9
Bawipa Ih Thuòhennak
1 Bawipa cu biakòheng kiangih a din kha ka hmu. Thu a pe ih, “Biakinn òhuam lubo pawl kha vaw awla innleng tiangin hnin òheh seh. Khuai òheh awla misenpi ih lu parah tla thluh seh. Midang hmuahhmuah cu ral kut in ka thihter òheh ding. Zohman an luat lo ding; pakhat hman an tlansuak lo ding.
2 Mithi khua Sheol ih relh tum in leilung vun lai khal hai sehla ka phorhsuak thotho ding. Vancung ih an kai hmanah ka dirthlak thotho ding.
3 Karmel Tlang luzim ih an relh hmanah ka hawl dingih ka kai thotho ding. Ka hnen ihsin an tlan ih tipi thuanthum tawdeng ih an vung relh khalle ti sungih rulpi thu ka pe dingih ka cukter ding.
4 An ral pawl in an kai ih ramdang ih an hruaihlo hmanah thah òheh dingin an ral pawl thu ka pe ding. Hi minung pawl cu ka mit òhep lo in ka zoh hai ding; anmah bom ding cu ka tum lo, siatsuah òheh ding lawnglawng ka tum a si,” a ti.
5 Cungnungbik Bawipa Pathian in
leilung a run tham;
Cutikah leilung cu a hnin ciamco.
Leilungtlun mi hmuahhmuah an riah a sia.
Leilung pumpi cu Nail Tiva bangin
a òum tawk, a kai tawk a um.
6 Bawipa in vancung ah
a umnak a tuah;
Van cu leilung ih tlunah a kuumpi in a ret.
Tifinriat ih tidai pawl cu a ko ih
Leilung parah a toih;
A hmin cu Bawipa a si.
7 Bawipa in, “Maw Israel mi pawl, nanmah tluk in Ethiopia mi pawl khal ka ruat zet a si. Izipt ram ihsin ka lo hruaisuak bangin Filistin pawl cu Krete ram ihsin ka hruaisuak ih Siria mi pawl cu Kir ram ihsin ka hruaisuak a si.
8 Keimah Cungnungbik Bawipa in hi miphun sualral, Israel siangpahrang ram cu ka zoh thup ringring ih leilung par ihsin ka phiat fai ding. Asinan Jakob tesinfa pawl cu an zate cun ka siatsuah lo ding.
9 “Thu ka pe dingih Israel pawl cu khohriik in rawl an hriik vekin ka hriik ding. Mi òhahnem lo pawl hlon duh ah miphun tampi lakah ka hriik vivo ding.
10 Ka minung lakin, ‘Harsatnak cu Pathian in kan hnenah a thlenter lo ding,’ a titu misual pawl cu ral kut in an thi ding,” tiah a ti.
Israel Damter Salnak
11 Bawipa in, “Inn cim bangtukih a cim zomi David ram uknak ka dintersalnak ding ni cu a thleng zik thlang. A phar pawl ka remsal dingih ka tungdingsal ding. Ka saksal dingih khuahlan ih a rak si vekin ka sitersal ding.
12 Curuangah Israel pawl in a tang hrihmi Edom ram cu an neh thluh dingih ka ta a rak si dahmi miphun hmuahhmuah khal an nehsal thluh ding a si,” a ti. Himi a cantertu ding Bawipa in a ti.Ref 9.12 Tirh 15:16-18;
13 Bawipa in,
“Tikcu a ra thleng dingih
lorawl cu lak cawk lo in a òhang ding;
Sabit cu sabittiih tuah cawk lo in a zai ding.
Tlangsangpi ihsin sabit thlum
an for thluahthlo dingih,
Tlangpar ihsin tidai bangin a luang ding.
14 Ka minung pawl an ram ah
ka kirtersal ding;
A siat cia mi an khua pawl
an saksal dingih
Cutawkah khua an sa ding.
Sabit hmuan an tuah dingih
Sabitti an in ding.
Hmuan an tuah dingih
an cinmi an ei ding.
15 An hnenih ka pekmi ram sungah
Ka minung pawl ka phun dingih
Phawisal an si nawn lo ding,” tiah a ti.
Bawipa nan Pathian in
a sim zo a si.