 Bawipa in tlun ih van ihsin
i run dawh ih i run kai;
Tithukpi sung ihsin i dirh suak.
17 A cak zetmi ka ral pawl ih kut
sungin i suah;
I huatu le ka hrangih a cak
tukmi kut sungin.
18 Ka vanduai ni ah annih in, in do;
Asinan Bawipa in i hum.
19 Òihphannak ihsin himnak hmun
kaupi ah i suah;
Ka parih a lung a awi ruangah i run.
20 A dikmi ka tuah ruangah
Bawipa in laksawng i pek;
Ka kut a thianhlim vekin
i lehrul a si.
21 Bawipa ih lamzin cu ka zawh;
Ka Pathian hnen ihsin hlothlau
zet in ka tlansuak dah lo.
22 A daan hmuahhmuah ka hmaiah
an um ringring ih,
A thupekmi pakhatte hman
ka hnong dah lo.
23 A hmaiah mawh nei lo ka si ih
Sual phuhrun awknak ihsin
hlimphirte in ka um zo.
24 Dingfelte ih ka um ruangah
laksawng i pek;
A mithmuh ih ka kut a thianhlim
25 Maw Bawipa, rintlakmi hnenah
rin tlak in na lang ih,
Mawh nei lomi hnenah mawh nei
lo in na lang.Ref 18.25 2 Sam 22:26;
26 Mi thianghlim hnenah
thianghlim in na lang,
Sikhalsehla mi khermei hrangah
cun na khermei ve a si.
27 Mi tangdor pawl cu
na run suak òheu,
Asinan mi hngal pawl cu
28 Maw Bawipa, nangmah in
ka mei-inn na vang ih,
Ka Pathian, nangmah in ka thimnak
tla na tleuter.
29 Ka ral pawl do theinak ah le
An òannak hruang pawl
lantheinak ah thazang òha i pek.
30 Hi Pathian ih lamzin cu
a famkim a si;
Bawipa ih thutiamnak cu
rin tlak a si!
A hnenih beunak a hawltu hrangah
31 Bawipa siar lo Pathian dang
zoso a um?
Kan Pathian hlei ah lungpi dang
a um maw si?
32 Amah cu i caktertu Pathian a si ih,
ka lamzin khalah himnak a umter.
33 Zukneng bangin ka ke zuan
a zangter ih,
A sannak hmun ah him tein i umter.Ref 18.33 Hab 3:19;
34 Dar ih tuahmi li hman
nawp thei dingah,
amah in ral do i zirh a si.
35 Maw Bawipa, nangmah in
na rundamnak phaw i pek;
Na vorhlam kut in i kaifek ih,
Na nunneemnak in i tumlianter.
36 Ka fehnak lamzin na kauter ih,
Ka rilbah dah lo.
37 Ka ral pawl ka dawi ih
ka man hai a si;
Ka siatsuah òheh hlan lo ka kir lo.
38 Ka sat hai ih an tho thei nawn lo;
Ka kehram ah an ril.
39 Nangmah in hi raldonak ah
thazang i pek ih,
Ka ral pawl cu ka hnuai ah an tlu òheh.
40 Ka hnen ihsin ka ral pawl cu
na tlanter ih,
I huatu hmuahhmuah
ka siatsuah òheh a si.
41 Bomnak dil in an au,
Asinan zohman in an run hai lo.
Bawipa ih hnenah an au,
Asinan a sawn hai lo.
42 Ka deengcip vivo hai ih,
Thli ih semmi leivut vekah an cang.
Ka pal cih vivo hai ih,
Lamzin ih ciarbek vekah an cang.
43 Dodal hmang miphun sungin
i run ih,
miphun tampi uktu ah i tuah.
Ka theih dah lomi pawl cu
i riantu ah an cang.
44 Ka thuhla an theih cun
ka thu an thlun;
Ramdangmi tla ka hmaiah
kun in an ra.
45 Annih tla cu an thin a phang ih
An ralhruang sung ihsin
òhia thlohthlo in an ra suak.
46 Bawipa cu a nung a si!
Ka òannak lungpi cu
thangòhat si ko seh.
Ka rundamnak Pathian cu
hlorh in um seh.
47 Phuba i laksaktu amah a si ih,
mi hmuahhmuah
ka ke hnuai ah a ret.
48 I raltu pawl ih kut ihsin i runsuak.
Maw Bawipa, ka ral pawl ih
tlunah i khaisang;
Mi suaksual pawl lakin i runsuak.
49 Curuangah maw Bawipa,
miphun tampi lakah
ka lo lawm ding;
Na hmin thangòhatnak hla in
ka sak ding.Ref 18.49 Rom 15:9;
50 Pathian in a siangpahrang
hnenah nehnak tumpi a pek;
Hriak a culh zomi David le
a tesinfa hnenah kumkhua in
A hmunmi a duhdawtnak cu
A langter ringring a si.