15
Pilat Hnenah Jesuh An Hruai
(Mat 27:1-2, 11-14; Luk 23:1-5; Joh 18:28-38)
1 Zingpitte ah Puithiam upa pawl cu upa dang pawl le Daanthiam pawl le thuòhentu Khonsil upa pawl thawn zamrang in an tong ih thu an ruat khawm. Jesuh cu thir cikcin thawn khit in an hruai ih Pilat kut ah an pek.
2 Pilat in, “Judah siangpahrang na si maw?” tiah a rak sut.
Jesuh in, “Nangmah in na ti si!” tiah a let.
3 Puithiam upa pawl in Jesuh cu sual a phunphun an puh.
4 Curuangah Pilat in, “An thu hi na let lo ding maw? Sual an lo puhnak hmuahhmuah hi ngai hnik,” tiah a ti lala.
5 Jesuh cu a òong duh thotho lo ih Pilat cu a mang a bang ngaingai.
Jesuh That Dingin An Relcat
(Mat 27:15-26; Luk 23:13-25; Joh 18:39-19:16)
6 Lantak Puai poh ah kum tinte Pilat in thawngtla mi lakin mipi ih dilmi kha a thlah òheu.
7 Culai ah Barabbas an timi, ralthawh lai ah mi a rak thattu pa cu ral a thotu dang pawl thawn thawng ah an thlak.
8 Misenpi pawl cu an ra suak ih kumtin an tuah òheu vekin thawngtla suah ding cu Pilat hnenah an sut.
9 Pilat in, “Judah Siangpahrang hi lo thlah sak ningla nan duh maw?” tiah a sut.
10 Pilat in a hnenah Jesuh an peknak cu Puithiam upa pawl in Jesuh an nahsik ruangah a si, ti cu a thei keukeu.
11 Asinan Pilat in Barabbas sawn thlahter dingah puithiam upa pawl in misenpi cu an rak forhcia.
12 Pilat in a sut lala ih, “Cuti asile Judah siangpahrang nan timi pa hi ziangti in tuah so nan duh?” tiah a ti.
13 Annih in, “Thinglamtah parah that aw!” tiah an au.
14 “Ziang sualnak so a tuah?” tiah Pilat cun a sut lala.
Annih in, “Thinglamtah parah that ko aw!” tiah na sinsin in an au.
15 Pilat in misenpi lungkimnak tuah a duh ruangah an hrangah Barabbas a thlah. Cule Jesuh cu a thawiter ih thinglamtah parih that dingin an kut ah a pek.
Ralkap Pawl In Jesuh An Hmuhsuam
(Mat 27:27-31; Luk 19:2-3)
16 Ralkap pawl in Jesuh cu Mangki bawipa ih tual ah an luhpi ih mipi dang pawl tla an ko.
17 Jesuh cu puan sen an sinter; hling in lukhuh an tuah ih a lu ah an khumter.
18 Cule salaam an pek ih, “Judah Siangpahrang, a nunkhua sau hram seh!” tiah an au.
19 A lu ah fungfek in an thawi, cil an phui, an òhilhòhiam ih a hmaiah atu le atu an lu an kuun.
20 Cutiih an hmuhsuam òheh hnuah puan sen an sintermi kha an hlit ih amah ih hnipuan an hruktersal. Cule thinglamtah parih khenbet dingah an hruai.
Jesuh Thinglamtah Parah An That
(Mat 27:32-44; Luk 23:26-43; Joh 19:17-27)
21 Lamzin ah Simon an timi pa an tong. Amah cu khuate ihsin khuapi ah a rami a si ih ralkap pawl in Jesuh thinglamtah kha hramhram in an putter. Simon cu Sairino Sairin timi hi Cyrene an ti ih culai ih Libia khuapi a si. khua mi a si ih Alexander le Rufus ih pa a si.Ref 15.21 Rom 16:13;
