14
Jesuh Zuarnak An Tawlrel
(Mat 26:1-5; Luk 22:1-2; Joh 11:45-53)
1 Lantak puai le Thilnu telh lo sang puai a kimnak dingah ni hnih lawng a duh. Puithiam upa pawl le Daanthiam pawl in Jesuh kha a thup tein kai ih thah theinak lamzin an hawl.Ref 14.1 Suah 12:1-27;
2 Asinan, “Puai tikcu lai ahcun kan tuah lo pei, misenpi pawl in hnaihnawhnak an suahter pang ding,” tiah an ti.
Bethani Khua Ah Hriak An Toih
(Mat 26:6-13; Joh 12:1-8)
3 Jesuh cu Bethani khua, phaarnat a rak tuartu Simon inn ah a um ih rawl a ei lai ah nunaunu in alabasterl alabaster timi hi a nomi le a raangmi lungto phunkhat a si ih thawl tuahnak ah an hmang. thawl pakhat in a mankhung zetmi rimhmui a khatin a rak keng. Cuih thawl cu a khuai ih rimhmui cu Jesuh lu ah a toih.Ref 14.3 Luk 7:37-38;
4 Cutawkih a ummi mi òhenkhat pawl cu an thin a heng ih, “A va pamhmai ve!
5 Rimhmui cu ngun tangka zathumm ‘Ngun tangka zathum,’ timi hi ‘denarii zathum,’ an ti ih mi pakhat ih kum khat sung a hlawhman tluk a si. hnakih tam ah zuar in cuih tangka cun mifarah bawm sehla a òha sawn lo maw?” tiah pakhat le pakhat an ti aw ih cunu cu an mawhthluk ciamco.
6 Cutikah Jesuh in, “Zianghman ti hlah uh! Ziangahso nan buaipi rero? Hi nu hin thil òha le thil mawi a tuah a si.
7 Mifarah cu kumkhua nan hnenah an um dingih nan duh ahcun ziangtik khalah nan bawm thei.Ref 14.7 Daan 15:11; Asinan kei cu nan hnenah ka um ringring lo ding.
8 A tuah thei tawk a tuah zo. Ka taksapum parah rimhmui a toihmi hi keimah vuinak dingah a hlankhan in a timtuah cia mi a si.
9 Fiang tein ka lo sim: Leilung pumpuluk Thuthangòha an simnak kipah hi a tuahmi hi amah theihnak ah an sim ringring ding,” tiah a ti.
Judas In A Phiar
(Mat 26:14-16; Luk 22:3-6)
10 Cule dungthluntu hleihnih lakih pakhat Judas Iskariot cu Jesuh zuar dingah puithiam upa pawl hnenah a feh.
11 An hnenih a òongmi pawl an theih tikah an lung a awi ngaingai ih tangka pe dingin thu an rak kam. Cule Judas cun Jesuh a zuar ngah ih an kut sung a thlenter theinak dingah caan òha a bawh.
Dungthluntu Pawl Thawn Zanriah An Ei
(Mat 26:17-25; Luk 22:7-14, 21-23; Joh 13:21-30)
12 Thilnu rawi lo Sang Puai ni khatnak ni, Lantak Puai rawldonak hrangih tuufaate pawl an thah ni ah dungthluntu pawl in, “Khuiahso Lantak Puai zanriah kan lo timtuah sak ding na duh?” tiah Jesuh kha an sut.
13 Cule Jesuh in mi pahnih a thlah ih hitiin thu a cah, “Khuasung ah va feh uhla tithawl in tidai a phurtu pa thawn nan tong aw ding. Amah cu thlun uhla,
14 a luhnak inn ih inn neitupa hnenah ‘Sayapa in amah le a dungthluntu pawl Lantak Puai zanriah an hil tlangnak ding inn khaan khuiso a si? tiah va sut uh, in ti,’ va ti uh.
