5
Pathian Ih Tuurual
1 Kawhhran upa pawl, kei khal kawhhran upa ka si ve ih, zangfah ka lo dil. Khrih ih tuarnak a hmutu ka si ih a lang dingmi sunlawinak khal a òawmtu dingmi ka si ruangah ka lo dil a si.
2 Pathian ih a lo pekmi tuurual khaaltu si uh; nuar phah ih a khaaltu si lo in Pathian ih duhnak bangtukin thinlung thote ih a khaaltu si uh. Hna nan òuan tikah hlawhman ngah duh ruangah si lo in duhnak taktak thawn òuan sawn uh.
3 Nanmah ih kilkhawi dingih retmi tuurual kha a uk in uk tum hlah uh; an zohòhim dingin nung sawn uh.
4 Cule Tuukhal Bawi Bik Khrih a lang tikah a tleunak a dal thei dah lomi bawi lukhuh sunglawi nan ngah ding.
5 Cubangtuk thotho in nannih mino deuh pawl in kum upa deuh pawl ih thu kha nan ngai pei. Nan zate in tangdornak thawn thuam aw uhla pakhat le pakhat bawm aw uh. Ziangahtile Ca Thianghlim in, “Mi hngal pawl cu Pathian in a dodal ih tangdormi cu mithmai òha a pek a si,”Ref 5:5 Thuf 3:34; Mat 23:12; Luk 14:11. tiah a ti.
6 Curuangah a cakmi Pathian ih kut hnuai ah tangdorte in um uhla amah in caan a kim a ti tikah a lo khaisang leh ding.Ref 5.6 Mat 23:12; Luk 14:11, 18:14;
7 Nan donharnak hmuahhmuah cu Amah ih hnenah òhum uh, ziangahtile Amah cu nan zawn a lo ruattu a si.
8 Fimvarte in um uh! Ralring tein um uh! Nan ral Satan cu deh ding hawl ah a huuk reromi kiosa bangin a tawi a vak zok rero a si.
9 Nan zumnak ah hngetkhoh uhla Satan cu do uh, ziangahtile leilungtlun khuazakip ih a ummi Khristian unau pawl khal hibangtuk in harsatnak hi an tuar rero ve a si, ti kha nan thei.
10 Cule caan malte sung nan tuar hnuah zangfahnak in a khatmi Khrih thawn nan pehzom awk ruangah amah thawn kumkhua sunlawinak hlawm aw dingih a lo kotu Pathian Amah rori in a lo famkimter dingih hngetkhohnak le thazang cahnak a lo pe ding.
11 A hnenah thuneihnak cu kumkhua in hmun hram seh. Amen.
Netabik Cibai Buknak
12 Hi cakuat tawite hi rinsan tlak Khristian unau tiih ka ruahmi Silas ih bomnak thawn nan hnenah ka ngan a si. Ka lo forh duhmi cu: Hi cakuat sungih ka nganmi hi Pathian zangfahnak taktak a si tiin a thei fiangtu ka si ih cuih zangfahnak sungah hngette in ding uh, tihi a si.Ref 5.12 Tirh 15:22, 40;
13 Pathian ih a hrilmi Babilond 5:13 Babilon timi hi Thuphuan cabu sungih a um vekin Rom khua a ti duhnak a si. ih a ummi nan unau kawhhran in cibai an lo buk. Ka fapa Marka khalin a lo buk ve a si.Ref 5.13 Tirh12:12, 25, 13:13, 15:37-39; Kol 4:10; File 24;
14 Pakhat le pakhat cibai bukin Khristian duhdawtnak thawn hnam aw uh. Khrih ta a simi nannih nan zate hnenah daihnak um hram seh.