13
1 Fapa fim cu a pa in
nun a sim tikah a ngai;
Asinan mi hngal cun
ka sual ngai a ti dah lo.
2 Miòha cun an òongkam ih
rah an ei ding;
Asinan mibum hmang pawl cun
òhat lonak lawng an hiar.
3 Na simmi ralring awla
na nunnak kha humhim a si ding;
Ralring lo ih a òongtu cun
amah le amah a siatsuah aw.
4 Mi zaangzel cun thil tampi
a duh zet òheu;
Asinan zianghman a ngah cuang lo;
Hnaòuan zetmi cun a duhmi
pohpoh a ngah ding.
5 Miding pawl in thudik lo an hua,
Asinan miòha lo òongkam pawl cu
ningzakza le fihnungza a si.
6 Dingnak in sualnak nei lo pawl
a humhim;
òhat lonak cu misual pawl ih
tluknak a si.
7 Mi hrekkhat pawl cu
milian vekin an um;
Asinan zianghman an nei lo;
Mi hrekkhat cu farah vekin an um,
Asinan thilri tampi an nei.
8 Milian in an nunnak tlennak ah
paisa hman ding an nei;
Asinan mifarah cu zohman in
an hringhro lo.
9 Miding pawl ih tleunak cu
a tleu cuang a bang;
Miòha lo pawl ih meikhuat cu
a mit cing ding.
10 Puarthaunak cun harsatnak lawng
a suahter;
Midang ruahnak thuron cu
fimdeuhnak a si.
11 Ol-ai deuh ih na ngahmi lennak cu,
A rei hlanah a hlo vivo ding;
Harsazet ih na hlawhmi cu
rei a daih ding.
12 Ruahsannak ngah lohli lo tikah
thinlung a na;
Asinan saduhthah mi a kim tikah
nunnak cu lungawinak in a khat.
13 Nunsimnak thu zianghman
a siar lotu pawl cu anmah le anmah
an siat awter ding;
Nunsimnak thu a thlun mi pawl cu
an him ding a si.
14 Mifim mi pawl ih zirhnak cu
nunnak cerhti a si;
Cupawl in na nunnak cu
òihphannak sungih a um tikah,
an luatter ding.
15 Fimthiamnak in upatnak a hlawh,
Asinan zum tlak a si lomi pawl cu
siatnak lamzin ah an feh.
16 Mifim pawl cu thil an tuah hlanah
khua an ruatta òheu;
Asinan mi-aa pawl cun an aatnak
sawn an phuang.
17 Rinsan tlaklo tlang autu pawl in
harnak an suahter;
Asinan zumtlakmi palai pawl in
daihnak an suahpi.
18 Nunsimnak ngai duh lo cu
farahnak le mualphonak a si;
Asinan nunsimnak a ngaitu cu
upatnak an co ding.
19 Saduhthah mi ngah hi
ziangtlukin a òha;
Mi-aa pawl cun òhat lonak ihsin
kirsal ding an duh lo.
20 Mifim pawl thawn um tlang awla
na fim ding;
Mi-aa na pawl a si ahcun
harnak na tong ding.
21 Misual pawl cu harsatnak in
hmunzakip ah a thlun;
Asinan miding pawl cu
òhatnak laksawng an co ding.
22 Miòha in a tu le a fa tiangin
a lennak a roh ding;
Asinan misual pawl ih lennak cu
miding pawl kut ah a thleng ding.
23 Thlawh lomi loram ihsin farah
hrangah rawl tampi a suah ding;
Asinan dingthluk lairelnak a um
lo ruangah a suakmi rawl hman
an sung lam ding.
24 Na fapa na hrem lo ahcun
amah na duhdaw lo a si;
Na duhdawt a si ahcun
nun na sim ding.
25 Miding pawl in eikhop rawl an nei;
Asinan miòha lo pawl cu
kumkhua in an ril a rawng.