22 Jesuh cu Golgotha timi hmun ah an thlenpi. Golgotha ti cu “Luruh hmun,” tican a si.
23 Cutawkah sabitti, mura an timi sii thawn an rawimi kha an pek, asinain Jesuh cun a in duh lo.
24 Cuih hnuah thinglamtah ah an khen ih camcawhfung zuuk in a hnipuan an zem aw.Ref 15.24 Saam 22:18;
25 Cutiih an khen cu zinglam nazi pakua a si.
26 A sual an puhnak cataar cu, “Judah Siangpahrang,” ti a si.
27 Amah thawn hmunkhat ah fifir pahnih, a vorhlam ah pakhat, a kehlam ah pakhat an that ve.
28 Ca Thianghlim in misual lakah amah cu telhcih a si, timi a kimnak dingah a si.Ref 15.28 Isa 53:12;
29 A vak suksotu pawl tla in cim seh tiah an diriam in an lu an sut ih an hmuhsuam. “Nangmah cu Biakinn bal tahrat in ni thum sungah saksal a tumtu pa kha na si lo maw?Ref 15.29 Saam 22:7; 109:25; Mak. 14:58; Joh 2:19;
30 Atu thinglamtah par in rung òum awla nangmah le nangmah run aw hnik!” tiah an ti.
31 Cuvek thotho in Puithiam upa pawl le Daanthiam pawl in Jesuh cu an hnihsan ih, “Midang a runsuak nain amah cu a runsuak aw thei lo.
32 Israel Siangpahrang, Messiah cu thinglamtah par ihsin atu rori ah a rung òum kha hmu uhsila cu kan zum ko ding,” tiah pakhat le pakhat an ti aw.
Cule amah thawn thinglamtah parih khenbet mi pahnih tla in an hmuhsuam ve.
Jesuh A Thi
(Mat 27:45-56; Luk 23:44-49; Joh 19:28-30)
33 Sun laifangah cuih ram pumpuluk ah nazi pathum sung thimkhawzing a tlung.
34 Zanlam nazi pathum ah Jesuh cu, “Eloi, Eloi, lema sabakthani!” tiah napi in a au. A tican cu, “Ka Pathian, ka Pathian, ziangahso i tlansan?” tinak a si.Ref 15.34 Saam 22:1;
35 Cutawkih a ummi òhenkhat in an thei ih, “Ngai hnik uh, Elijah a ko a si hi!” tiah an ti.
36 Mi pakhat a va tlan vurvo ih puansia kha sabitti thur sungah a va ciah ih fung parah a òem cih hnuah Jesuh ih kaa ah a hun hnih; “Hngak hrihhnik uh! Thinglamtah par ihsin òhum dingah Elijah a rung maw rung lo kan zoh pei,” tiah a ti.Ref 15.36 Saam 69:21;
37 Jesuh cu napi in a au ih a hnuk a cat.
38 Cuve tein Biakinn puanzar cu a tlunlam ihsin a hnuailam tiang òhenhnih ah a tlek.Ref 15.38 Suah 26:31-33;
39 Thinglamtah hmai zawnih a dingtu ralbawipa in Jesuh a thih kha a hmuh tikah, “Hi pa hi Pathian Fapa ngaingai a si!” tiah a ti.
40 Cutawkih nunau hrekkhat pawl cun lamhlat nawn in an cuan. Anmah tla cu Mari Magdalene, Jeim nauta sawn le Josef ih nu Mari, le Salome an si.
41 Jesuh kha Galilee ram a um lai ah a rak thluntu pawl le a rak bawmtu pawl an si. Jesuh thawn Jerusalem ah a ra thlengmi nunau dang tampi tla an um ve.Ref 15.40-41 Luk 8:2-3;
Jesuh An Phum
(Mat 27:57-61; Luk 23:50-56; Joh 19:38-42)
42 Zanlam a si thlang; sabbath ni thlen hlan Timtuah Ni a si.
43 Cule Arimathea khuami Josef a ra thleng. Amah cu thuòhentu Khonsil upa pawl lakah upat zetmi sungtel a si ih Pathian Uknak a ra thlen ding kha a hngakhlap zettu a si. Josef cu ralòha zet in Pilat hnenah a lut ih Jesuh ruak kha a dil.
44 Pilat in Jesuh a thi zo, ti a theih tikah a mang a bang ngaingai. Ralbawipa a ko ih, “Jesuh a thihnak a rei zo maw?” tiah a sut.
45 Jesuh a thi thla zo ti kha ralbawipa hnen ihsin a theih tikah Pilat in Jesuh ih ruang cu Josef a lakter.
46 Josef in puan nemte a lei ih Jesuh ruak cu thinglamtah par ihsin a òhum ih puan in a tuam hnuah lungkhermi thlan ah a phum. Cule lungphengpi in thlan ka cu a kharta.
47 Mari Magdalene le Josef nu Mari tla in a kiangin an zoh ve ih Jesuh ruak a retnak cu an hmu.