SAAM HLABU 118
Nehnak Hrang Lungawi Thlacamnak
1 Bawipa ih hnenah
lungawi thu sim uh;
Ziangahtile amah cu a òha,
A duhdawtnak cu
kumkhua in a hmun a si.Ref 118.1 1 San 16:34; 2 San 5:13; 7:3; Ezr 3:11; Saam 100:5; 106:1; 107:1; 136:1; Jer 33:11;
2 Israel mi pawl in,
“A duhdawtnak cu
kumkhua in a hmun,” ti hai seh.
3 Pathian ih puithiam pawl in,
“A duhdawtnak cu
kumkhua in a hmun,” ti hai seh.
4 Amah a òihzahtu pawl in,
“A duhdawtnak cu
kumkhua in a hmun,” ti hai seh.
5 Ka harsat lai ah
Bawipa cu ka ko;
Ka kawhnak a thei ih
luatnak i pek.
6 Bawipa cu ka hnenah a um;
Zianghman ka òih lo ding.
Milai in ka parah ziangso
an tuah thei ding?Ref 118.6 Heb 13:6;
7 I bawmtu cu Bawipa amah a si;
Ka ral an sun kha ka mit in
ka hmu ding.
8 Milai rinsan hnakin
Bawipa rinsan a òha sawn.
9 Leilung uktu pawl rinsan hnakin
Bawipa rinsan a òha sawn.
10 Ka ral pawl ka kiangkap ah
an um òheh;
Asinan Bawipa ih huham in
ka siatsuah òheh hai.
11 Ka kimvel in, in kulh òheh;
Asinan Bawipa ih cahnak in
ka cemter òheh hai.
12 Khuai bangin in herh ciamco;
Asinan hrambur meisa kang bangin
an kang òheh.
Bawipa ih huham in
ka siatsuah òheh hai a si.
13 Neh ding rori in nasa zet in
in do ih in neh cuahco;
Asinan Bawipa in i bawm.
14 Bawipa in huham nei zet le
cak zet ah i tuah;
Amah cu i runtu a si.Ref 118.14 Suah 15:2; Isa 12:2;
15 Bawipa ih minung pawl
an puanthlam ihsin nehnak
lungawi ih an au ciamco cu
ngai hnik uh;
“ Bawipa ih baan thacak in
a neh zo.
16 A huham in nehnak in pe zo;
A ral nehnak huham cak cun!” an ti.
17 Ka thi lo ding, ka dam dingih
Bawipa ih thil tuahmi pawl
ka aupi ding.
18 Nasa zet in i hrem zo;
Asinan i thiter siang lo a si.
19 Ka hrangah dingfelnak kotka i
on sak hram uh;
Ka lut dingih Bawipa ih
hnenah lungawi thu ka sim ding.
20 Bawipa ih kotka cu
hihi a si;
A dingmi lawng an lut thei ding.
21 Maw Bawipa,
ka aunak aw i thei ih,
Nehnak i pek ruangah
ka lo thangòhat a si.
22 Inn saktu pawl in santlai lo, tiih
an hnonmi lungto cu,
a òhahnem bikmi lungto ah
a cang zo.Ref 118.22 Luk 20:17; Tirh 4:11; 1 Pit 2:7;
23 Cumi cu Bawipa ih tuahmi a si;
Zoh tha nungza a va si so!Ref 118.22, 23 Mat 21:42; Mar 12:10, 11;
24 Tuihni hi Bawipa ih tuahmi
ni a si;
Lungawi aipuang in um uh si!
25 In hum aw, Bawipa,
in hum hram aw;
Maw Bawipa, hlawhtlinnak in
pe hram aw!Ref 118.25 Mat 21:9; Mar 11:9; Joh 12:13;
26 Bawipa ih hmin in a rami cu,
Pathian in thluasuah hram seh!
Bawipa ih Biakinn ihsin
thluasuahnak kan lo pek.Ref 118.26 Mat 21:9; 23:39; Mar 11:9; Luk 13:35; 19:38; Joh 12:13; 12:13;
27 Bawipa cu Pathian a si;
Kan hnenah tleunak in pe zo.
Nan kut ah thinghnge kengin
puai cu tuah uhla,
biakòheng cu heel rero uh.
28 Nangmah cu ka Pathian na si ih,
Lungawinak thu ka sim ding;
Na maksaknak ka tlang-aupi ding.
29 Bawipa ih hnenah
lungawithu sim uh,
Ziangahtile amah cu a òha;
A duhdawtnak cu
kumkhua in a hmun a si.