NAHUM
Thuhmaihruai
Nahum cabu hi hlanlai ihsin Israel ih doral Assiria khualipi Nineveh a siatbal diremnak hla a si. BC 612 ah Nineveh a siat ih cumi hlanih nganmi khal a um. Nineveh khualipi a siatnak cu a puarthau ruangah le a huatsuah ruangah Pathian ih hremnak a tuar tiih hmuhmi a si.
1
1 Himi hi Elkosh khuami Nahum in Nineveh khua thuhla ahRef 1.1-3:19 Isa 10:5-34; 14:24-27; Zef 2:13-15; langnak a hmuh mi a si:
Nineveh Khua Parah Bawipa Ih Thinhennak
2 Bawipa cu thiiknei le
phuhlam hmang Pathian a si;
Bawipa cu phuhlam hmang le
thinheng thei a si.
Amah a dodaltu parah phu a hlam ih,
A ral pawl parah thinheng in a lehrul.
3 Bawipa cu ol tein a thin a heng lo;
Asinan a huham cu a nasa ngaingai.
Misual pawl hrem lo in
a luatter hrimhrim lo ding.
Bawipa ih fehnak kipah
phusing le thlipi a tho ih,
Mero cu a ke fehnak ihsin
a thomi leikhu a si.
4 Tifinriat thu a pe ih a kanter,
Tiva hmuahhmuah khal an car an ro òheh.
Bashan ram le Karmel tlang tla an ro òheh ih,
Lebanon tlang ih pangpar khal
an vuai òheh a si.
5 Tlang sangpipi a hmaiah an hnin ih,
Tlang niamtete an cim òheh.
A hmaika ahcun leilung le
a parih ummi pawl cu an khur ih an òhia.
6 A thinhennak hmaiah
zoso a ding thei ding?
A thin ai thoknak cu
zoso a tuar thei ding?
A thinhennak cu tisa bangin a burh,
A hmaika ahcun lungto hman
leivut ah an cang òheh.
7 Bawipa cu a òha,
Harsatnak caan ah beunak òha bik a si.
A hnenih humhimnak a hawltu cu
a zangfah ih himdamnak an ngah a si.
8 Tilian in thil a siatsuah bangin,
A ral pawl cu a siatsuah ih,
A dodaltu pawl cu thihnak
khawthim sungah a thlak hai.
9 Ziangahso Bawipa cu
a phiar nan tum rero?
A lo siatsuah òheh hai ding a si.
Zohman in vei hnih tiang
an do ngam dah lo.
10 Hling le so an ngerh awk òheh
bangin an ngerh aw;
Zu phaam pawl bangin an ri ih,
Hramro bangin an kang òheh ding.
11 Maw Nineveh, na sungin misual
pakhat Bawipa dodaltu le
midang thusual forhtu a suak zo.
12 Bawipa in Israel mi hnenah,
“Assiria mi an tam zet dingih
an cak zet ding nain,
Siatsuah an si dingih an cem ding.
Ka minung pawl, ka lo hrem zo ih
Ka lo hremsal nawn lo ding.
13 A lo delhtu kawn cu ka khiak ding,
A lo òemòawntu thir cikcin cu
14 Assiria hrangah Bawipa ih
thupekmi cu:
“Na hmin sawngtu dingah tefa
na nei nawn lo ding;
Na khawzing biakinn ihsin
na milem le an zuk pawl cu
ka khuai òheh ding.
Na thlan cu atu ihsin ka timtuah cia dingih,
Nung tlak na si nawn lo,” ti hi a si.
15 Tlang parah Thuthang Òha
a phurtu le daihnak a rak thlentu ih
ke khi zoh hnik uh!Ref 1.15 Isa 52:7;
Maw Judah, na tuah dingmi
puai cu tuah aw,
Na thukammi cu kimter aw.
Miòha lo pawl cun an lo neh nawn lo ding,
Annih cu siatsuah òheh an si zo.