15 Cule anih in tlunta khaan tumpi a lo hmuh ding. Ziang hmuahhmuah òhate le kim teih timtuah cia mi khaan a si dingih cunah cun zanriah eitlangnak ding cu va tuah uh,” tiah a ti.
16 Dungthluntu pawl cu an pok ih khuasung an thlen tikah Jesuh ih sim cia mi bangtukin ziang hmuahhmuah an hmu. Cunah Lantak Puai zanriah cu an tuah.
17 Zanlam a si tikah Jesuh cu a dungthluntu hleihnih thawn an ra thleng.
18 Cabuai ih rawl an ei lai ah Jesuh cun, “Fiang tein ka lo sim: Nanmah lakah pakhat, keimah thawn rawl a ei tlangtu pa in i zuar ding,” tiah a ti.Ref 14.18 Saam 41:9;
19 Dungthluntu pawl cu an thin a nuam lo ngaingai ih pakhat hnu pakhat in, “Na tisanmi hi kei ka si lo, ti aw?” tiah an ti fingfing.
20 Jesuh in, “Nanmah hleihnih lakah a telmi, keimah thawn kheng khat sungih sang a hnimtu pa a si ding.
21 Milai Fapa cu thihnak a tuar ding, tiah Ca Thianghlim ih a ti vekin a thi ko ding. Asinan hi Milai Fapa a zuartu hrangah cun a hmakhua a pit a si! Suak lo lawlaw in rak um sehla amah ih hrangah cun a òha sawn ding nain!” tiah a ti.
Bawipa Ih Zanriah
(Mat 26:26-30; Luk 22:14-20; 1 Kor 11:23-25)
22 Zanriah an ei lai ah Jesuh in sang a lak ih thla a cam hnuah sang cu a phel ih a dungthluntu pawl hnenah a pek. “Hihi ka taksa a si; La uhla ei uh,” tiah a ti.
23 Cuih hnuah hai a lak ih Pathian hnenah lungawinak thla a cam hnuah an hnenah a pek ih an zate in an in.
24 Jesuh in, “Himi hi mi tampi hrangih ka thletmi ka thisen a si; Pathian thukamnak a nemhngettu ka thisen a si.Ref 14.24 Suah 24:8; Jer 31:31-34;
25 Fiang tein ka lo sim: Pathian Uknak sungih sabit thar ka in hlan lo hi sabit cu ka insal nawn lo ding,” tiah a ti.
26 Cule hla an sak hnuah an suak ih Olif Tlangah an feh.
Piter Ih Phatsannak Ding A Sim Cia
(Mat 26:31-35; Luk 22:31-34; Joh 13:36-38)
27 Jesuh in an hnenah, “Nan zate in in taan dingih nan tlanhlo òheh ding; ziangahtile Ca Thianghlim sungah ‘Pathian in tuukhal cu a that dingih tuu pawl cu òhekdarh an si òheh ding,’ Ref 14:27: Zek 13:7 tiah ngan cia in a um.
28 Sikhalsehla thihnak ihsin thawhtersal ka si hnu ahcun nan hmaiah Galilee ah ka feh ding,” tiah a ti.Ref 14.28 Mat 28:16;
29 Piter in, “Midang in lo tlansan òheh hman hai sehla kei cun ka lo tlansan hrimhrim lo ding,” tiah a ti.
30 Jesuh in Piter cu, “Fiang tein ka lo sim: Tuih zan ar vei hnih a khuan hlanah vei thum tiang ‘Ka thei lo a si,’ tiah i phatsan ding,” a ti.
31 Piter cun nasa sinsin in, “Na hnenih thi ding ka si ve hmanah cuvek cun ka òong hrimhrim lo ding,” tiah a ti.
Dungthluntu dang khalin cuvek òhiamòhiam in an ti ve.
