SAAM HLABU 17
Hremtu Kut Ihsin Luatnak Hrang Thlacamm David Ih Thlacamnak
1 Maw Bawipa, dingfelnak hrangih
ka thlacamnak hi ngai hram aw.
Bomnak dil ih ka aunak cu
ruat hram aw.
Ka thlacamnak cu thei hram aw;
Bum hmang lo ka hmurka ih
thla ka camnak hi!
2 Thudik na theih ruangah
Keimah òan in thu na òhen ko ding.
3 Nangmah in ka thinlung na thei;
Zan ah i rung veh ih,
I hlathlai thluh hmanah,
ka sungah òhat lonak
zianghman na hmu lo.
Ka hmurka in òongsia ka òong lo.
4 Midang ih tuah vek cun
ka tuah lo,
Na thukham ka thlun ih mi nunsia pawl ih
lamzin ka thlun lo.
5 Na lamzin ah ka feh ringring ih
Ziangtik hmanah ka bah dah lo.
6 Maw Pathian, thla ka cam tikah
Nang cun i run let ringring.
Atu khalah na hna i tun awla
Ka thu hi i theih sak aw.
7 Maw in Runtu, na duhdawtnak
mangbangza cu run langter hram aw.
Na kiangih a um hmuahhmuah cu
ral pawl ih kut in an him a si.
8 Na mitmu na kilven vekin
i kilveng hram aw;
Na thladem hnuai ah i thup hram aw;
9 Miòha lo pawl in, in do ih,
Mithah hiar ka ral pawl in
in kulh òheh a si.
10 Zangfahnak zianghman nei lo in,
Puarthau zet in an òong.
11 Ka fehnak kip in zawt ih in kulh òheh,
dirthlu dingah caan òha lawng an bawh.
12 Kiosa vek an si ih bauhthlek thluh
lawng in tum.
Kiosa no vekin an kua ihsin
13 Maw Bawipa, tho awla
ka ral pawl cu do in neh hai aw.
Ka nunnak hi miòha lo pawl kut
ihsin na ralnam thawn i hum aw.
14 Maw Bawipa, na ban thacak in
i hum hram aw,
Leitlun covo lawng a neimi pawl
kut sung ihsin.
An hrangih na khawl cia mi
hremnak in hrem hai aw,
An faale hrangah hremnak um sehla,
An tesinfa pawl hrang tla ah
15 Asinan kei cun dingnak thawn
na hmai ka hmu ding;
Ka òhangharh tikah na mithmai
ka hmu dingih,
ka lungawinak a kim ding.