11
Baptisma Petu Johan Ih Thlahmi Pawl
(Luk 7:18-35)
1 Jesuh in a dungthluntu hleihnih pawl hnenah thu a sim òheh tikah cutawk hmun ihsin a suak ih a kiangkap khuasung ah thuzirh ding le thuphuang dingah a feh.
2 Thawng sung ihsin baptisma petu Johan in Khrih hnaòuanmi thuhla kha a theih tikah amah thluntu òhenkhat pawl a thlah ih,
3 “A ra ding, an timi cu nangmah hi na si maw, asilole midang kan hngak hrih ding maw?” tiah Jesuh cu an sut.
4 Cutikah Jesuh in, “Va feh uhla nan hmuhmi le nan theihmi hi Johan hnen ahcun va sim uh.
5 Mitcaw in khua an hmu, ke awl pawl an feh thei, miphaar pawl tla an thiang, hnaset pawl an hna a ong, mithi thawhtersal an si ih mifarah hnenah Thuthangòha phuan a si.Ref 11:5: Isa 35:5-6; 61:1
6 Keimah ih thuhla ahhin thinlung òhukòhunnak a nei lotu cu mi thluasuak an si,” tiah a ti.
7 Johan ih dungthluntu pawl an fehsal hnuah Jesuh in misenpi hnenah Johan ih thu cu a sim. “Johan hnenah nelrawn ih nan va feh tikah ziang hmu dingin so nan ruahawk? Thli in a sem ruangih a kur reromi phaikung maw?
8 Ziang zoh dingah so nan feh? Hnipuan mawi zetzet a hrukmi pa zoh dingah maw? Cubangtuk hnipuan a hruktu cu siangpahrang inn ih ummi an si.
9 I sim hnik uh, ziang hmu dingin so nan feh? Profet zoh dingah maw? A si, profet nan hmu. Asinan nan hmuhmi hi profet hnakin a tum sawn a si.
10 Ziangahtile Johan thuhla hi Ca Thianghlim in, ‘Pathian in na hrangih lamzin sialtu dingah na hmaiah ka palai ka thlah ding a si, a ti,’Ref 11:10: Mal 3:1 tiah a ngan,
11 Fiang tein ka lo sim. Nunau ih hrinmi lakah baptisma petu Johan tluk ih a tummi zohman an um dah lo. Sikhalsehla vancung Uknak ih mitenau bik hman khi Johan hnakin a tum sawn lai a si.
12 Johan ih thusim caan thokin atu tiang vancung Uknak cu dodalnak nasa zet a tong ih mi helhlong pawl in hramhram in lak an tum.
13 Khuahlan ihsin Johan san tiang profet pawl le Moses Daan pawl in hi vancung Uknak thu hi an sim.Ref 11.12, 13 Luk 16:16;
14 An thu simmi nan zum duh a si ahcun Johan hi a ra ding tiih rak sim cia mi Elijah kha amah hi a si.Ref 11.14 Mal 4:5; Mat 17:10-13; Mar 9:11-13;
15 Curuangah theihnak hna a neitu in thei uh.
16 “Tuih san minung pawl hi ziang thawn so ka tahòhim ding? Anmah cu thil zuarnak hmunih a tomi nauhak pawl an bang. Nauhak burkhat in a dang nauhak burkhat hnenah,
17 ‘Mopuai khuangdar kan lo tumsak nain nan laam duh lo! Mithi phumnak hla kan sak khalle nan òap duh cuang lo,’ an ti.
18 Johan a rat tikah rawl a ul ih sabitti khalin lo in a um tikah mi hmuahhmuah in ‘A sungah khawsia a lut a si,’ an ti.
19 Cun Milai Fapa a ra ih a ei le a in an hmuh tikah mi hmuahhmuah in, ‘Hi pa hi zoh hnik uh! Mi hrong dang le rawlpham zu in pa hi; siahkhongtu pawl le misual pawl ih rualpi a si,’ an ti. Asinan Pathian ih fimnak cu a dik a si, ti kha a hnaòuannak in a langter,” tiah a ti.
A Zum Lotu Khua Pawl
(Luk 10:13-15)
20 Jesuh ih mangbangza tam bik a tuahnak khuami pawl in an sualnak an sir awk cuang lo ruangah a kawk hai.
21 “Maw Khorazin khua, na van a va duai ve! Maw Bethsaida khua, na van a va duai ve! Nan sungih mangbangza ka tuahmi pawl hi Òaiar khua le Sidon khua ah rak tuah sisehla cuih khuasungmi pawl cun an sualsirnak langternak ah khumdip hnipuan hrukin vutcam an phulhawknak a reipi zo ding.Ref 11.21 Isa 23:1-18; Ezk 26:128:26; Joe 3:4-8; Amo 19, 10; Zek 9:2-4;
22 Fiang tein ka lo sim: Thuòhennak Ni ah Pathian in nannih hnakin Òaiar le Sidon khuami pawl parah zangfahnak tam sawn a nei ding.
23 Cun nang Kapernaum khua! Van tiangih hlirso awk na duh maw? Hell sungah hlon na si ding! Na sungih tuahmi mangbangza pawl hi Sodom khua ah tuah rak sisehla siat lo in tuih sun tiang hi a hmun hrih ding!Ref 11.23 Isa 14:13-15; Sem 19:24-28;
24 Fiang tein ka lo sim: Thuòhen Ni ah nang hnakin Sodom khua parah Pathian in zangfahnak tam sawn a nei ding a si,” tiah a ti.Ref 11.24 Mat 10:15; Luk 10:12;
Ka Hnenah Ra Cawl Uh
(Luk 10:21-22)
25 Culai ahcun Jesuh in, “Maw Ka pa, lei le van ih Bawi! Mifim le mithiam hnen ihsin na rak thuh ringringmi kha atu ah zianghman a thiam lomi hnenih na langter ruangah ka lo lawm a si.
26 A si, Ka pa, hibangtuk ih si ding hi na duhmi a rak si.
27 “Ka Pa in ka kut sungah ziang hmuahhmuah i pek òheh zo. Pa siar lo zohman in Fapa an thei lo; cule Fapa le Fapa in thei ve hai seh tiih a hrilmi pawl siar lo, zohman in Pa an thei lo.Ref 11.27 Joh 3:35, 1:18, 10:15;
28 “Thilrit a phurmi le zonzaih a tuartu pawl, ka hnenah ra uh, colhdamnak ka lo pe ding.
29 Ka kawn hi phurhnik uh. Kei cu nunnem le tangdornak thinlung neimi ka si. Ka hnen ihsin zir uhla colhdamnak nan ngah ding.Ref 11.29 Jer 6:16;
30 Ziangahtile kei ih kawn phurh cu a nuam ih ka thil khal a zang a si,” tiah a ti.