17
1 Rem awklonak inn ih puai zawh hnakin,
Thinlung hnadaite ih buhòhing
tlangkhat ei a òha sawn.
2 A fim zetmi sal cu a bawipa ih
fapa santlai lomi tlunah,
Thuneihnak a ngah dingih ro
òhenkhat a co ve ding.
3 Sui le ngun cu meisa in
hniksak an si;
Minung thinlung cu
Bawipa in a hniksak.
4 Miòha lo pawl cun ruahnak òha lo
an thlun ih,
thuphanpertu pawl in
thuphan thu kha an ngai.
5 Mifarah na zawmtai a si ahcun
a sersiamtu Pathian na zawmtai a si;
Mi in vansiatnak an ton tikah
na di a riam ahcun hrem na si ding.
6 Tar pawl ih bawi lukhuh cu
an tu le fa pawl an si;
Nauhak pawl ih sunlawinak cu
an nu le pa an si.
7 Upat tlakmi pawl in
thuphan an sim lo;
Mi-aa pawl cun a remcaan lai ah
simrel ding an thei lo.
8 Mi hrekkhat pawl in nawhthuh cu
mitkher vekin hna a òuan
thei ding tiin an ruat;
Ziang hmuahhmuah a tuah thei
tiah an zum.
9 Mi in nangmah a lo duhdawt ding
na duh a si ahcun,
An sual tikah va ngaithiam aw;
Sualpalhnak ciin ringringnak in
rualpi a òhen thei.
10 Mi-aa vei zakhat thawi hnakin,
Mifim vei khat kawk
a lut thuuk sawn.
11 Harnak a suakter ringringtu
miòha lo pawl hnenah,
Thihnak kha zualkotu bangin
thlah a si ding.
12 A fa lon sak mi vompi ton hi,
Mi-aa buai rero lai ton hnakin a òha deuh.
13 Òhatnak kha òhat lonak ih
a lehrultu cu,
òhat lonak khan a inn ihsin
a suahsan lo ding.
14 Tawhawknak hramthok cu
tidai khamtu kuai hramthok vek a si;
Sualawknak a um hlanah baang aw.
15 Sualnak nei lo mawhthluk le
miòha lo thiamcoter hi,
An pahnih in Bawipa ih
huat zawng a si.
16 Mi-aa fim zirhnak hrangih
tangka tampi cem hi ziangso
a òhahnem?
Ziangahtile a fim cuang lo ding;
Fim theinak thinlung a nei lo.
17 Rualpi òha in duhdawtnak
an langter ringring;
Harsatnak caan ih kan bawm awk lo ah
unau si man ziangso a um?
18 Khawruahnak nei lo mi-aa lawng in
midang ih leiba hrangah,
òuanvo lakin thu a kam aw.
19 Sualnak duh cu harsatnak
tuah duh thawn a bang;
Na uar awk rero ahcun harsatnak
na sawm thawn a bang.
20 Thinlung òha lo minung cu
a lamzin a tluang lo;
Mibum hmang lei cu siatralnak
sungah a tla.
21 Fapa aa cun riahsiatnak a suahter;
Fapa aa a neitu cu lungawinak
a nei lo.
22 Lungawinak hi sii òha zet a si.
Thinharnak in ruh a roter.
23 Thuòhentu misual pawl cun,
Nawhthuh an lak thup ih dingthluk
lairelnak a um thei lo.
24 Mifim pawl cun thil òha tuah ding an thei;
Asinan mi-aa pawl cu
an thinlung a vangza.
25 Fapa aa in pa ih hnenah thinharnak
a thlenter ih,
A nu ih hnenah lungretheihnak
a thlenter.
26 Sualnak nei lomi hrem cu a dik lo;
Miòha pawl vuak cu a sia sinsin.
27 Mifim pawl in tampi an òong lem lo;
Dai tein a ummi cu thildik hmu
theitu an si.
28 Mi-aa hman dai tein a um ahcun,
mifim ah ruah a si;
A kaa a ciip ahcun,
mifim bangtuk a si.