9
Fimnak le Aatnak
1 Fimnak in a inn a sak zo ih a òhuam pasarih kha a phun.
2 Puai tuahnak hrangah òilva a that,
A sabitti ah rimhmui a rawi ih
cabuai khal a hung zo.
3 Khuasung hmun sang bik ihsin
au dingah a hnenum
nunau pawl a thlah ih,
4 “Ruahnak mal deuh pawl
hmuahhmuah hitawk ahhin
ra uh,” an ti.
Mi-aa deuh pawl hnenah,
5 “Ra uhla ka sang ra ei uh,
ka rawi cia mi sabitti ra in uh.
6 Aatnak cu tanta uhla
nung thlang uh,
Fimnak lamzin kha thlun uh,”
tiah a ti.
7 Mi puarthau pa nun na sim ahcun
a lo hmuhsuam ding.
Miòha lo pa na mawhthluk ahcun
hriamhma na tuar ding.
8 Mi puarthau ziangtik hmanah
nun va sim hlah,
Nun na simnak ruangah a lo hua ding.
Asinan mifim nun na sim ahcun
a lo upat ding a si.
9 Mifimpa nun sim aw,
a fim sin ding;
Midingpa thu sim aw,
a thiamnak a tam sin ding.
10 Pathian òih cu
fimnak hramthoknak a si.
A Thiang Mipa na theih ahcun
theihthiamnak fimnak na nei.Ref 9.10 Job 28:28; Saam 111:10; Thuf 1:7;
11 Fimnak in na san a sauter ding.
12 Fimnak na neih ahcun
òhathnemnak a lo pe ding,
Fimnak na hnon ahcun harnak tuartu
nangmah na si ding.
13 Aatnak cu a kam a tam ih
ruahnak zianghman a nei lo,
Ningzah nei lo òongtam
nunau vek a si.
14 A inn sangka ah a to,
Asilole khuasung
hmun sang bik ah a to ih,
15 Mai’ hnaòuannak thu ruat phah ih
lamzin a fehmi pawl kha,
16 “Ruahnak nei lomi pawl,
hitawk lamah ra uh,” a ti.
Mi-aa pa hnenah,
17 “Firmi tidai cu a thlum deuh ih,
Firmi sang cu a thaw deuh,” a ti.
18 A inn ih a fehtu pawl an thi ih,
A innsung lut ngah zotu pawl cun,
Mithi khua thukpi ah
kan um ti kha an thei lo.