12
Nau Neih Hnu Ih Thianfaiter Awknak
1 A tanglam ih daan pawl hi Israel mi hrangah Bawipa in,
2 Moses hnenah a pek. Nunau pakhat in fapa a hrin tikah, thlatin a neihmi thi ruangih mi thiangfai lo ih rel a si bangtukin ni sarih sung mi thiangfai lo a si.
3 Ni riatnak ni ah a fapa cu serhtan a si pei.Ref 12:3 Sem 17:12;
4 Nunaunu cun a thianfai lai hlan lo ni sawmthum le ni thum a hngak hrih pei. A thianfaiter awknak caan a kim lai hlan lo a thianghlimmi thil zianghman a tham lo pei ih Puanthlam thianghlim sung khalah a lut lo pei.
5 Fanu a hring asile thlatin a neihmi thi ruangih mi thiangfai lo a si bangtukin ni hleili sung mi thiangfai lo a si. A thi suahnak ihsin a thianfai lai hlan lo ni sawmruk le ni ruk sung a hngak pei.
6 Fapa a hring ih, asilole fanu a hring ih a thianfaiter awknak caan a kim tikah kum khat a timi tuufa pakhat mei-ur thawinak hrangah Bawipa ih umnak Puanthlam luhnak sangka ih um puithiam hnenah a rak keng pei. Laileng pakhat asilole thuro pakhat khal sualthlah thawinak hrangah a rak keng pei.
7 A kenmi thawinak cu puithiam in Bawipa ih hnenah a pek pei ih a borhhlawhnak cu tlengfai dingah a thawi pei; culawng ah nunau thiangfai ah a cang ding. Himi cu nau neih borhbah thianfainak ah nunau in a tuah òulmi daan a si.
8 Nunau in tuufa pakhat hman a nei lo a si ahcun thuro pahnih asilole laileng pahnih, pakhat cu mei-ur thawinak hrangah, a dang pakhat cu sualthlah thawinak hrangah a keng pei.Ref 12:8 Luk 2:24; A borhhlawhnak tlengfai dingah puithiam in thawinak a tuah sak pei ih cunu cu mi thiangfai ah a cang ding.