11
Eiòha Ramsa Pawl
(Daan 14:3-21)
1 Bawipa in Israel miphun hrangah a tanglam daan pawl cu,
2 Moses le Aaron hnenah a pek. Leilungtlun ramsa,
3 ketin òek nei le rawlret òhial nei hmuahhmuah nan ei pei.
4-6 Sikhalsehla kalauk pawl, tlangzubui pawl, le sabek pawl cu nan ei lo pei. Hi ramsa pawl cu ramsa thiang lo an si; ziangahtile rawlret an òhial nain ketin òek an nei lo.
7 Voksa nan ei lo pei; ketin òek an nei nain rawlret an òhial lo.
8 Hi ramsa pawl cu nan ei lo pei; an ruak khal nan tham lo pei. Ramsa thiang lo an si.
9 Òeh le kep a neimi nga hmuahhmuah cu nan ei thei.
10 Asinan ti sungih a ummi òeh le kep a nei lomi cu ei ding an si lo.
11 Sa thiang lo ah siar ding an si. Hi pawl cu nan ei lo pei; an ruak khal nan tham lo pei.
12 Ti sungih a ummi òeh le kep a nei lomi hmuahhmuah nan ei lo pei.
13 A tanglamih va pawl hi nan ei lo pei; ziangahtile fihnungza an si. Muvanlai, langta, langta dum;
14 khaute, khaupi,
15 tlangak,
16 kalauk vate, sumbuh, sumbuh hmultawi, sumbuh hmulsau, zan khaute,
17 sumbuh fate, cenbai, sumbuh rang,
18 cerhdawt, ngathur, pelikan,
19 vaca, rih-ar, vasuangtuar le palap pawl tla an si.
20 An khirnak dingih ke hlikhlok neimi siar lo,
21 thla a nei ih ke li neimi cucik kharbok hmuahhmuah cu ei thiang lo an si.
22 Kharbok, umzir le bawkhring pawl cu nan ei thei ding.
23 Asinan a dang cucik kharbok thla a neimi le a bokvakmi pawl hmuahhmuah cu ei thiang lo an si.
24 Zokhal sisehla a thuailam ramsa pawl ih ruak a thamtu cu zanlam tiang mithiang lo an si ding.
25 Zokhal sisehla hi pawl ih ruak a latu cu an hnipuan an sawp pei ih zanlam tiang mithiang lo an si ding.
26-28 Ketin òek nei ih rawlret òhial nei ramsa siar lo, ketin òek lo ramsa hmuahhmuah le ke li nei ih ketin hriam ramsa hmuahhmuah cu ramsa thiang lo an si. Zokhal hi ramsa pawl ih ruak a thamtu cu an tham sun zanlam tiang mithiang lo ah an cang ding; zokhal hi ramsa pawl ih ruak a phurtu cu a phurh lai ih a hrukmi hnipuan pawl a sawp thluh pei. Cuih hnu khalah zanlam tiang mithiang lo a si thotho ding.
29-30 Duum, hramlak zinghnam, inn zinghnam, thangkawng, ngangdol a phunphun le laiking pawl cu ei thiang lo an si.
31 Zokhal a tlunih pawl a thamtu le an ruak a daitu pawl cu a cuih sun zanlam tiang mithiang lo an si ding.
32 An ruak pawl tla thil pakhatkhat parih a tlak asile a cuih thil cu a thiang lo ah rel a si ding. Zanthing siseh, hnipuan siseh, savun siseh, dip siseh, ziangih hmanmi a si khalle a thiang lo ah rel a si ding. Hi thil cu tidai sungah hnim a si pei; sikhalsehla zanlam tiang thilri thiang lo a si thotho ding.
33 Cun an ruak pawl beelnu sungih an tlak asile a cuih beel sungih a ummi hmuahhmuah cu a thiang lo a si dingih a cuih beelnu cu nan khuai pei.
34 Cun a cuih beel sung tidai ih toihmi rawl pohpoh cu rawl thiang lo a si ding; cubangtuk beel sungih in òha hmuahhmuah cu in òha lo ah a cang ding.
35 Hi saruak pawl ih thlakmi hmuahhmuah cu a thiang lomi an si; tlak ih tuahmi lungthu a si ahcun nan khuai thluh pei.
36 Hi saruak pawl ih an daimi hmuahhmuah cu a thiang lomi an si; asinain dawhhna le tikuang pawl cu a thiang ah rel an si ding.
37 Hi saruak pakhatkhat cu tuh dingmi thlaici parih a tlak khalle cuih thlaici cu a thiang thotho a si.
38 Asinan tidai sungih ciahmi thlaici parih a tlak pang a si ahcun cuih thlaici cu a thiang lo a si.
39 Ei thiangmi ramsa pakhatkhat a thi ih cuih saruak a thamtu cu zanlam tiang mithiang lo a si ding.
40 Zozo khal hi sa a ei a si ahcun a hnipuan a sawp thluh pei; sikhalsehla cuih zanlam tiang mithiang lo a si thotho ding. Zokhal hi saruak a phurtu cu a hnipuan a sawp thluh pei; sikhalsehla cuih zanlam tiang cu mithiang lo a si thotho ding.
41 Lei parih a vak murhmo mi ramsa,
42 a pum leilung rawt ih a vakmi siseh, ke keli ih a vakmi le ke tampi a neimi siseh, nan ei hrimhrim lo pei.
43 Hi pawl hi ei tahrat in nanmah le nanmah mithiang lo ah nan tuah aw lo pei.
44 Keimah cu Bawipa nan Pathian ka si ih keimah ka thianhlim bangtukin nannih khal nan thianghlim ve pei.Ref 11:44 Pui 19:2; 1 Pit 1:16;
45 Keimah cu nan Pathian si dingah Izipt ram ihsin a lo suahsuaktu Bawipa ka si. Keimah cu a thianghlim mi ka si bangtukin nannih khal nan thianghlim ve pei.
46 Ramsa, vate le ti sungih a ummi hmuahhmuah le lei parih a vakmi ramsa hmuahhmuah thawn peh aw ih daan cu hihi an si.
47 Raitluang le raitluang lo siseh, ramsa ei thiang le ei thiang lo siseh, thleidang thiam dingah nan ralring pei.