5
Ziangtikah Sualthlah Thawinak Tuah A Òul?
1 A hnuailam sualnak pawl hrangah sualthlah thawinak a òul a si.
Zokhal a hmuhmi le a theihmi sim dingah thurelnak hmun ah an ko ih a sim a rel duh lo ahcun amah in mawh a phur dingih hrem a tuar ding.
2 Zokhal tumtah hrimnak nei lo in, saruak tivek pawl, a thiang lomi a tham pang a si ahcun amah cu mithiang lo a si ih a thil tuahmi a theih ve tein mawh a phur ding.
3 Zokhal tumtah hrimnak nei lo in, minung ih thianhlim lonak a tham pang asile, ziangvek thianhlim lonak a si hmanah, a theih ve tein mawh a phur ding.
4 Zokhal a sia le a òha ruatta lo in siatcam in thu a kam zuatzo a si ahcun, ziangvek thu a si hmanah, a tuahmi a theih ve tein mawh a phur ding.
5 Hi thu pakhatkhat ah mi pakhat cu mawhphurtu a si tikah a mawhnak cu a phuang tengteng pei;
6 cule sualthlah thawinak hrangah Bawipa ih hnenah tuu siseh, me siseh, a nu pakhat a pek pei. A sualthlahnak hrangah puithiam in thawinak a tuah sak pei.
7 Tuu siseh, me siseh, a pek thei lo a si ahcun, a sualthawinak hrangah thuro pahnih asilole laileng pahnih Bawipa ih hnenah a pek pei; pakhat cu sualthlah thawinak hrangah a si pei ih a dang pakhat cu mei-ur thawinak hrangah a si pei.
8 Puithiam hnenah a rak keng pei ih puithiam in a hmaisa ah vate pakhat cu sualthlah thawinak ah a pek pei. A lu dircat lo tein a hngawng a merh pei ih,
9 a thisen hrekkhat cu biakòheng kapah a theh pei. A tangmi a thisen cu biakòheng hramah a thlerh pei. Hi thawinak cu sualthlahnak hrangah a si.
10 Cun a pahnihnak vate cu mei-ur thawinak hrangah, daan bangtukin, puithiam in a pek pei. Cubangtuk in mi pakhat sual ruangah puithiam in thawinak a pek pei ih a sualnak cu ngaithiam a si ding.
11 Cun cupa in thuro pahnih asilole laileng pahnih khal a pek thei lo a si ahcun a sualthlah thawinak hrangah sangvut phut rel khat a keng pei. Thlairawl thawinak si lo in sualthlah thawinak a si ruangah olif siti a toih lo pei ih rimhmui khal a rawi lo pei.
12 Sangphut cu puithiam hnenah a keng pei ih Bawipa ih hnenah kim tein pek òheh a si, ti langternak ah puithiam in zatekhat a la pei ih biakòheng parah a ur pei. Himi cu sualthlah thawinak a si.
13 Cubangtuk in cupa ih sualnak ruangah puithiam in thawinak a pek pei ih a sualnak cu ngaithiam a si ding. Thlairawl thawinak vek thotho in a tangmi sangphut cu puithiam ih ta a si.
Mawhnak Hrang Thawinak
14 Hi daan pawl cu Bawipa in Moses hnenah a pek.
15 Zokhal sual tumtahnak a nei lo nain Bawipa ih hnenah pek dingmi thil thiang pawla 5:15 Bawipa ih hnenah pek dingmi thil thiang pawl timi ahhin: (1) Thlaithar hmaisabik, (2:14; 23:9-14), (2) òilva hmasa bik hrinmi, (27:26-27), (3) òhenhra ih òhenkhat, (27:30-33), (4) Thutiam awknak ruangih pek dingmi, (27:1-25) le (5) Pathian hnenih pekmi pawl (27:28-29; Mipum 30:1-16) tla an tel. a pek lo a si ahcun a mawhnak thawinak hrangah raitluan tuucang pakhat Bawipa ih hnenah a pek pei. A man cu upa pawl ih khiah vekin a si pei.
16 A pek lomi Bawipa ih thil thiang pawl cu a kuansal pei ih cuih tlunah a hlei in zatek kul a kuan pei. Tuucang cu puithiam hnenah a pek pei ih cupa ih mawh ruangah puithiam in thawinak a pek pei ih a mawhnak cu ngaithiam a si ding.
17 Mi pakhatkhat in tumtah hrimnak nei lo in Bawipa ih thukham pakhatkhat a buar pang ahcun thil sual a si, ti a theih lo hmanah a sualman a tuar ding.
18 Puithiam hnenah mawhnak thawinak hrangah raitluan tuucang, asilole mecang a pek pei. A man cu upa ih an khiah vekin a si pei. Cupa ih mawhnak ruangah puithiam in thawinak a pek pei ih amah cu ngaithiam a si ding.
19 Himi cu Bawipa ih parah a sual ruangah cawhkuannak ih thawinak pekmi a si.