10
Solomon Ih Thufim
1 Himi pawl hi Solomon ih thufim an si.
Fapa fim in a pa ih lung a awiter;
Fapa aa in a nu ih riah a siatter.
2 A dik lo ih na ngahmi in
òhatnak a lo pe lo ding.
Asinan dingnak in na nunnak
a lo humhim thei.
3 Bawipa in miòha pawl
rilrawng ih um ding a sianglo,
Asinan miòha lo pawl ih duhnak cu
a hloter sak òheu.
4 Zaangzelnak in farahnak a suahter,
lawtnak in lennak a suahter.
5 Rawlkhawm cut caan ih
a khawmtu pa cu mifim a si,
Rawlkhawm caan ih itthat cu
ningzahnak a si.
6 Miòha pa in thluasuah a co ding,
Miòha lo pai òongkam in
a òhatlonak nun zia a thup.
7 Miòha pawl ciin ringring hi
thluasuah a si,
Asinan miòha lo pawl ih hmin cu
a òawtruai ding.
8 Mifim pawl in ruahnak òha pekmi
an cosang,
Mi-aa òongtam pawl cu siatralnak ah
an thleng ding.
9 Miding pawl cu an himdam ih
hnangam tein an um,
Asinan midinglo pawl cu mi in
an thei ngah ding.
10 Thudik a thuptu cun
harnak a suahter,
Asinan langhngan in a kawktu cun
daihnak a suahter.
11 Miòha pa ih òongkam cu
nunnak cerhti a si,
Asinan miòha lo pa ih òongkam in
òhat lonak nun zia a thup.
12 Huatnak in remlonak a suahter,
Asinan duhdawtnak in
sual palhnak hmuahhmuah
a ngaithiam.Ref 10.12 Jeim 5:20; 1Pit. 4:8;
13 Mifim cun sullam neimi an òong,
Asinan mi-aa pawl cu hrem an òul.
14 Mifim in fimnak an khawlkhawm,
Asinan mi-aa pawl ih òongkam cu
harsatnak thawn a hlat aw lo.
15 Lennak in milian pawl a humhim,
Farahnak in mifarah pawl a siatsuah.
16 Òhatnak tuah man cu nunnak a si,
Asinan sualnak cun
sual sinsinnak lamah mi a hruai.
17 Nunsimnak a ngaitu pawl cu
an nung ding,
Asinan ka sual a ti duh lotu cu
òihphannak sungah an um.
18 Huatnak thinlung thup a neitu cu
thuphan per an si.
Mi thangsiatnak a simtu cu
mi-aa an si.
19 Tamdeuh na òong le
tamdeuh na sual ding,
Mifim na si ahcun na òong sup aw.
20 Miòhapa ih òongkam cu
ngun òha bik bangtuk a si,
Miòha lo pa ih ruahnak cu
man a nei lo.
21 Miòhapa ih òongkam in
mi tampi a òhathnemter,
Asinan na aatnak in nangmah le
nangmah na that aw thei.
22 Bawipai ih thluasuahnak cu
a lo liantertu a si,
Hnaòuan tam zet na òuannak in
a lo lianter cuang lo.
23 Thilsual tuah hi a nuam a titu cu
mi-aa a si,
Mifim pawl cu fimnak sungah
lungawinak an nei.
24 Miding pawl in
an saduhthahmi an ngah,
Asinan miòha lo pawl cu
an òih bikmi an tong ding.
25 Thlisia a hran tikah miòha lo pawl cu
a hranhlo ding,
Asinan miding pawl cu
an him ding.
26 Na hnaòuantu dingah
mi zaangzel lak hlah,
Na lak asile na ha hrangih
sabit thur bangtuk le,
Na mit hrangih meikhu bangtuk
a si ding.
27 Bawipa cu upat aw,
na nunkhua a sau ding,
Miòha lo pawl cu an san kim hlanah
an thi òheu.
28 Miòha pawl ih ruahsannak in
lungawinak a suahter.
Miòha lo pawl ih ruahsan mi cu
thulolak a si.
29 Bawipa in miding pawl
a humhim,
Asinan thil òha lo a tuahtu pawl cu
a siatsuah.
30 Miding pawl cu himnak
an nei camcin ding,
Asinan miòha lo pawl cu
ram sungah umnak an nei lo ding.
31 Miding pawl in
fimnak thu kha an sim,
Asinan miòha lo pawl ih
lei cu tan a si ding.
32 Miding pawl cun
sim ding mawi an thei,
Asinan miòha lo pawl cun
mi siatsuahnak thu lawng an rel òheu.