OBADIAH
Thuhmaihruai
Obadiah cabu tawite hi BC 586, Jerusalem siatbal hnu ih nganmi a si. Judah ih kumkhua ral Edom cu Jerusalem a siat ruangah a lung a awi lawng si lo in thazang a neih nawn lo kha caan òha ah la tahrat in Jerusalem rak ram vetu a si. Cuih Edom cu ral a sung dingih hrem a si ding ti in Obadiah in a sim. Culawng hman si lo in Israel rak raltu ram pawl hmuahhmuah thawn hmunkhat ah hrem le neh a si ve ding a ti.
1
Bawipa In Edom A Hrem Ding
1 Edom ram thuhla ah Bawipa
Pathian in Obadiah hnenih
a simmi langnak cu,
Bawipa in miphun pawl lakah
a tlang autu a thlah ih
a tlang aumi kan theihmi cu:
“Nan timtuah uh,
Kan zate in tho in Edom kha
2 Edom hnenah Bawipa in,
“Zoh hnik, miphun lakah phunnau
bik ah ka lo tuah ding;
Hmuhsuam nautatmi na si ding.
3 Na hngalnak in a lo bum ngah zo.
Lungpuk sungah na um ih,
Hmun sang zet ih na um ruangah
na thinlung cun,
‘Zoso i dir thla theitu ding?’ tiah na ti.
4 Muvanlai bangin vansang zet ah
zuang in na bu cu
arsi lakah sak hman awla,
Ka lo dir thla thotho ding,” tiah
5 “Zan ah rukru ra hai sehla,
An lo rammi cu a tam ding nain,
An lakmi cu an duhmi lawng a si ding.
Sabit rutu pawl ra hai sehla,
Hlahmi nei lo in maw an um ding?
6 Asinan Esaua Esau hitawkah Esau a timi cu Edom ram a ti duhnak a si. thilri an ram zia hi
ruathnik uh;
A thup teih a retmi sumsaw hman
an phorhsuak òheh hi!
7 A hlanih a lo òanpitu pawl in an lo bum,
Na ram sungin an lo dawihlo.
Nangmah thawn rem teih a rak ummi
pawl in an lo neh zo.
Nangmah rawl a hil pitu
na rualpi pawl in thang an lo kam;
‘Fimnak a neihmi khuiahso a si?’ an lo ti.
8 “Cuih ni ahcun Edom mifim pawl
ka siatsuah dingih,
Esau Tlang ah fimnak ka zuah lo ding.
9 Temanb Teman cu Edom ram ih lal pakhat a si. ralkap pawl an thin a phang
dingih Edom ralkap hmuahhmuah
thah an si ding.Ref 1.9 Sem 36:42;
Ziangah Edom Hremnak A Tong
10 “Na unau Jakob tesinfa hnenih
thil sual na tuah ruangah,
Ningzak in na um ringring dingih
Kumkhua in na hloralta ding.
11 Ral pawl in an kotka tla
an siatbal òheh ni ahkhan,
zianghman poisa lo in na rak ding men.
Jerusalem ih hlawnthil a la hlo ih
Camcawhfung zuuk in a zem aw
òhehtu ramdangmi tluk in mi siava na si.
12 Na unau ih vanduai ni ah
porh aw rero hlah;
Judah siatsuahnak a ton ni ah
na lungawi hlah.
Awloksong ih an um ni ah
hni suamso hlah.
13 Ka minung pawl harsatnak an
tuar ni ah an kotka sungah va lut hlah.
Siatnak an ton ni ah diriam in va um hlah.
An tluk ni ah an thilri khal va long hlah.
14 Tlansuah a tumtu pawl that dingah
lamzin òek in bawh hlah.
Vansanglam ih an um ni ah
an miluat hrekkhat an ral kut
sungah va pe hlah.Ref 1:1-14 Isa 34:5-17; 63:1-6; Jer 49:7-22; Ezk 25:12-14; 35:1-15; Amo 1:11-12; Mal 1:2-5;
Pathian In Thu A Òhen Ding
15 “Rei lo teah Keimah Bawipa in,
Miphun hmuahhmuah parah thu
ka òhen ni a ra thleng ding.
Maw Edom, midang parih na tuah
vekin na parah tuah a si ve ding.
Na thil tidan cu na lu parah a rakir ding.
16 Ka minung pawl in ka tlang
thianghlim parah a khami
hremnak khuathai an in zo.
Sikhalsehla a kiangkap ih ummi
Miphun hmuahhmuah cun,
Cuhnakih a kha sawnmi khuathai an in ding.
An zate in an in dingih an hloral òheh ding.
Israel Ih Nehnak
17 “Asinan Zion Tlang ah
mi hrekkhat an luat ding.
Cuih tlang cu a thianghlim ding.
Jakob ih minung pawl in,
an covo anmah ih ram kha an cosal ding.
18 Jakob innsang cu meisa ah a cang dingih,
Josef innsang cu meihlio ah a cang ding;
Esau innsang cu fanghi a si dingih,
an alh dingih an kang òheh ding.
Esau innsang cu a luatmi pakhat hman
an um lo ding.
19 “Cule Negeb ih a ummi pawl in
Esau Tlang an luah ding,
Shephelah phairawn ih a ummi pawl
in Filistin ram an luah ding.
Israel mi in Efraim le Samaria ram
an luah ding a si.
Benjamin hrin in Gilead ram an co ding.
20 Israel Saklam um saltang pawl
an kir dingih,
Saklam ah Zarefath tiang
Foenisia ram an luah ding.
Jerusalem saltang pawl
Sardis ih a ummi pawl in
Judah thlanglam ih um Negeb
khuapi pawl an luah ding.
21 Nehtu Jerusalem mi pawl in cu
Zion Tlang ah an kai dingih,
Esau Tlang uktu an si ding.
Cule Bawipa cu
Siangpahrang a si ding.