4
Sualthlah Thawinak
1-2 Mi pakhatkhat a sual ih Bawipa ih thupekmi a buar pang a si ahcun, a hnuailam ih daan pawl cu thlun tengteng dingah Israel mi hnenih sim dingah Bawipa in Moses cu thu a pek.
3 Hriakculh Puithiam Sang a sual ih Israel mi hnenih mawhnak a thlenter a si ahcun, a sual thlahnak ah raitluan cawcang a keng pei ih Bawipa ih hnenah thawinak a tuah pei.
4 A cawcang cu Bawipa ih umnak puanthlam sangka ah a hruai pei, a caw lu parah a kut a suang pei ih Bawipa ih hmaiah cutawk ahcun a that pei.
5 Cule cuih puithiam cun a caw ih thisen hrekkhat a la pei ih Puanthlam sungah cun a fehpi pei.
6 A cuih thisen sungah a mehtok kutzung a hnim pei ih a thiangmi puanzar ih hmaiah vei sarih tiang thisen cu a theh pei.
7 Cule Puanthlam sungih rimhmui urnak biakòheng ki pawl parah a cuih thisen hrekkhat cu a hnih pei ih a tang hrihmi thisen cu Puanthlam sung vung luhnak ih a ummi mei-ur thawinak hrangih hmanmi biakòheng hram ah a thlet thluh pei.
8 Hi caw ih thau hmuahhmuah, a sungril pawl ih thau le,
9 a kaileng pawl le a kaileng parih a kopmi thau pawl le a thinhnun parih thau tla a phorh thluh pei.
10 Remnak thawinak hrangih cawcang an thahmi a thau an lak thluh ih an ur vekin puithiam in hi cawcang ih thau cu a la pei ih mei-ur thawinak biakòheng parah a ur pei.
11 Sikhalsehla a vun, a sa hmuahhmuah, a lu, a ke pawl le a sungril hmuahhmuah a la pei ih,
12 an riahnak hmun ihsin hnarpawn vutcam an thletnak hmun thiangfai ih thingpen parah a ur pei.
13 Bawipa ih thupekmi a buar pangih Bawipa ih hmaiih a sualtu cu Israel mipi an zate an si ahcun,
14 an sualnak cu theih a si ve tein an sualthlah thawinak hrangah cawcangte pakhat an keng pei; Bawipa ih umnak Puanthlam ah an keng pei ih,
15 Israel mi hotu pawl in a lu parah an kut an suang pei ih cutawkah an that pei.
16 Hriakculh Puithiam in caw thisen hrekkhat cu Puanthlam sungah a keng pei ih,
17 thisen sungah a mehtok zung a hnim hnuah puanzar ih hmaiah vei sarih tiang a theh pei.
18 A thisen hrekkhat cu Puanthlam sungih ummi rimhmui urnak biakòheng ih ki pawl parah a hnih pei ih, a tangmi thisen cu Puanthlam sung luhnak ih a ummi mei-ur thawinak biakòheng hramah a thle thluh pei.
19 Cule a thau hmuahhmuah a la pei ih biakòheng parah a ur pei.
20 Sualthlah thawinak cawcang a tuah vekin hi cawcang khal cu Israel mi sualnak ruangah puithiam in thawinak a tuah pei ih ngaithiam an si ding.
21 Amah puithiam sualthlahnak cawcang a tuah vek thotho in hi cawcang khal cu a la pei ih an riahnak ihsin hnarpawn ah a fehpi pei ih a ur pei. Himi hi misenpi sualthlahnak hrangih thawinak a si.
22 Bawipa ih thupekmi cu ram uktu in a buar ih a sual pang a si ahcun,
23 a sualnak a theih awk ve tein raitluan mecang pakhat thawinak hrangah a keng pei.
24 Mecang ih lu parah a kut a suang pei ih mei-ur thawinak sa an thahnak, biakòheng ih saklam kapah a that pei. Himi cu sualthlahnak hrangih thawinak a si.
25 Mecang ih thisen cu puithiam in a mehtok zungin a vun tok pei ih biakòheng ih ki pawl parah a hnih pei. A tangmi thisen cu biakòheng hramah a thlet thluh pei.
26 Cun remnak thawinak ih an thahmi òilva ih thau pawl a ur vekin mecangih thau hmuahhmuah cu biakòheng parah a ur pei. Cubangtuk in hotu ih sualnak ruangah puithiam in thawinak a pek pei ih hotu cu ngaithiam a si ding.
27 Israel mi lakah mi pakhatkhat tumtahnak zianghman nei lo in a sual pang ih Bawipa ih thukham a buar pang a si ahcun,
28 a sual a theih awk ve tein raitluan mi menu a rak keng pei.
29 A menu ih lu parah a kut a suang pei ih mei-ur thawinak sa an thahnak, biakòheng ihsin saklam kapah a that pei.
30 A cuih thisen sungah puithiam in a mehtok zung in a tok pei ih biakòheng ih ki pawl parah a hnih pei; a tangmi thisen cu biakòheng hramah a thlet thluh pei.
31 Cun remnak thawinak sa ih thau pawl an lak vekin a thau a la thluh pei ih Bawipa ih duhmi rimthaw si dingah biakòheng parah a ur pei. Cubangtuk in a cupa ih sual ruangah puithiam in thawinak a pek pei ih cupa cu a sualnak ngaithiam a si ding.Ref 4:27-31 Mipum 15:27,28;
32 Mi pakhat in a sualthlahnak hrangah tuu pakhat a rak keng asile a nu raitluan a si pei.
33 A tuu ih lu parah a kut a suang pei ih mei-ur thawinak sa an thahnak, biakòheng ihsin saklam kapah a that pei.
34 A cuih òilva thisen sungah puithiam in a mehtok zung in a tok pei ih biakòheng ih ki pawl parah a hnih pei; a tangmi thisen cu biakòheng hramah a thlet thluh pei.
35 Remnak thawinak sa a thau an lak bangtukin puithiam in a thau a la thluh pei ih mei-ur thawinak ih an pekmi rawl thawn Bawipa a pek pei ih biakòheng parah a ur pei. Cubangtuk in cupa ih sualthlahnak hrangah puithiam in thawinak a pek pei ih cupa cu ngaithiam a si ding.