14
1 Nunau fim pawl in an inn an sak;
Asinan a aa pawl in anmah kut lala
in an balsiat.
2 Miding pawl in
Bawipa an òihzah;
Asinan mi hrokhrawl pawl cun
ziangah an siar lo.
3 Mi-aa hngal in tam tuk an òong ih,
Mifim pa ih òongkam in
amah kha a humhim.
4 Hnaòuantu ding cawcang pawl
an um lo ahcun,
na cuam cu a lawng ding;
Asinan cawcang pawl ih thazang in
rawl tampi a suah ding.
5 Rin tlakmi thutheitu in
thudik a sim òheu;
Asinan rin tlak lomi cun
thuphan lawnglawng a sim.
6 Mi puarthau pawl cu
mifim an cang thei dah lo;
Asinan mifim pawl cun
ol ai ten thu an zir.
7 Mi-aa pawl kiangkap ah um hlah;
Nangmah lo zirh ding
zianghman an nei lo.
8 Ziangruangah mifim cu a fim?
Ziang ka tuah ding ti
a theih ruangah a fim.
Ziangruangah mi-aa cu a at?
Ka thei a si tiah
a ruahawk ruangah a aa.
9 Mi-aa pawl cu an sual khalah
sualsir awk ti an thei lo.
Asinan miding cun ngaihthiam mi
si ding kha an duh.
10 Na lungawinak cu
nangmah ih ta a si;
Na riahsiatnak khal nangmah ih ta a si;
Zohman in an lo òawmpi thei lo ding.
11 Miòha lo pa ih inn
a siat òheh hnu hmanah,
Miòha pa ih deu cu
a fek ringring hrih ding.
12 Mihrek in lamzin dik tiih an ruahmi
a netnak ah thihnak ih
mi hruaitu lamzin a um.Ref 14.12 Thup 16:25;
13 Hnihnak aw in riahsiatnak aw
a thup thei;
Sikhalsehla lungawinak a cem tikah,
Riahsiatnak cu a tang ringring ding.
14 Miòha lo in an òhat lo man
an ngah dingih,
Miòha in an òhatman an ngah ding.
15 Ruahnak mal pawl in
ziang hmuahhmuah an zum;
Mifim pawl cun an fehnak kha
òha tein an zohta òheu.
16 Mifim pawl cu ralring tein an um ih
òhat lonak kha an hrial;
Asinan mi-aa cun ralrinnak nei lo in
zamrang tukin an tuah òheu.
17 Mi thintawi pawl cu
at-hlawh zet in thil an tuah;
Asinan mifim deuh pawl cu
tangdorte in an um.
18 Ruahnak mal pawl cu
at man an ngah ding;
Asinan mifim cun an fim man ah
fimthiamnak an co ding.
19 Miòha lo pawl cu miòha pawl
hmaiah an kun ih,
Mithmai òha ngah dingin
zangfah an dil.
20 Mifarah pawl cu
an innhnen hman in an hrial;
Asinan milian pawl cu
rualpi tampi an nei.
21 Mi lungawi si na duh ahcun,
mifarah va zangfah aw;
Midang hmuhsuam cu sualnak a si.
22 Òhatnak hrang lawng
khua na khan ahcun,
Mi in an lo zum dingih
an lo upat ding.
Asinan òhat lonak hrang khuakhan cu
palhnak a si.
23 Hnaòuan khung òuan awla
na cawm aw thei ding;
To men ih òong rero cu farahnak a si.
24 Mifim pawl cu lennak laksawng
pek an si ding;
Asinan mi-aa pawl cu an aatnak in
theih thei an si.
25 Thudik simtu thutheitu cun
nunnak a humhim ding;
Asinan thuphan a pertu cu
mi zuartu a si.
26 Pathian òihzahnak in
mi pakhat le a innsang hnenah,
mah le mah rinsan awknak le
humhimnak a pek.
27 Thihnak in luat na duh maw?
Bawipa òihzah cu
nunnak cerhti a si.
28 Siangpahrang ih hu le thawm cu,
a ukmi tam le mal parah a um;
A ukmi an um lo ahcun
amah lawng cu zianghman a si lo.
29 Thinsau mi cu mifim a si;
Asinan na thin a tawi ahcun
na aatnak kha na langter.
30 Thindaihnak in pumsa a damter;
Asinan iksiknak cu ruh hrangah
khensar natnak vek a si.
31 Mifarah pawl na hrem ahcun,
mifarah pawl sersiamtu Pathian
na nautat a si;
Asinan farah pawl zangfahtu cu
Pathian òihzahtu a si.
32 Miòha lo pawl cu anmah ih tuahmi
òhatlonak in siatnak a thlenpi;
Asinan miòha pawl cu anmah ih
felnak in a humhim.
33 Fimnak cu mifim pawl ih
lung sungah a um ih,
Mi-aa pawl ih lung sungah cun
umnak hmun a nei lo.
34 Dingnak in miphun a cawisang;
Sualnak cun miphun mual a photer.
35 Siangpahrang in a felmi
a hnaòuantu pawl a lawm;
Asinan a fel lomi hnaòuantu pawl cu a hrem.