2
Khrih Tangdornak Le A Maksaknak
1 Khrih thawn nan pehzom awknak ruangah nan nunnak a hnget cuang ih a duhdawtnak in nan hna a lo ngamter. Thlarau thawn pawlkomnak nan nei ih pakhat le pakhat parah zangfah lainatnak nan nei a si lo maw?
2 Cuti asile hitiin ka lo forh duh: Nan ruahnak hmunkhat seh, duhdawtnak khalah pakhat le pakhat duhdaw aw ton uh; nan thinlung le nan tummi khal bangrepaw sehla cuticun lungawinak ka neihmi hi nan kimter sinsin ding a si.
3 Mi nahsuahnak nei in, mah ih zawn lawng ruat ih, mah ih hminòhatnak lawng hawl in zianghman tuah hlah uh. Pakhat le pakhat tangdorawk tonnak thinlung nei uhla midang hnakin ka òha deuh tiah ziangtik hmanah ruataw hlah uh.
4 Nanmah duhnak lawng si lo in midang in an hrangah a thupi bik ih an ruahmi kha a hmuh zia thiam ve uh.
5 Nan thinlung putdan cu Khrih Jesuh ih thinlung putdan vekin siseh, .
6 Khrih cu Pathian sinak a nei ringring;
Asinan Pathian bang dingah
hramhram in a tum dah lo.
7 Cu ai ah, Amah ih lungtho tein,
a sinak hmuahhmuah a taansan ih,
hnenum sinak la tahrat in,
Minung ah a cang ih
minung pian zia in a piang.
8 Tangdornak thinlung a nei ih,
Pathian thu thlun in,
Thinglamtah thihnak tiangin a tuar.
9 Curuangah a sang bik hmunah
Pathian in a cawisang ih,
Hmin hmuahhmuah lakih
cungnungbik hmin a pek.
10 Cuti a si ruangah,
Jesuh hmin upatnak pekin,
Vancung ih a ummi hmuahhmuah in siseh,
Leitlun le leihnuai ih a ummia 2:10 Leihnuai ih a ummi: timi hi culai san ahcun a thimi pawl cu leilung hnuai khawthim lakah an um tiin an rak zum.
hmuahhmuah khalin siseh,
an khuk an bilh dingih,Ref 2.10 Isa 45:23;
11 Jesuh Khrih cu Bawi a si,
tiah Pa Pathian sunlawinak ah
an zate in an phuang ding.
Arsi Bangin Tleu Uh
12 Curuangah, ka duhdawtmi ka rualle uh, nan hnen ka um lai ih ka thu nan thlun ringring vekin le, cuhnak hman in a thupi sawn mi cu, nan hnenih ka um lo caan khalah ka thu nan thlun ding hi a si. Rundamnak famkim nan ngahnak dingah òihzah le òhia phahin òuan rero uh.
13 Ziangahtile amah ih tumtahmi duh dingah le nan tuahsuak dingah Pathian cu nan sungah hna a òuan a si.
14 Ziang nan tuah khalah phunzai rero lo le el aw rero lo in tuah uh.
15 Cuticun hi leilungtlun miòha lo le misual pawl lakih a ummi nannih hi a famkimmi Pathian faate, mawh nei lo le mithiang ah nan cang ding. Van ih arsi tleu bangin leilungmi lakah tleu uh.Ref 2.15 Daan 32:5;
16 Nunnak thu nan phuan lai ahhin cubangtuk in tleu uh. Cuticun Khrih Ni ah hmaihngalnak ka nei dingih ka hnaòuannak le taimak ka suahnak pawl hmuahhmuah hi a lak an si lo, ti a langter ding.
17 Thahnak tuarin ka nunnak thisen hi nan zumnak Pathian hnenih thawinak bangin nan pekmi parah toih a va si khalle cumi cu ka lungawinak a si ko dingih nan zate in cuih ka lungawinak cu òawm ka lo duh hai a si.
18 Cuvek thotho in nannih khalin nan lungawinak cu in òawm ve uh.
Timote Le Epafroditas
19 Pathian in rem a ti ahcun, nan thuhla tla ka theihnak ihsin tha ka ngah ding tiah beiseinak ka neih ruangah a rei hlanah Timote nan hnenah rak thlah ka tum.
20 Amah lawnglawng hi ka thinlung i theitu le nanmah seherhnak taktak a neitu a si.
21 Midang cu anmah ih hrang lawnglawng an ruat ciar ih Jesuh Khrih hrang an ruat lem lo.
22 Anih cu ziangtluk rinsan tlak a si, ti cu nanmah rori in nan theihmi a si: Keimah thawn pa le fa bangin Thuthangòha hrangah hna kan òuan tlang, ti kha nan hmu zo.
23 Curuangah ka thuhla ahhin ziangbangtuk in thil a cang ding ti a fian ve tein amah cu ka rak thlah dingih,
24 keimah rori nan hnenah ka ra thleng cing thei ding tiah Bawipa rinsannak thawn ka um.
25 Cule kan unau Epafroditas hi nan hnenah rak thlah a òul tiah ka ruat. Amah cu keimah thawn hnaòuan tlang le raldo tlang kan si ih keimah bawm dingah nan rak thlahmi a si.
26 A nat thuhla nan rak theihmi kha a thin nuam lonak ah a cang ih nanmah ra ton ding a hngakhlap zet a si.
27 A na ti men ding hman a si lo, thizik ngaingai in a na. Asinan Pathian in a zangfah; amah a zangfah lawng si lo in keimah khal i zangfah ih ka hnenih riahsiatnak tum sinsin a thleng dingmi ihsin i luatter.
28 Curuangah nan hnenih rak kuat ka duh cuangnak cu a si ih amah nan hmuh tikah nan thin a nuamsal dingih kei khal ka riahsiatnak a cem ve ding a si.
29 Amah cu Bawipa ih sungah kan unau a si ih lungawi aipuangte in rak cohlang uh. Amah bangtuk minung cu hmaizahnak pe uh,
30 ziangahtile Khrih hrang hnaòuannak le nanmah in, in pek theilomi bomnak kha pe dingah a nunnak hman ruat lo in a òuan ih a nunnak tiangin a cem zik a si.