12
Sabbath Thu Suhnak
(Mar 2:23-28; Luk 6:1-5)
1 Cuih hnu rei lo teah Sabbath ni ah Jesuh cu sangvut lo lakin a feh. A dungthluntu pawl an ril a rawn ruangah sangvut an zuut ih a fang kha an ei.Ref 12.1 Daan 23:25;
2 Cumi kha Farasi pawl in an hmuh tikah Jesuh hnenah, “Zoh hnik, na dungthluntu pawl in Sabbath ni ah hitiih an tuah hi Daan an buar a si,” tiah an ti.
3 Jesuh in, “David le a rualpi pawl an ril a rawn lai ah David in ziang a rak tuah ti kha nan siar dah lo maw?
4 David cu Pathian inn sungah a lut ih Pathian hnenih pekmi sang a rualpi pawl thawn an ei a si kha! Cutiih an ei cu Daan ih duh lomi a si, ziangahtile cuih sang cu puithiam pawl lawng ih ei theimi sang a si.Ref 12.3-4 1 Sam 21:1-6;Ref 12.4 Pui 24:9;
5 Cuih tlunah Sabbath tinte Biakinn sungah puithiam pawl in Sabbath daan an buar ringring ti kha Moses Daan sungah nan siar dah lo maw? Asinan misual ah ruah an si ual lo.Ref 12.5 Mipum 28:9-10;
6 Thungai in ka lo sim: Hitawk ahhin Biakinn hnakih tum sawn a um a si.
7 Ca Thianghlim in, ‘Òilva thawn thawinak pek si lo in mi zangfahnak sawn ka duh a si,’ tiah a timi hi a tican ngaingai thei ngah uhla a sual lomi pawl kha nan sual a si, tiin nan ti lo ding.Ref 12.7 Mat 9:13; Hos 6:6;
8 Ziangahtile Milai Fapa hi Sabbath tlunih Bawi a si,” tiah a ti.
Kutzeng Pa
(Mar 3:16; Luk 6:6-11)
9 Cutawk ihsin Jesuh cu a feh ih sinakok sungah a lut.
10 Cutawkah kutzengpa pakhat a rak um. Jesuh sualpuh a duhtu pawl tla an rak um ve ih, “Sabbath ni ih mi damter hi kan Daan ih duhmi a si maw?” tiah Jesuh kha an sut.
11 Cutikah Jesuh in, “Thuòhimnak ah nanmah lakih mi pakhat in a tuu Sabbath ni ah khur thukpi sungah tla sehla suah lo in maw a um ding?Ref 12.11 Luk 14:5;
12 Minung cu tuu hnakin a let tampi in a sunglawi sawn a si. Curuangah Sabbath ni ah a òhami tuah cu kan Daan ih duhmi a si,” tiah a ti.
13 Cun kutzengpa hnen ahcun, “Na kut hawi aw,” tiah a ti. A kut cu a hawi ih a khatlam kut vekin a damsal.
14 Cule Farasi pawl cu an feh ih Jesuh that dingah thu an ruat khawm.
Pathian Ih Hrilmi Riantu
15 Phiar an tum kha Jesuh in a theih tikah cutawk ihsin a suak. Cule miburpi in an thlun vivo. Mina hmuahhmuah a damter ih,
16 amah ih thuhla kha midang zo hnen hmanih sim lo dingin thu a pek.
17 Hitiih a tinak cu profet Isaiah kaa in Pathian in:
18 “Ka hrilmi i riantu cu hinah a um;
Ka duhdawtmi a si ih a parah ka lung a awi.
A parah ka Thlarau ka re dingih,
Ka thuòhennak cu miphun hmuahhmuah
hnenah a than ding.Ref 12.18-21 Isa 42:1-4;
19 Mi thu eltu a si lo dingih
a au ciamco fawn lo ding.
Lamzin ah ring zet in thu a sim lo ding.
20 A derdaimi hnenah a thinlung a nem dingih,
Bawmtu nei lo hnenah
zangfahnak a nei ding.
Dingnak kha nehtu a siter lai hlan lo
taimak a suah ding.
21 Cule a parah mi hmuahhmuah in
ruahsannak an nei ding,”Ref 12:18-21: Isa 42:1-4
tiih a timi kimternak dingah a si.
Jesuh Le Beelzebul
(Mar 3:20-30; Luk 11:14-23)
22 Cun Jesuh hnenah khawsia ih polh ruangah a mit a caw mi le a òong thei lomi pa pakhat an ratpi. Jesuh cun a damter ih a òong theisal ih khua khal a hmu theisal.
23 Cutikah misenpi an mang a bang ih, “Hi pa hi David fapa a si ngai pei maw?” tiah an ti.
24 Cumi cu Farasi pawl in an theih tikah, “Khawsia a dawi theinak cu khawsia bawi Beelzebul in huham a pek ruangah a si,” an ti.Ref 12.24 Mat 9:34, 10:25;
25 An thinlung ih ruahmi kha Jesuh in a thei ih an hnenah, “Khui ram khal sisehla òhen aw ih mah le mah a do aw mi cu reipi an awh lo ding. Cun khua siseh, innsang siseh, òhen aw ih mah le mah a do aw mi cu an òekdarh thluh ding a si.
26 Cuvek thotho in Satan in Satan lala a dawisuak a si ahcun mah le mah do aw a si ruangah ziangtinso a ram cu a hmun thei ding?
27 Nannih in, ‘Khawsia a dawi theinak cu Beelzebul in huham a pek ruangah a si,’ tiah in ti. Cuti a si ahcun a lo thluntu pawl hnenah khawsia dawi theinak huham kha zo in so a pek? Nanmah a lo thluntu pawl ih tuahmi lala hin nan palh a si, ti kha a langter.