Gethsemane Ah Thla A Cam
(Mat 26:36-46; Luk 22:39-46)
32 Gethsemane timi hmun an thleng ih Jesuh in a dungthluntu pawl hnenah, “Ka thlacam sung hinah rak um uh,” tiah a ti.
33 Piter, Jeim le Johan kha a hruai. Thinhar le awloksong in a um ih,
34 an hnen ahcun, “Ka thinlung hi riahsiatnak in a khat tuk ih a kuai òheh ding a bang. Hinah rak um uhla it lo in i rak hngak uh,” tiah a ti.
35 Hmai ah malte a va feh ih leilung ah a bok ih thla a cam. A can thei ahcun cuih harsatnak cu tong lo dingin a dil.
36 “Abba,n Abba timi hi Aramaik òong a si ih nauhak pawl in an pa an kawh tikih an hman mi ‘Papa’ tican a si. Ka pa! Na hrangah cun ziang hmuahhmuah a cang thei òheh. Hi tuarnak khuathai hi ka hnen ihsin la hram aw. Asinan ka duh vekin si hlah seh, na duh vekin si sawnseh,” tiah a ti.
37 Cun a rakir ih dungthluntu pathum an ihthat kha a hmu. Piter hnenah, “Simon, na rak itthat maw si? Nazi pakhat sung hman itthat lo in i hngak thei hrimhrim lo maw si?” tiah a ti.
38 Cule an hnenah, “Itthat lo in hngak uhla sualforhnak sungih tla lo dingin thlacam uh. Thinlung cun a duh nain taksa cu a thazang a mal a si,” tiah a ti.
39 Jesuh cu a fehsal ih a hmaisa vekin thla a cam lala.
40 Cun a rakir ih dungthluntu pawl an itthat òheh kha a hmu; an mit an meng thei hrimhrim lo. Ziangtiih rak son ding ti khal an thei lo.
41 A vei thumnak a ra kirsal tikah an hnen ahcun, “Nan itthat hrih maw si? Nan cawl thei hrih lai maw si? Tawk seh! A tikcu a thleng zo! Zoh uh! Milai Fapa cu misual pawl kut sungah pek a si ding hi!
42 Tho uhla feh uh si! Zoh uh, i zuartu pa a ra thleng!” tiah a ti.
Jesuh An Kai
(Mat 26:47-56; Luk 22:47-53; Joh 18:3-12)
43 Jesuh cu a òong rero lai ah dungthluntu hleihnih lakih a tel vemi Judas cu a ra thleng. Judas thawn hmunkhat ah, puithiam upa pawl, Daanthiam pawl le Judah mi upa pawl ih thlahmi miburpi cu ralnam le talhtum pawl kengin an ra.
44 Mizuartu pa cun mipi pawl cu hminsinnak a rak pek cia zo ih, “Ka hnam mipa cu kaih nan duhmi pa a si ding. Amah cu kai uhla òha tein kil uhla fehpi uh,” tiah a ti.
45 Judas cun a ra thlen ve tein Jesuh cu a pan ih, “Sayapa!” tiah a ti ih a hnam.
46 Cutiin Jesuh cu an kai ih fektein an khit.
47 Culai ah an kiangih a dingmi pakhat in a ralnam a zuk ih Puithiam Sang hnenumpa ih hna a sah thlak.
48 Cule Jesuh cun, “Keimah hi rukru maw ka si, ralnam le talhtum thawn nan rat ciamco?
49 Nitinte Biakinn ah thu ka lo zirh òheu lai ah zohman in, in kai fawn lo. A si, Ca Thianghlim sung thu cu a kim a òul a si,” tiah a ti hai.Ref 14.49 Luk 19:47; 21:37;
50 Cule a dungthluntu hmuahhmuah in an tlansan òheh.
51 Mino pakhat, puan paate lawng a sinmi pa in Jesuh cu a thlun. Amah khal cu a kaih an tum ve;
52 asinain a puan taan in a tak lawngin a tlanhlo.
