25
Fala Pahra Tahòhimnak
1 Jesuh in, “Cuih caan ahcun vancung Uknak cu mopa hmuak dingah an mei-inn thawn a fehtu fala pahra bangtuk a si ding.Ref 25.1 Luk 12:35;
2 Cuih fala pahra sungah panga cu an aa ih a dang panga cu an fim.
3 Fala aa pawl cun mei-inn an keng nain zinan an keng lo.
4 A fimmi pawl cun an mei-inn khattein zinan an keng.
5 Mopa cu a thlen a tlai ruangah fala pawl cu an sing ih an itthat.
6 “Zanòim a si tikah, ‘Mopa a ra! Tho uhla va hmuak uh,’ tiah au thawm a thang.
7 Fala pahra cu an òhangih an mei-inn cu an timtuah.
8 Cule fala aa pawl cun fala fim pawl hnenah, ‘Kan mei-inn an mit cuahco thlang, nan zinan in òhen ve uh,’ tiah an dil.
9 Fala fim pawl cun, ‘A cang lo ding, nannih cem in zinan kan keng lo. Dawr ah va feh uhla va lei uh,’ tiah an ti.
10 Curuangah fala aa pawl cu zinan lei dingah dawr ah an va feh; an feh sungah mopa cu a rak thleng. Ralring tein a rak um cia mi fala panga pawl cu mopa thawn nupiòhit rawldarnak puai sungah an lut ih sangka an khar.
11 “Cuih hnuah fala dang pawl cu an ra thleng ih ‘ Bawipa, bawipa, sangka in rak on hram aw,’ tiah an au.
12 ‘Thungai in ka lo sim: Nannih ka lo thei hai lo,’ tiah mopa in a ti,” tiah a sim.Ref 25.11-12 Luk 13:25;
13 Jesuh in, “Cutiin a ni le a caan nan theih lo ruangah ralring tein hngak uh,” tiah a netnak ah a ti.
Hnenum Pathum Tahòhimnak
(Luk 19:11-27)
14 Jesuh in, “Cuih caan ah vancung Uknak cu hibangtuk in a si ding. Veikhat ah mipa pakhat a um ih khual tlawn a tum. A feh hlanah a hnenum pawl a ko ih a thilri pawl a kilkhawiter.
15 An thil titheinak zat ciarin an hnenah a pek: Pakhat pa hnenah sui tangka thawngnga a pek, a dang pakhat hnenah thawnghnih a pek ih a dang pakhat pa hnenah thawngkhat a pek. Cuih hnuah khual a tlawng.
16 Sui tangka thawngnga a ngahtu hnenumpa cu hmakhat teah a feh ih sum a tuah ih a miat thawngnga a ngah.
17 Cubangtuk in thawnghnih a ngahtu pa khalin a miat thawnghnih a ngah ve.
18 Sikhalsehla tangka thawngkhat a ngahtu pa cu a feh ih khur a laih hnuah a bawipa ih tangka cu a phum.
19 “Caan reipi hnuah an bawipa cu a rakir ih an tangka hman daan thuhla fiangter dingah an rel khawm.
20 Sui tangka thawngnga a ngahtu pa cu a ra ih a miat thawngnga a ra pek. ‘ Bawipa sui tangka thawngnga i pek. Zoh hnik! Hinah a miat thawngnga ka ngahmi khal ka lo pe,’ tiah a ti.
21 A bawipa in ‘Hnenum òha, rin tlak zet hnenum na si! Malte parah rinsan tlak na si ruangah tampi kilkhawitu ah ka lo tuah ding. Ra awla na bawipa lungawinak sungah hin ra tel ve aw,’ tiah a ti.
22 Cule thawnghnih pekmi pa a ra lut ih ‘ Bawipa i pekmi kha sui tangka thawnghnih a si. Zoh hnik! Hinah a miat ka ngahmi a dang thawnghnih khal a um,’ tiah a ti.
23 A bawipa in ‘A òha, hnenum òha le rinsan tlak hnenum na si. Malte parah rinsan tlak na si ruangah tampi kilkhawitu ah ka lo tuah ding. Ra awla na bawipa lungawinak sungah hin ra tel ve aw,’ tiah a ti.
24 Cule thawngkhat a ngahtu pa a ra lut ih ‘ Bawipa, nang cu mi tifekfek na si, ti ka thei; na tuh lonak ah a rah na la ih na vorh lonak khalah rawl na khawm.
