18
Nuhmei Nu Le Thuòhentu Tahòhimnak
1 Jesuh in a dungthlun pawl kha thinnau lo ih thla an cam ringring a òul zia zirh duh ah tahòhimnak pakhat a sim.
2 An hnen ahcun, “Khua pakhat ah Pathian a òih lo ih milai khal a hmaizah lotu thuòhentu pakhat a um.
3 Cuih khua thotho ah nuhmeinu pakhat a um ih nuhmeinu cun, ‘I raltu thawn thu kan neihmi ahhin i bawm hram aw,’ tiah atu le atu a ra dil ringring.
4 Thuòhentu in cuih thu cu caan reipi relsak duh lo in a um; asinain a netabik ahcun ‘Pathian ka òih lo ih mi khal ka hmaizah lo nain,
5 hi nuhmeinu in i hnaihnok ringring ruangah a thu cu ka relsak pei. Ka relsak lo a si ahcun catbang lo in a ra ringring dingih a netnak ahcun keimah lehlam thinlung baangin i tuah ding,’ tiah a ruat,” tiah a sim.
6 Cule an Bawipa cun an hnenah, “Hi a dik lomi thuòhentu ih òongkam cu nan thei!
7 Cuti a si ahcun Pathian in amah ih bomnak dilin sun zan a au rerotu a minung pawl cu an thu òhen sak lo in a um pei maw? Anmah bawm dingah a khul a fung pei maw?
8 Fiang tein ka lo sim: Zamrang zet in a relsak dingih thuding a coter ding a si. Sikhalsehla Milai Fapa hi leilung ih a rat tikah zumnak neitu a hmu pei maw?” tiah a ti.
Farasi Le Siahkhongtu Tahòhimnak
9 Jesuh in hi tahòhimnak cu, miòha ngaingai ih a ruat aw mi le midang hmuahhmuah a hmuhsuamtu pawl hnenah a simmi a si.
10 “Veikhat ah mi pahnih cu thlacam dingah Biakinn ah an feh. Pakhat cu Farasi a si ih pakhat cu siahkhongtu a si.
11 Farasi pa cu hlat nawn ah amah lawng a ding ih hitiin thla a cam. ‘Maw Pathian, kei cu midang vekin ka duhham lo, thuphan ka per lo ih òaangòawm sualnak tla ka tuah lo ruangah ka lo thangòhat. Khitawk ih a ummi siahkhongtu vek ka si lo ruangah ka lo lawm.
12 Zarhkhat ah vei hnih rawl ka ul, ka ngahmi hmuahhmuah sungin òhenhra ih òhenkhat ka lo pe,’ a ti.
13 Sikhalsehla siahkhongtu pa cu hla nawn ah a ding ih vanlam hman hoih ngam lo in a òaang a cuum aw ih ‘Maw Pathian, i zangfah hram aw; kei cu misual ka si,’ tiah a ti.
14 Fiang tein ka lo sim: Farasi mi pa si lo in siahkhongtu pa sawn kha inn ih a tlun tikah Pathian hmaiah thuding cotu a si. Ziangahtile zokhal amah le amah a khaisang awtu cu namthlak a si dingih tangdortu cu khaisan a si ding,” tiah a ti.Ref 18.14 Mat 23:12; Luk 14:11;
Jesuh In Nauhak A Thluasuah
(Mat 19:13-15; Mar 10:13-16)
15 Mi hrekkhat in an faate pawl ih parah Jesuh in a kut suang seh ti duh ah Jesuh hnenah an faate pawl cu an rak hruai. Cutiih an tuah cu a dungthluntu pawl in an hmuh tikah an kawk.
16 Asinan Jesuh in nauhak pawl cu a ko ih, “Nauhak cu ka hnenah ra hai seh, dawn hlah uh; ziangahtile Pathian Uknak cu hibangtuk mi pawl ih ta a si.
17 Hihi ciing òha uh! Zokhal Pathian Uknak kha nauhak pawl ih an cohlan bangtukin a cohlang lotu cu cuih Uknak sungah an lut thei dah lo ding,” tiah a ti.
