3
Bawipa A Rasal Ding
1 Ka duhdawtmi pawl, himi hi a vei hnihnak nan hnenih ka nganmi cakuat a si. Ka cakuatmi a vei hnih tein ka tummi cu nan thinlung sungah ruahnak thiang um thok seh tihi a si ih cumi cu ka lo theihtersal duhmi a si.
2 Hlanlaipi ah mithiang profet pawl in an rak sim cia mi le in Runtu kan Bawipa in thukam a lo pekmi, nan hnenih tirhthlah pawl ih an phuanmi pawl kha ciing ringring uh, ti ka duhmi a si.
3 A hmaisabik ah nan theih dingmi cu: Ni netabik caan ah mi òhenkhat an tisa hiarnak ih a ukmi pawl an ra suak ding, tihi a si. Cupawl cun hnihsuah ah an lo sai dingih,Ref 3.3 Jud 18;
4 “Khrih in ka rasal ding, tiin a lo tiam a si lo maw? Atu hi khuiahso a um? Kan pupa pawl cu an thihnak a rei zo, sikhalsehla leilung a sem pek ihsin atu tiang ziang hmuahhmuah anmah keel thotho an si,” tiah an lo ti ding.
5 Hlanlaipi ah Pathian in a thu in lei le van hi a tuah a si, ti an thei nain a thei lo vekin an um ding. Leilung cu tidai sung ihsin le tidai thawn tuahmi a si.Ref 3.5 Sem 1:6-9;
6 Cule tidai thotho, tilik tidai in leilung hlun cu a siatsuah a si.Ref 3.6 Sem 7:11;
7 Asinan atu ih a ummi van le leilung hi meisa ih siatsuah dingah Pathian ih thupeknak thotho in zuah hrihmi an si. Pathian a hmuhsuamtu pawl thuòhen an si ni le siatralnak an ton ni hrangah zuahmi an si.
8 Ka duhdawtmi pawl, thu pakhat hi hngilh hlah uh: Bawipa ih zohdan ahcun ni khat le kum thawngkhat an dang aw lo; amah ih hmai ahcun an bang aw a si.Ref 3.8 Saam 90:4;
9 Bawipa cu a thukammi kimter dingah a khul a fung a si tiah mihrek in ruat hman hai sehla, a khul a fung a si lo. Nan parah thinsaunak a neih ruangah a si sawn; ziangahtile pakhatte hman siatralnak tong lo tein mi hmuahhmuah an sualnak ihsin an kirsal theinak ding a duh ruangah a si.
10 Sikhalsehla Bawipa ih Ni cu rinlopi ah fifir bangin a ra ding. Cuih Ni ah van pawl cu huuk celcel in an hloral dingih van ih a ummi hmuahhmuah tla an kang dingih an siatral òheh ding. Cule leilung cu a parih a ummi thil hmuahhmuah thawn a hloral ding a si.Ref 3.10 Mat 24:43; Luk 12:39; 1 Thes 5:2; Thup16:15;
11 Hibangtuk in ziang hmuahhmuah a siat òheh ding ruangah nan nun lai ahhin ziangbangtuk i nung ding so nan si? Nan nunnak cu a thianghlimmi sisehla Pathian hnenih hlanmi siseh, .
12 Van pawl an kang òheh ih siatsuah òheh an si ni le van ih a ummi hmuahhmuah meisaling in a tiitter òheh ding ni Pathian ih Ni cu ra thlengzang hram seh tiih nan hngah òiaòia lai ahhin cubangtuk cun um uh.
13 Sikhalsehla kannih cu Pathian ih in tiamkammi van thar pawl le lei thar, dingnak a tlanlennak hmun cu kan hngak a si.Ref 3.13 Isa 65:17, 66:22; Thup 21:1;
14 Curuangah ka duhdawtmi tla, cuih Ni nan hngah rero lai ahhin Pathian hmaiah mawh nei lo le a thiangmi si dingah zuam uhla amah thawn a rem aw mi si uh.
15 Kan duhdawtmi kan unau Paul in Pathian ih a pekmi fimnak thawn nan hnenih a nganmi ca kuat sungih a um vekin Bawipa in kan parih a thinsaunak cu kanmah rundamsuak in duh ruangah a si, tiin ruat uh.
16 Hi thuhla a telhnak a cakuat nganmi hmuahhmuah sungah cubangtuk in a ngan òheu a si. A cakuatmi sungih a nganmi thuhla hrekkhat cu a theih a harmi an si ruangah mi-aa le mi hnget hngai lo pawl cun, Ca Thianghlim cang dangdang ih sullam an hrilhfiah sual vek thotho in, a ping a peng hlir in an sim a si. Cuticun anmah ih par lala ah siatralnak an thlenter.
17 Sikhalsehla ka duhdawtmi tla, nannih hrangah cun himi cu nan theih cia mi a si. Curuangah ralring zet in um uh! Cin le daan nei lomi pawl in an lo hruai sual lonak dingah le him zet in nan umnak hmun ihsin nan tlak lonak dingah ralring tein um uh.
18 Kan Bawipa le in Runtu Jesuh Khrih zangfahnak le amah theihnak sungah òhang vivo uh. Amah hnenah sunlawinak cu atu le kumkhua in um camcin seh. Amen.