Thurelnak Hmun An Thlenpi
(Mat 26:57-68; Luk 22:54-55, 63-71; Joh 18:13-14, 19-24)
53 Jesuh cu Puithiam Sang ih inn ah an hruai ih cutawkah puithiam upa pawl, upa dang pawl le Daanthiam pawl an tong aw khawm.
54 Hla nawn ihsin Piter in a thlun ih Puithiam Sang ih tual ah a lut. Tual ah ralvengtu pawl hnenah a to ih meisa a ai.
55 Puithiam upa pawl le thuòhentu Khonsil upa pawl in Jesuh cu thah duh ah a sual an hawl rero nain an hmu thei lo.
56 Mi tampi in thuphan per in Jesuh cu sual an puh, asinain an thu a rual aw thei lo.
57 Cun mi òhenkhat, a dik lo thutheitu si in an ding ih,
58 “Hi pa hin ‘Milai sakmi hi Biakinn hi ka bal òheh dingih ni thum sungah milai ih tuah lomi Biakinn ka sak ding,’ a ti, kan thei,” tiah Jesuh cu thuphan an puh.Ref 14.58 Joh 2:19;
59 Sikhalsehla annih khal cu an thu a rual aw thei cuang lo.
60 An zate hmaiah Puithiam Sang cu a ding ih Jesuh cu thu a sut. “Sual an lo puh hi na let thei lo maw?” tiah a ti.
61 Sikhalsehla Jesuh cu dai tein a um ih òong kam khat hman a let lo. Cule Puithiam Sang cun, “Sunloihmi Pathian ih Fapa Messiah cu na si maw?” tiah a sutsal.
62 Jesuh in, “Ka si! Milai Fapa hi Ziangkimtithei ih vorhlam kapah to in vancung mero thawn a rat khal nan hmu leh ding,” tiah a ti.Ref 14.62 Dan 7:13;
63 Cutikah Puithiam Sang cun a puan a thlek ih, “Thutheitu dang kan òul nawn lo.
64 Pathian a nautat zia cu nan thei thluh zo! Ziangtin nan ruat?” tiah a ti.Ref 14.64 Pui 24:16;
An zate in Jesuh cu misual a si ih thah tlak a si, tiah an lung a kim òheh.
65 Mi hrek in Jesuh cu cil an phui; a mit an huh ih an thawi. “A lo thawitu hi zoso a si, sim hnik!” tiah an ti. Cule ralkap pawl in an fehpi ih an beng phahphah.
Piter In Jesuh A Phatsan
(Mat 26:69-75; Luk 22:56-62; Joh 18:15-18, 25-27)
66 Piter cu Puithiam Sang ih tualih a um lai ah Puithiam Sang ih hnenumnu pakhat a ra.
67 Piter cu meisa a ai kha a hmuh tikah hmaiton tein a zoh ih, “Nangmah khal hi Nazareth mi Jesuh thawn a rak um tlangmi na si,” tiah a ti.
68 Asinan Piter cun a phatsan ih, “Ka thei lo. Na òongmi hi ziangthu a si, ti ka thei lo,” tiah a ti. Cule kotka zin lamah a òhawn. Cuve tein ar a khuang.
69 Hnenumnu cun a va hmu lala ih a kiangkap mi pawl hnenah, “Hi pa khal hi an lakah a tel sokhaw!” tiah a sim lala.
70 Asinan Piter cun a phat thotho. Rei lo teah a kiangkap ih a dingmi pawl in Piter cu, “Nangmah khal an lakih tel na si hrimhrim ko, ziangahtile Galilee mi na sisi!” tiah an ti.
71 Cun Piter in, siatcam in thu a kam ih, “Nan timi pa hi zo a si, ti ka thei hrimhrim lo,” tiah thlalet cam in a ti.
72 Cuve tein a vei hnihnak ar a khuang ih Piter cun Jesuh in, “Ar vei hnih a khuan hlanah vei thum tiang ‘Ka thei lo a si,’ tiah i phatsan ding,” a rak timi kha a vun mangsal ih napi in a òap.