9
1 Thungai in ka lo sim: Hitawkih a ummi mi òhenkhat pawl hi Pathian Uknak huham thawn a ra thlen an rak hmuh hlan lo an thi lo ding,” tiah a ti.
Jesuh Hmuihmel Thlengnak
(Mat 17:1-13; Luk 9:28-36)
2 Ni ruk hnuah Jesuh in Piter le Jeim le Johan cu a fehpi ih tlang parah anmah lawng a kaipi. An mit hmuhah Jesuh cu a hmuihmel a thleng aw;
3 a hnipuan cu a tleu in a tleu ih milai in ziangtluk hman in sawp hai sehla cutluk cun a vaar thei dah lo ding.
4 Cule dungthluntu pathum cun Elijah le Moses thawn Jesuh cu bia aw rero in an hmu.
5 Piter in Jesuh hnenah, “Sayapa, hitawk kan um cu a va òha so! Deubuk pathum in kan sak pei; na hrangah pakhat, Moses hrangah pakhat, cule Elijah hrangah pakhat,” tiah a ti.
6 Ziangahtile Piter le a rualpi pawl cu an thin a phang tuk ih ziang òong ding dang an theih lo ruangah a si.
7 Cuih hnuah mero a ra zam ih an tlun ihsin a run khuh òheh, cule mero sung ihsin, “Himi cu ka duhdawtmi ka Fapa a si,Ref 9.7 Mat 3:17; Mar 1:11; Luk 3:22; amah ih thu nan ngai pei,” tiah a ti.Ref 9.2-7 2 Pit 1:17-18;
8 A dungthluntu pathum cun an kiangkap an zoh rero nain zohman an hmu lo; Jesuh lawng an kiangih a um kha an hmu.
9 Tlangpar ihsin an rung òum lai ah Jesuh in, “Milai Fapa hi thihnak ihsin ka thawhsal hlan cu nan hmuhmi hi zohman nan sim lo pei,” tiah thu a pek.
10 Cuih a thupekmi cu an thlun; asinain, “Thihnak ihsin thawhsal,” timi cu ziang a si pei? tiah pakhat le pakhat an sut aw rero.
11 Cule Jesuh cu, “Ziangahso Daanthiam pawl in Elijah a ra hmaisa ding, an ti?” tiah an sut.Ref 9.11 Mal 4:5; Mat 11:14;
12 Jesuh cun, “Ziang hmuahhmuah timtuah òheh dingah Elijah cu a ra taktak ding. Asinan ziangahso Ca Thianghlim in ‘Milai Fapa cu nasa zet in a tuar dingih a hnon tla an hnong ding,’ tiah a ti?
13 Thungai in ka lo sim: Elijah cu a ra zo ih, Ca Thianghlim ih a sim vekin minung in an duhduh in an tuah zo,” tiah a ti.
Ramhuai Polhmi Nauhak A Damter
(Mat 17:14-21; Luk 9:37-43a)
14 Dungthluntu dang pawl hnen an vung thlen tikah an kiangkap in mitampi in an kulhvel ih Daanthiam hrekkhat pawl le dungthluntu cu thu an el awk rero kha an hmu.
15 Misenpi in Jesuh kha an hmuh tikah an mang a bang ngaingai ih va hmuak dingah an tlan ciamco.
16 Jesuh in a dungthluntu pawl cu, “Anmah thawn ziangthu so nan el awk rero?” tiah a sut.
17 Misenpi lakih mi pakhat in, “Sayapa, ka fapa na hnenah ka rak hruai sokhaw; ziangahtile ramhuai in a polh ih òong khal a òong thei lo.
18 Ramhuai in a polh tikah cun, leilung ah a hlon aw ih a cil buanra a suak ih a hacang rial tahrat in a pumpuluk a òhong òheh òheu. Cuih ramhuai dawisuak dingah na dungthluntu pawl ka sim nain zianghman an ti thei lo,” tiah a ti.
19 Jesuh in an hnenah, “Maw zumnak nei lo minung pawl! Nan hnenah ziangtik tiang so ka um hrih ding? Ziangtik tiang so ka lo zawi hrih hai ding? Nauhakpa cu ka hnenah rak keng uh,” tiah a ti ih
20 Jesuh hnen ahcun an ratpi.
Ramhuai in Jesuh a hmuh ve tein nauhakpa cu a dirhcaih ih leilung ah a tlu, a let aw tualto ih a ka ihsin buanra a suak ciamco.
21 Jesuh in, “Hitiih a sinak hi a rei zo maw?” tiah a pa cu a sut.
A pa in, “A sentet lai ihsin a si zo.
22 Vei tampi ramhuai hin that dingin meisa lak le tidai sungah a paih òheu. Na tuah theimi a si ahcun in zangfah awla in bawm hram aw,” tiah a ti.
23 Jesuh in, “Na tuah theimi a si ahcun, na ti. A si! Zumnak neitu hrangah cun ziang hmuahhmuah a cang thei a si,” a ti.
24 Cupa cun hmakhat teah, “Ka zum a si; ka zum kim lonak i bawm aw,” tiah a au ciamco.
25 Jesuh cun misenpi in a kiangah an ra fuk vivo ti a hmuh tikah ramhuai kha thu a pe ih, “Hnaset le òong thiam lo thlarau siava, hi nauhakpa sung ihsin suak awla lutsal nawn hlah, tiah thu ka lo pe,” tiah a ti.
