4
Khristian Nundan
1 Khrih cu a taksa in harsatnak a tuar ruangah nannih khal amah ih thinlung neihmi bangtuk nei in nan thinlung khohter uh. Ziangahtile taksa harsatnak a tuartu cu sualnak sungah a tel nawn lo a si.
2 Curuangah a tuih thok ihsin leilungtlun nunnak caan nan neih sung hmuahhmuah ah minung duhnak si lo in Pathian duhnak in lo uk seh.
3 Pathian awi lo khawvel pawl ih tuah an duhmi thil kha tikcu tawk fang nan rak tuah ve zo. Nan nunnak cu zoh mawi lo nunnak, taksa diriamnak, zuritnak, nun nuamin nupa sualnak, ei le in, in puaituah nomnak, le fihnungza milem biaknak ah nan hmang zo.
4 Atu ahcun Pathian awi lo khawvel pawl ih zianghman suupnak nei lo in an nunnak ah nan tel nawn lo tikah nan parah an khawruah a har ih an lo sulh ciamco a si.
5 Sikhalsehla annih cu minung le mithi thuòhentu ding Pathian hmaiah an nundan an phuang aw leh ding.
6 Curuangah a sisi mithi hnenah Thuthangòha phuan a si cu! Annih tla cu midang vek thotho in an nun lai ah thuòhennak an rak tong zo. Cule an hnenih Thuthangòha phuan a sinak cu thlarau ih an nunnak ah Pathian a nun vekin nung ve dingah a si.
Pathian Hrangah Hnaòuantu Òha
7 Ziang hmuahhmuah hrangah a netnak tikcu caan a naizet zo. Curuangah òha teih thla nan cam theinak dingah suupawknak nei in thinlung fimvartein um uh.
8 Ziang hmuahhmuah hnakin pakhat le pakhat nan thinlung tak tein duhdaw aw uh, ziangahtile duhdawtnak in sualnak tampi a khuh thei a si.Ref 4.8 Thuf 10:12;
9 Phunzai lo tein nan inn ah pakhat le pakhat tlungter aw uh.
10 Pathian laksawng dangdang kengtu òha nan si bangtukin a hnen ihsin nan ngahmi laksawng cu midang òhatnak hrangah hmang fingfing uh.
11 Jesuh Khrih thawngin ziang hmuahhmuah ah Pathian in thangòhatnak a ngahnak dingah thusimtu in Pathian thu cu Amah ih hmurka suak vek rori in sim uh; hnaòuantu in Pathian hnen ihsin thazang nan ngahmi thawn òuan uh; sunlawinak le cahnak hmuahhmuah cu kumkhuain amah ih ta an si. Amen.
Khristian Tuar Theinak
12 Ka duhdawtmi ka rualle uh, a harsazet hniksaknak nan tuar ruangah hin mangbang in um hlah uh; zohman ih an ton dah lomi harsatnak kan parah a thlengce ti in ruat hlah uh.
13 Khrih ih tuarnak a hlawm aw mi nan si ruangah nan lungawi sawn uh. Cutiin nan ti asile a sunlawinak a lang tikah nannih cu lungawinak in nan khat ding.
14 Khrih thluntu nan si ruangah mi in an lo hmuhsuam a si ahcun nan lungawi uh; ziangahtile Pathian Thlarau, Thlarau sunglawi nan parah a um tinak a si.
15 Nanmah lakah pakhatkhat harsatnak nan tuar asile laithat, fifir, daan buartu a si ruangah le midang thuhla a tokhroktu a si ruangih tuar lawngte si hram hlah seh.
16 Khristian nan si ruangih nan tuar a si ahcun nan ningzak hlah uh; Khrih hmin a kengtu nan si ruangah Pathian hnenah nan lungawi sawn uh.
17 Thuòhen thawhnak caan a ra thleng zo ih Pathian ih innsang sungtel pawl in thuòhennak an tong hmaisa ding. Cutiin kan parih thok hmaisa a si ahcun Pathian Thuthangòha a zum lotu pawl cu ziang vekin so an neet leh ding?
18 Ca Thianghlim sungih a um vekin:
“Miòha hrang hmanah
rundamnak ngah hi a ol lo;
Cuti asile Pathian bia lo misual pawl cu
ziang an cang leh ding?”Ref 4:18 Thuf 11:31;
19 Curuangah Pathian tumtahnak bangtukin harsatnak a tuartu pawl cun thil òha an tuahnak ruangah Pathian hnenah an ziangzongza hlan aw òheh hai seh; Pathian cu anmah Siamtu a si ih a thukam a pelh dah lo.