SAAM HLABU 147
Ziangkimtithei Pathian Thangòhatnak
1 Bawipa cu thangòhat uh!
Kan Pathian hnenih,
thangòhatnak hlasak cu a òha.
Amah thangòhat cu a nuammi le
a dikmi a si.
2 Bawipa in Jerusalem cu a dinsal;
Saltang Israel mi pawl a kirpisal a si.
3 Thinlung kuaimi pawl a damter ih,
4 Bawipa in arsi um ding zat
a khiah;
Pakhat hnu pakhat an hmin ciar in a ko.
5 Kan Bawipa cu a nasami le
a maksakmi a si;
A thil theih thei zia cu
tah theih ding rual a si lo.
6 Mi tangdor pawl cu a cawisang;
Asinan miòha lo pawl cu,
leilung ah a pal cih hai a si.
7 Bawipa ih hnenah
thangòhatnak hla sak uh!
Òingòang thawn kan Bawipa
hnenah hla mawi sak uh.
8 Van ahkhin khawdur a pharh ih,
leilung hrangah ruah a surter.
Cule tlang parah hrampi a khoter.
9 Amah in ramsa pawl rawl a pe ih,
tlangak note pawl khal an ai tikah
10 A lungawinak cu
rang cak zetzet parah a um lo;
A thinnomnak khal
ralkap ralòha zetzet parah a um lo.
11 Asinan amah a òihzahtu le,
A hmunmi a duhdawtnak
a rinsantu pawl parah a um sawn a si.
12 Maw Jerusalem,
Bawipa cu thangòhat aw!
Maw Zion, na Pathian cu
thangòhat aw!
13 Amah in na kotka a hngetter ih,
Na minung pawl thluasuah a pek.
14 Na ramri pawl a himter ih,
sangvut òha bik in a lo cawm.
15 Amah in leilung cu thu a pe ih,
A thupekmi zamrang in tuah a si.
16 Patpar bangin vur a tlakter;
Vur tla cu leivut bangin a òhekdarh.
17 Rial cu lungte hluum bangin
a tlakter;
A thlenter mi khawsik cu,
zohman in an tuar thei lo.
18 Thu a pesal ih tikhal pawl
an zup òheh;
Thli a hranter ih tidai a luang.
19 A thu cu Jakob hnenah a pek ih,
A thu zirhmi le a daan pawl cu
Israel a pek.
20 Hibangtuk cun
miphun dang hnenah a tuah lo;
A daan pawl an thei lo a si.
Bawipa cu thangòhat uh!