11
Sunglawi In Jerusalem Ah A Lut
(Mat 21:1-11; Luk 19:28-40; Joh 12:12-19)
1 Jerusalem khua an naih rero thlang ih Bethfath le Bethani khua kiang Olif tlang an thleng. Jesuh in a dungthluntu pahnih hmaiah a thlah ih,
2 an hnenah, “Nan hmaiih a ummi khuasung ah va feh uh. Nan thlen tikah zohman ih to dah lomi laak note hreenmi nan hmu ding. A hri phoih uhla rak hruai uh.
3 Mi pakhat in, ‘Ziangahso nan phoih?’ a lo ti le, ‘ Bawipa in a hai, a lo khirhsal cing ding,’ va ti uh,” tiah a ti.
4 Cuticun an feh ih khuasung lamzinpi ah, inn pakhat sangka ah laak note pakhat hreenmi kha an hmu. A hri an phoih zawng ah,
5 cutawkih a dingmi mi hrekkhat in, “Ziangahso laak note cu nan phoih rero,” tiah an ti.
6 Annih in Jesuh ih a sim cia vek cun an sim ih hmakhat teah an fehter.
7 Jesuh hnenah laak cu an rak hruai ih a parah an puan an dam hnuah Jesuh cu a to.
8 Mi tampi in a fehnak ding lamzin ah an puan an phah; mi hrek in sawl an khiak ih an phah ve.
9 A hmaiih a fehmi in siseh, dunglamih a thluntu pawl in siseh, :Ref 11.9 Saam 118:25-26;
“Hosanna!
Bawipa hmin in a rami cu
Pathian in thluasuah hram seh!
10 Kan pu David Siangpahrang uknak
a ra dingmi cu
Pathian in thluasuah ko seh!
Hosanna!
A sang bik van ahkhin
Pathian cu thangòhat si ko seh,”
tiah an au ciamco.
11 Jesuh cu Jerusalem ah a lut ih Biakinn sungah a feh ih ziang hmuahhmuah kim tein a zoh thluh. Asinan tikcu a tlai zo ruangah a dungthluntu hleihnih thawn Bethani khua ah an va feh.
Jesuh In Thei Kung A Cam
(Mat 21:18-19)
12 A thai sun Bethani khua ihsin an ratsal lai ah Jesuh cu a ril a rawng.
13 Lamhlat nawn ah a hnah niim ciaiciai in theikung pakhat a hmu ih a rah hawl dingah a pan. Sikhalsehla theikung kiang a thlen tikah a hnah lawng a hmu; ziangahtile theipi rah tikcu a si lo.
14 Jesuh in, “Zohman in na rah lo ei nawn hlah hai seh,” tiah theikung cu a ti.
A dungthluntu pawl in cuih òong cu an thei.
Jesuh Biakinn Ah A Feh
(Mat 21:12-17; Luk 19:45-48; Joh 2:13-22)
15 Jerusalem an thlen tikah Jesuh cu Biakinn ah a feh ih thil a leitu le a zuartu pawl kha a dawihlo òheh. Paisa thlengtu pawl ih cabuai le laileng zuartu pawl ih tohkham pawl khal a lingleh sak thluh.
16 Cule Biakinn tualih thil phur ih vak sukso pawl khal a kham òheh.
17 Mipi pawl cu hitiin a sim: “Ca Thianghlim sungah Pathian in ‘Ka inn cu miphun hmuahhmuah hrangih thlacamnak inn ti a si ding,’ Ref 11:17 Isa 56:7; Jer 7:11 a timi a um. Sikhalsehla nannih in rukru relhnak lungpuk ah nan tuah a si,” tiah a ti.
18 Puithiam upa pawl le Daanthiam pawl in cuih thu an theih tikah Jesuh thah theinak lamzin an hawl. Annih in Jesuh cu an òih ngaingai, ziangahtile Jesuh thuzirhmi in misenpi pawl ih thinlung a ton tuk ruangah a si.
19 Zanlam a si tikah Jesuh le a dungthluntu pawl cu khuapi sung ihsin an suak.
Theikung A Thi
(Mat 21:20-22)
20 A thaizing zingpit lamzinih an feh lai ah theikung cu an hei hmu. A zim ihsin a hram tiang a ro òheh.
21 Piter in a vun mangsal ih Jesuh hnenah, “Zoh hnik, Sayapa! Na cammi theikung kha a thi zo!” tiah a ti.
22 Jesuh in an hnenah, “Pathian rinsan uh!
23 Fiang tein ka lo sim: Zokhal sisehla a thinlung sungah rinhmainak nei lo in a sim vekin a cang tengteng ding tiah a zumfek ahcun, ‘Hi tlang hi thawn awla tifinriat sungah va tla aw,’ a ti khalle tuah sak a si ding.Ref 11.23 Mat 17:20; 1 Kor 13:2;
24 Curuangah hitiin ka lo sim: Thla nan cam ih thil pakhatkhat nan dil tikah ka ngah zo tiin zum uhla nan dilmi hmuahhmuah cu nan ngah ko ding.
25 Cun thlacam dingih nan din tikah mi pakhatkhat parih duh lonak nan neihmi kha va ngaithiam uh; cutikah vancung ih a ummi nan Pa in nan sualnak kha a lo ngaithiam ve ding,” tiah a ti.Ref 11.25 Mat 6:14-15;
26 Midang sualnak nan ngaithiam lo ahcun vancung ih a ummi nan Pa in nan sualnak a lo ngaithiam ve lo ding.
Jesuh Thuneihnak An Sut
(Mat 21:23-27; Luk 20:1-8)
27 Jesuh le a dungthluntu pawl cu Jerusalem khua sungah an ra thlengsal. Jesuh cu Biakinn sungih a feh lai ah puithiam upa, Daanthiam pawl le upa dang pawl an ra ih,
28 Jesuh cu, “Ziangvek thuneih theinak in so hibangtuk thil hi na tuah? Zo in so hi thuneihnak hi a lo pek?” tiah an sut.
29 Cutikah Jesuh in, “Thu pakhat ka lo sut dingih in let thei a si ahcun ziangvek thuneihnak in so hibangtuk thil hi ka tuah, ti ka lo sim hai ding.
30 I sim hnik uh: Johan ih baptisma a pek theinak thu hi zo ih hnenin so a ngah? Pathian hnenin maw, milai hnenin so?” tiah a ti.
31 Anmah le anmah an el aw ih, “Ziangtinso kan ti ding? ‘Pathian hnen ihsin,’ kan ti ahcun ‘Cuti asile ziangahso Johan cu nan zum lo?’ tiah in ti ding.
32 Asinan, ‘Milai hnen ihsin,’ kan ti ahcun misenpi òih a um fawn, ziangahtile misenpi in Johan cu profet a si, ti kha an thei thluh fawn,” an ti.
33 Curuangah Jesuh hnenah, “Kan thei lo,” tiah an let.
Jesuh in an hnenah, “Kei khalin ziangvek thuneihnak in so hibangtuk thil hi ka tuah, ti ka lo sim ve lo ding,” tiah a ti.