2
Nineveh A Siat
1 Maw Nineveh, a lo siatsuahtu
dingin a lo do;
Raldonak ruhkulh in rak bawh uh;
Lamzin zoh òha uh, nan hnipuan
fektein hruk uh.
Nan cahnak le nan thazang suah thluh uh.
2 Siatsuahtu pawl in an thilri an
ram ih an siatsuah òheh zo nain
Bawipa in Judah le Israel
sunlawinak cu a pesal ding.
3 An ral miralòha pawl ih ralphaw cu a sen;
An ralkap pawl cu senlar in an thuam aw;
An rangleng pawl raldo dingah
artlang ih an tiar awk tikah cun,
Meisa tleu vekin an tleu.
An rang pawl cu an dungke hnih in an ding.
4 An rangleng pawl cu khuasung
lamzin kaupi ah an pet ciamco;
Misenpi tonnak hmunah
suk le so ah an khir;
Meisa hlio vek an si,
Nimthlakau vekin an tle zukzo.
5 A hleice ih hrilmi ralbawi pawl an ko,
An nawtawknak ah an bah phahphah.
Khuapi kulhnak phardawl lamah an tlan,
Ral pawl in phardawl ihsin
an run den tikah,
A khamnak zamrang in an tuah.
6 Tiva lam kapih kotka pawl cu
bal òheh an si;
Siangpahrang inn cu òihphannak in a khat.
7 Siangpahrang bawinu an kai,
A sal pawl cun thuro uuk bangin an òah;
An riahsia in an awm an cuum.
8 Tivapi an kham ih an dawlnak
a pah bangin,
Nineveh khualipi sungin
milai an suak ciamco.
“Tlan hlah uh, tlan hlah uh,”
tiah an au,
Asinan zohman an kir duh cuang lo.
9 Ngun pawl ram òheh uh,
Sui pawl la òheh uh;
Hi khualipi cu hlawnthil in a khat
10 Nineveh cu siatsuah òheh a si zo,
Tlansanmi le ramòhing ah a cang zo.
Mi thinlung a nau ih,
An khuk a òhia, an tha a cem,
11 Khuiahso khuapi cu a um?
Kiosa kua vek a simi khuapi,
Kiosa thuangte cawmnak hmun,
Kiosacang le a pinu an fehnak hmun,
Kiosa note tla an himnak khuapi cu?
12 Kiosacang in sa a deh,
A keu ih a bauhthlek òheh.
A pinu le a fanote pawl hrangah,
A kua cu bauhthlekmi sa in a khat.
13 Bawipa in, “Keimah hi nan ral ka si. Nan rangleng pawl ka ur òheh ding. Ral kut ah nan ralkap pawl an thi ding. Midang hnen ihsin nan lakmi cu nan hnen ihsin ka laksal òheh ding. Na palai pawl ih ngenmi cu zohman in an thei nawn lo ding,” tiah a ti.