Milian Pa Ih Thu
(Mat 19:16-30; Mar 10:17-31)
18 Judah mi hotu pakhat in Jesuh cu, “Zirhtu òha, kumkhua nunnak co dingah ziangso ka tuah ding?” tiah a sut.
19 Jesuh in, “Ziangahso miòha, tiah i ti? Pathian pakhat siar lo miòha dang zohman an um lo.
20 Thukham pawl na thei ko a si lo maw: Òaangòawm sualnak tuah hlah; lai that hlah; ruk ru hlah; thuphan per hlah; na nu le na pa kha upat aw,’ ti tla an si kha!” tiah a let.Ref 18.20 Suah 20:12-16; Daan 5:16-20;
21 Cupa in, “Ka seentet lai ihsin hi thukam pawl hi cu ka thlun thluh zo a si,” tiah a ti.
22 Cumi cu Jesuh in a theih tikah a hnen ahcun, “Na tuah òulmi pakhat a um lai. Na neihmi hmuahhmuah zuar òheh awla na ngahmi tangka kha mifarah pawl va pe aw; cule vancung ah sumsaw na nei ding. Cuih hnuah ra awla i thlun aw,” tiah a ti.
23 Asinan cuih thu cu cupa in a theih tikah a riah a sia ngaingai, ziangahtile amah cu milian zet a si.
24 Jesuh in a riahsiat kha a hmuh tikah hitiin a sim: “Milian hrangah cun Pathian Uknak sungih luh cu ziangtlukin so a har!
25 Milian pakhat Pathian Uknak sungih luh hnakin kalauk pakhat òhim hnakua sungih luh khi a ol sawn a si,” tiah a ti.
26 Cumi cu mipi in an theih tikah, “Cuti asile zoso runmi a si thei ding?” tiah an sut.
27 Jesuh in, “Minung hrangih a cang thei lo timi hi Pathian hrangah cun a cang thei a si,” tiah a ti.
28 Cutikah Piter in, “Zoh hnik! Kan innsang tanta in nangmah kan lo thlun hi!” tiah a ti.
29 Jesuh in, “A si, na simmi a dik a si; fiang tein ka lo sim: Zokhal a inn siseh, a nupi siseh, a unau siseh, a nu le a pa siseh, a faate pawl siseh, Pathian Uknak hrangah a tlansan a si ahcun,
30 tuih san ahhin a let tampi in ngahmi a nei dingih a ra dingmi san ah kumkhua nunnak a ngah ding,” tiah a sim.
A Thihnak Ding Vei Thumnak A Sim
(Mat 20:17-19; Mar 10:32-34)
31 Jesuh in a dungthlun hleihnih pawl kha hmun dang teah a fehpi ih an hnenah, “Ngai hnik uh! Jerusalem ah kan feh dingih Milai Fapa ih thu profet pawl ih an rak simmi hmuahhmuah kha a kim ding.
32 Zentail mi pawl ih kut ah thlenpi a si dingih annih in hnihsuahsainak ah an hmang ding, an dekcok dingih an cil an phui ding.
33 An vuak dingih an that ding, asinain ni thumnak ah a thosal ding,” tiah a ti.
34 Sikhalsehla cupawl cu a dungthluntu pawl cun an thei thei lo; a òong ih sullam kha thuh sak a si ruangah Jesuh ih òongmi kha a tican an thei lo.
Mitcaw Kutdawh A Damter
(Mat 20:29-34; Mar 10:46-52)
35 Jesuh cu Jerikho khua lamah a feh ih a thlen zik zawng ah mitcaw pakhat cu lamzin kiangah kutdawh in a rak to.
36 A kiangin mi tampi an lan kha a theih tikah, “Ziangso a si?” tiah a rak sut.
37 Annih in, “Nazareth mi Jesuh a ra a si,” tiah an ti.
38 Cupa cun, “Maw David Fapa Jesuh, i zangfah hram aw,” tiah a au ciamco.
39 Hmaiih a ummi misenpi pawl in an kawk ih dai teih um dingah an sim. Sikhalsehla anih cun, “David Fapa, i zangfah hram aw,” tiah a au sinsin.
40 Cuhrangah Jesuh cu a ding ih, “Mitcaw pa kha hinah rak hruai uh,” tiah thu a pek. A hnenih a ra thlen tikah Jesuh in,
41 “Ziangti sak ding so na duh?” tiah a sut.
“ Bawipa, khua hmu theisal ningla ka duh,” a ti.
42 Jesuh in a hnenah, “Cuti asile khua hmu aw! Na zumnak in a lo damter zo,” tiah a ti.
43 Hmakhat teah khua a hmu thei ih Jesuh kha a thlun ih Pathian a thangòhat vivo. Cumi cu misenpi in an hmuh tikah an zate in Pathian kha an thangòhat.