SAAM HLABU 148
Ziang Hmuahhmuah In Bawipa Thangòhat Ding
1 Bawipa cu thangòhat uh!
Bawipa cu vancung in
thangòhat uh!
Tlun hmun sang ah thangòhat uh.
2 A vancungmi hmuahhmuah in
amah thangòhat uh;
A van ralkap hmuahhmuah tla in!
3 Ni le thlapi tla,
amah thangòhat uh!
A tleumi arsi pawl tla,
amah thangòhat uh!
4 Vancung sang bik pawl le,
Van tlunih tidai pawl khalin
5 An zate in Bawipa hmin
thangòhat hai seh;
Amah in thu a pe ih semsuah an si.
6 A thupeknak in an hmun ciar ah,
kumkhua in an hmun;
7 Leilung ihsin Bawipa cu
thangòhat uh!
Tipi sungih ramsa tum pipi,
tipi thuuk in,
8 Nimthlakau, rial, vur,
Khawdur le thlisia pawl,
A thu a ngaitu hmuahhmuah in
9 Tlangniam le tlangsang in
amah thangòhat uh!
Rah a rahmi thingkung le
tupi thingkung pawl in;
10 Inn zuat òilva, hramlak ramsa,
vate pawl le a bokvakmi ramsa
pawl khalin,
11 Siangpahrang pawl le miphun kip,
Bawipa cu thangòhat uh!
Bawi le uktu pawl hmuahhmuah in,
12 Fala le tlangval pawl khalin,
Nutar patar le nauhak pawl tla in,
13 An zate in Bawipa ih hmin cu
thangòhat hai seh.
A hmin cu hmin dang hmuahhmuah
hnakin a nasa sawn a si.
A sunlawinak cu lei le van tlunah
a thang.
14 A minung pawl ih ram cu a cakter,
Cuticun a ngainatmi Israel miphun,
Amah ih minung hmuahhmuah cun
Bawipa cu thangòhat uh!