25 Cuti a si ruangah ka lo òih ih na tangka cu leilung sungah ka phum. Zoh hnik! Hinah a um ko,’ tiah a ti.
26 Cutikah a bawipa in ‘Nang hnenum òha lo, mi zee pa! Thlaici ka tuh lonak ah ka at ih ka vorh lonak ah ka khawm cu na thei taktak maw si?
27 Cuti a si ahcun ziangahso ka tangka cu ka rakir tikih tangka òhang thawn ka ngah theinak dingah tangka retnak ah na rak ret lo?
28 Hiti a si ruangah hi pa hnenih tangka cu la uhla thawnghra a neitu pa hnenah pek uh.
29 Ziangahtile a neitu pawl cu pek belh an si dingih a hleifuan in an nei ding. Asinan zianghman a nei lo pa hnenin a neihsunte hman kha lak sak a si ding.Ref 25.29 Mat 13:12; Mar 4:25; Luk 8:18;
30 Hi òhathnemnak nei lo hnenumpa hi a leng khawthimnak ah hlon uhla cutawkah òap-ai in a hacang rial seh,’ tiah a ti.Ref 25.30 Mat 8:12; 22:13; Luk 13:28;
Thuòhennak Netabik
31 Jesuh in, “Milai Fapa cu Siangpahrang vekin a sunlawinak le vancungmi hmuahhmuah thawn a rat tikah siangpahrang tohkham parah a to ding.Ref 25.31 Mat 16:27; 19:28;
32 Miphun hmuahhmuah a hmaiah khawm òheh an si ding. Cule tuukhal in tuu le me a òhen bangin mi hmuahhmuah cu a òhen ding.
33 Miòha pawl cu a vorhlam ah a ret dingih miòha lo pawl cu a kehlam ah a ret ding.
34 Cule Siangpahrang cun a vorhlamih a ummi pawl hnenah ‘Ra uh, ka Pa ih a thluasuahmi pawl! Ra uhla leilung semtir ihsin nan hrangih rem cia mi vancung Uknak hi ra co uh.
35 Ziangahtile ka ril a rawn tikah ei ding rawl in pek; ka ti a haal tikah in ding tidai in pek; mikhual ka si lai ah nan inn ah in tlunter;
36 hnipuan nei lo ka si tikah hnipuan in pek; ka nat lai ah in tuamhlawm; thawng ka tlak lai ah in veh,’ tiah a ti ding.
37 Cule miding pawl cun, ‘ Bawipa ziangtikah so na rilrawn kan lo hmuh ih rawl kan lo pek; na ti a haal kan lo hmuh ih tidai kan lo pek?
38 Ziangtikah so mikhual na si kan lo hmuh ih kan inn ih kan lo tlunter; hnipuan na neih lo ih hnipuan kan lo pek?
39 Ziangtikah so na nat le thawng na tlak kan lo hmuh ih kan lo veh?’ tiah an ti ding.
40 Siangpahrang in, ‘Thungai in ka lo sim: Hi ka unau pawl lakah nauta bik parih nan tuahmi cu ka parah nan tuah a si,’ a ti ding.
41 “Cule a kehlam ih a ummi pawl hnen ahcun ‘Nannih Pathian ih camsiatmi pawl, ka hnenin tlanhlo uh. Satan le a dungthlun pawl hrangih ngaihtuahmi a mit dah lomi meisa sungah vung feh uh.
42 Ziangahtile ka ril a rawng nain rawl in pe lo; ka ti a hal nain in ding tidai in pe lo;
43 mikhual ka si lai ah nan inn ah in tlungter lo; hnipuan nei lo ka si lai ah hnipuan in pe lo; ka na ih thawng ka tlak lai ah in tuamhlawm lo,’ tiah a ti ding.
44 Cule annih in ‘ Bawipa, ziangtikah so na ril a rawn, na ti a haal, mikhual na si, hnipuan nei lo in na um, na nat ih thawng na tlak kan lo hmuh ih kan lo bom duh lo?’ tiah an ti ding.
45 Siangpahrang in, ‘Thungai in ka lo sim: Minauta bik pakhat nan bom duh lo kha, keimah in bawm duh lo a si,’ a ti ding.
46 Cuih hnuah cupawl cu kumkhua hrem hmun ah an feh dingih miding pawl cu kumkhua nunnak ah an feh ding,” tiah a ti.Ref 25.46 Dan 12:2;Dan 12.2