18
1 Midang thawn a pawlkom aw thei
hrimhrim lomi cu,
Mah ih duhnak lawng ruattu an si.
Midang ruahnak cu a pom thei dah lo.
2 Mi-aa cun thu a theih le theih lo
kha thupi ah a ruat lo;
Ziangtluk ka fim ti langter ding
lawng a duh.
3 Sualnak le ningzah mualphonak cu
an feh tlang ringring;
Upatnak na hlohter ahcun a ai ah
hmuhsuamnak na ngah ding.
4 Minung òongkam hi fimnak hram a si thei;
Tipithuanthum vekin a thuk thei ih,
A luang ringringmi tiva vekin
a thar ringring thei.
5 Miòha lo pawl mithmai òha pek
cu a dik lomi a si;
Miding thiamlo coter khal a dik lomi a si.
6 Mi-aa hmur in tawhawknak a suak;
Cun a kaa in vuakvelhnak a sawm.
7 Mi-aa a òong tikah amah le amah
a siatsuah aw rero;
A òongmi in amah le amah a awk aw.
8 Mi relsiatnak thu cu a thaw nasa;
A thlum zet ih kan dolh hluahhlo.
9 Mi zaangzel cu
mi siatsuahtu tluk ih sia a si.
10 Bawipa cu a hngetmi beunak
inn donhleisang a si;
Miding pawl cu cutawkah
an feh ih an him.
11 Milian pawl in an sumsaw kha
himnak ah an ruat;
A sang ih a fek zetmi khuapi
kulhnak hauhruang ah an ruat.
12 Zokhal tangdornak a neih hlan lo
cu upatnak pek a si dah lo;
Mi hngal pawl cu siatnak lamzin ah an um.
13 Thu na leh hlanah òha tein
ngai hmaisata aw;
Cutin na tuah lole mi-aa na si
ih hlei ah thu na leh mi kha
na hmuhsuam a si.
14 Minung thinlung in natnak a tuar thei;
Sikhalsehla zoso thinlung kuai cu
a tuar thei?
15 Mifim pawl cu zir duhnak
thinlung an nei ringring.
16 Mi thupi mi ton na duh maw?
Thil òhen ding keng awla ol tein
na tong thei ding.
17 Thuòhennak zungah thu a sim
hmaisabiktu cu mi dik bik a bang;
Sikhalsehla cutiih a bangnak cu
amah a eltupa in thu a sut ih
a hlathlai ciamco tik tiang
lawng a daih.
18 Thuthei zet veve pahnih thuòhennak
zungah thu an el awk ahcun,
Camcawhfung lawngin
an thu a òhen thei.
19 Na unau bawm awla anih in
a fekmi khuapi hauhruang vekin
a lo hum ding;
Asinan na tawh a si ahcun
na hrangah a sangka a khar ding.
20 Na òong ih a suahtermi rah in
na pum a lo puarter ding;
Na hmur ihsin a suakmi in
na lung a lo kimter ding.
21 Na òongkam in na nunnak a himter
thei vekin siatnak khalah
a siatter thei;
Curuangah na òongkam ruangih
a ra thlengmi thil pawl cu
na tuar thei a òul.
22 Nupi ton cu thil òha ton a si;
Cumi in Bawipa ih
òhatnak na parah a langter.
23 Mifarah a òong tikah a dil tein
a dil òheu;
Sikhalsehla milian pa cun
awka hrang in mi a let.
24 Rualpi hrekkhat cu caan tawite
sung lawng an hmun;
Sikhalsehla rualpi òhenkhat cu
unau hnakin mi an tlaihsan sawn.