28 Pathian ih pekmi Thlarau thawn khawsia ka dawi thei a si ruangah Pathian Uknak cu nan hnenah a thleng zo tinak a si.
29 “Mi cak zet pa cu amah òem hmaisa lo cun zohman in a inn bauh tahrat in a thilri an lak sak thei lo ding. Amah an òem ngah hnu lawngah a thilri an ram thei ding a si.
30 “Ka hnenih a òang lotu cu i dodaltu an si. I finkhawmpi lotu cu a òhekdarhtu an si.Ref 12.30 Mar 9:40;
31 Fiang tein ka lo sim: Milai in ziangvek sualnak an tuah ih ziangvek òong siava an òong khallei 12:31 Ziangvek òong siava an òong khalle, timi hi ‘Pathian dodal in ziangvek an òong khalle,’ ti tla a si thei. ngaithiam theih an si. Asinan Thlarau Thianghlim a thangsiattu cu ngaithiam an si lo ding.
32 Milai Fapa a relsiatu cu ngaithiam theih an si ding. Asinan Thlarau Thianghlim a relsiatu cu a tuih san ah siseh, hmailam san ah siseh, ngaithiam an si lo ding.Ref 12.32 Luk 12:10;
Thingkung Le A Rah
(Luk 6:43-45)
33 “Thingrah òha nei dingah thingkung òha neih a òul. Thingkung sia na neih ahcun a rah an sia ding. Thingkung cu a rah in theih a theih.Ref 12.33 Mat 7:20; Luk 6:44;
34 Rul hrin pawl! Mi siava nan si ih ziangtinso òong òha cu nan òong thei ding? Kaa cun thinlung sungih a ummi a òong a si.Ref 12.34 Mat 3:7, 23:33, 15:18; Luk 3:7, 6:45;
35 Miòha cun thil òha a khawlmi sungin thil òha a suahter ih miòha lo cun thil òha lo a khawlmi sungin thil òha lo a suahter a si.
36 “Thungai in ka lo sim: Zokhal sisehla ralring lo ih a òongmi kha Thuòhennak Ni ah ziangruangah cutiin a òong ti a simfiang a òul leh ding.
37 Nangmah ih òong lala hi na mawh le mawh lo thuòhennak ah hman a si ding,” tiah a ti.
Hmuhsaknak Tuah An Fial
(Mar 8:11-12; Luk 11:29-32)
38 Cule Daanthiam òhenkhat le Farasi òhenkhat pawl in, “Sayapa, hmuhsaknak pakhatkhat kan mit hmuh ahhin tuah cila kan duh,” tiah an ti.Ref 12.38 Mat 16:1; Mar 8:11; Luk 11:16;
39 Cutikah Jesuh in, “Tuih san milai hi miòha lo le Pathian òihzah lo pawl nan va si so! Hmuhsaknak tuah maw in fial? Ka tuah lo ding. Profet Jonah ih hmuhsaknak siar lo hmuhsaknak dang nan hmu lo ding.Ref 12.39 Mat 16:4; Mar 8:12;
40 Jonah cu ngapi pum sungah ni thum le zan thum a um vekin Milai Fapa khal leilung sungah ni thum le zan thum a um ve ding.Ref 12.40 Joh 1:17;
41 Thuòhennak Ni ah Nineveh khuami pawl an ding pei ih an lo mawhthluk ding, ziangahtile Jonah thusimmi an theih tikah an sual an sir aw a si. Thungai in ka lo sim: Jonah hnakih tum sawn hinah a um.Ref 12.41 Joh 3:5;
42 Thuòhennak Ni ah Sheba Siangpahrang bawinu a ding pei ih a lo mawhthluk ding, ziangahtile Siangpahrang Solomon fimnak theih duh ah lam hlapi ihsin a hung. Fiang tein ka lo sim: Solomon hnakih tum sawn hinah a um.Ref 12.42 2 Siang 10:1-10; 2 San 9:1-12;
Thlarau Thiang Lo A Kirsal
(Luk 11:24-26)
43 “Thlarau thiang lo cu mi pakhat sung ihsin a suah tikah ramòhing ah colhnak hmun hawl in a vak vivo. Asinan colhnak hmun a hmuh lo tikah,
44 ‘Ka tlansanmi ka inn ah ka kirsal pei,’ tiah a ruat. Cutiin a kirsal ngaingai ih a inn cu a lawngin faite ih phiahmi a rak si kha a hmu.
45 Cule a suaksal ih amah hnakih a siava sawnmi thlarau pasarih a sawm ih cuih inn ahcun an ra um; cutiin a hlan hnakin cupa cu a luar sinsin. Cubangtuk in tuih san miòha lo pawl parah hin a thleng ding,” tiah a ti.
Jesuh Ih Nu Le A Nau Pawl
(Mar 3:31-35; Luk 8:19-21)
46 Jesuh cu misenpi hnenih a òong rero lai ah a nu le a nau pawl an ra. Amah ton duh ah a lengah an ding.
47 Cutawkih a um vemi mi pakhat in, “Na nu le na nau pawl a lengah an ding, nangmah an lo biak duh a si,” tiah a sim.
48 Cutikah Jesuh cun, “Zoso ka nu cu a si? Zoso ka naule pawl cu an si?” a ti hnuah,
49 a Dungthluntu pawl kha a khih ih, “Zoh hnik uh! Hinah ka nu le ka naule pawl cu an um.
50 Zokhal sisehla vancung ih a ummi ka Pa ih duhnak a tuahtu hmuahhmuah cu ka unau, ka farnu le ka nu an si,” tiah a ti.