26 Ramhuai cu a hruum ih nauhakpa kha dircai phahin a thlukta ih a sung ihsin a suak. Nauhakpa cu mithi a bang ih mi tampi in, “A thi zo,” tiah an ti.
27 Asinan Jesuh in nauhakpa cu a kut in a vun dirh ih a hung ding.
28 Jesuh cu inn sungah a lut ih dungthluntu pawl in a thup tein, “Ziangahso kannih hmuah in kan dawi thei lo?” tiah an sut.
29 Jesuh in, “Thlacamnak dah ti lo, thildang zianghman in hibangtuk cu a dawi thei lo ding,” tiah a sim.
A Thihnak Ding Thu A Simsal
(Mat 17:22-23; Luk 9:43-45)
30 Jesuh le a dungthluntu pawl cu cutawk ihsin an pok ih Galilee peng tan phahin an feh. Jesuh in a dungthluntu pawl thu a zirh vivo ruangah midang zohman in a umnak thei dingah a duh lo.
31 Ziangtin a zirh tile: “Milai Fapa hi mi kut ah an thlen dingih an that ding. Asinan ni thum hnuah a thosal ding,” tiah a ti.
32 Sikhalsehla cutiih a zirhmi cu an thei thei lo. A suh le an sut ngam fawn lo.
Zoso A Tum Bik
(Mat 18:1-5; Luk 9:46-48)
33 Kapernaum khua an thleng ih inn sungih an luh hnuah Jesuh in a dungthluntu pawl cu, “Lamzin ah ziangthu so nan el awk rero kha?” tiah a sut.
34 A thu suhmi cu zohman in an let lo, ziangahtile lamzinih an el awkmi cu anmah lakah zoso a tum bik ti a si.Ref 9.34 Luk 22:24;
35 Jesuh cu a to ih dungthluntu hleihnih a ko ih an hnenah, “A tum bik si a duhtu cu minauta bik a si hmaisa dingih mi hmuahhmuah riantu a si pei,” tiah a ti.Ref 9.35 Mat 20:26-27; 23:11; Mar 10:43-44; Luk 22:26;
36 Cule nauhak pakhat a ko ih an hmaiah a dinter. Nauhak pate cu Jesuh in a kuah ih an hmaiah a dinter hnuah,
37 “Zokhal sisehla ka hmin in hibangtuk nauhak a cohlangtu cu keimah i cohlang a si; cule keimah i cohlangtu cu keimah i thlahtu khal a cohlang a si,” tiah a ti.Ref 9.37 Mt. 10:40; Luk 10:16; Joh 13:20;
In Dodal Lotu Cu Kanlam Òang A si
(Luk 9:49-50)
38 Johan in, “Sayapa, na hmin in khawsia a dawisuaktu mi pakhat kan hmu ih kan lakih tel vemi a si lo ruangah kan khamta,” tiah a ti.
39 Jesuh in, “Kham hlah uh! Ziangahtile ka hmin in mangbangza a tuahtu cun i simsia lo ding.
40 Ziangahtile in dodal lotu cu kanmah lam òang a si.Ref 9.40 Mrt. 12:30; Luk 11:23;
41 Thungaite in ka lo sim: Ka minung nan si ruangih tidai khuat khat a lo petu cu òhatman a ngah tengteng ding,” tiah a ti.Ref 9.41 Mat 10:42;
Sualforhnak Thu
(Mat 18:6-9; Luk 17:1-2)
42 Jesuh in, “Zokhal sisehla hibangtuk nauhakte pawl pakhatkhat keimah i rinsannak ihsin a pialtertu cu a hngawng ah fangcang rialnak lungtum thlaih tahrat in tifinriat sungih thlak a hrangah a òha sawn a si.
43 Curuangah na kut in na zumnak a lo pialter a si ahcun na kut cu tan aw! Na kut pahnih thawn a mit dah lomi hell meisa sungih na tlak hnak cun kut pakhat lawng thawn nunnak sungih na luh a òha sawn.Ref 9.43 Mat 5:30;
44 ‘Anmah a eitu tholung cu an thi dah lo ih anmah a kangtu meisa cu a mit dah lo.’
45 Cule na ke in na zumnak a lo pialter a si ahcun na ke cu tan aw. Na ke pahnih thawn hell sungih tlak hnak cun ke pakhat lawng thawn nunnak sungih na luh a òha sawn.
46 ‘Cutawkah anmah a eitu tholung cu an thi dah lo ih anmah a kangtu meisa cu a mit dah lo.’
47 Cule na mit in na zumnak a lo pialter a si ahcun na mit cu phorh suak aw. Mit pahnih thawn hell sungih tlak hnak cun mit pakhat lawng thawn Pathian Uknak sungih na luh a òha sawn.Ref 9.47 Mat 5:29;
48 Cutawkah ‘anmah a eitu tholung pawl cu an thi dah lo ih anmah kangtu meisa khal a mit dah lo a si.’Ref 9.48 Isa 66:24;
49 “Thawinak sa cu ci in thianfaiter a si vekin mi hmuahhmuah cu meisa in thianfaiter thluh an si ve ding.
50 “Ci cu a òha. Sikhalsehla a alnak a ziam asile ziangtinso na altersal thei nawn ding?Ref 9.50 Mat 5:13; Luk 14:34-35;
“Ci bangtukin a òhami pawlkomnak nei uhla pakhat le pakhat rualremte in um uh,” tiah a ti.