17
Sualnak
(Mat 18:6-7, 21-22; Mar 9:42)
1 Jesuh in a dungthluntu pawl hnenah, “Sualnak sungih mi a tlatertu thil cu a ra thleng ringring ko ding; asinain cuih thil a thlentertu ih hrangah cun tuksumza a si.
2 Hi nauhak pakhatkhat a sualter hnak cun a hngawng ah fang rialnak lungtumpi kha thlaih tahrat in tifinriat sungah hlon sehla amah hrangah a òha sawn.
3 Curuangah thil nan tuahmi ah ralring uh.Ref 17.3 Mat 18:15;
Na unau a sual ahcun nunsim aw; a sir awk ahcun ngaithiam aw.
4 Na parah ni khat sungah vei sarih tiang sual hmansehla na hnenah ra tahrat in ‘Ka sual ka sir aw a si,’ a ti ahcun ngaithiam aw,” tiah a ti.
Zumnak
5 Dungthluntu pawl in, “Kan zumnak hi òhangter sin aw,” tiah an Bawipa cu an ti.
6 An Bawipa cun, “Nannih in anòam ci tia zumnak nan neih ahcun hi thingtheihmu kung hi ‘Na hram in phong aw awla tifinriat sungah va phunaw aw,’ nan ti thei dingih nan ti vekin a cang ngaingai ding.
Hnenum Ih Òuanvo
7 “Thuòhimnak ah nanmah lakah pakhatkhat in hnenum pakhat a nei tibang sehla, cuih hnenum cu lei a let, asilole tuu a khal ti sehla, inn ih a ra tlun tikah ‘Zamrang awla na rawl ei aw,’ nan ti ding maw?
8 Nan ti lo ding! Cuhnakin amah cu ‘Ka hrangah zanriah i suan sak aw; cule na rawl suannak thuam hruk awla rawl ka ei sung i kil aw; cuih hnu lawngah nang cu rawl na ei leh ding,’ nan ti ding.
9 Hnenumpa cu thu nan pekmi a tuah òheh ruangah lungawinak òongkam a parah nan òong dah maw si?
10 Cuvek thotho in nanmah par khalah a si ve: Tuah uh, tiih an lo timi nan tuah òheh tikah ‘Kannih cu lom tlak lo hnenum men kan si. Kan òuanvo a òuantu lawng kan si,’ tiah ti uh,” tiah a sim.
Jesuh In Mi Pahra A Damter
11 Jesuh cu Jerusalem lam a pan zawng ah Samaria le Galilee ramri a pal phah vivo.
12 Khua pakhat a va thleng ih cuih khuasung ih phaarnat in a nami pahra in an rak tong. Lamhlat nawn ah an ding ih,
13 “Maw Jesuh, Bawipa, in zangfah hram aw,” tiah an au.
14 Jesuh in a hmu ih an hnenah, “Va feh uhla puithiam pawl in lo zoh hai seh,” tiah a ti.Ref 17.14 Pui 14:1-32;
An feh laifangah cun an dam òheh.
15 Anmah lakih pakhat pa in a dam òheh zo ti kha a hmuh awk tikah a kirsal ih aw ring zet in Pathian a thangòhat.
16 Hmakhat teah Jesuh kehram leilung ahcun a bok ih Jesuh hnenah lungawi thu a sim. Cupa cu Samaria mi pa a si.
17 Jesuh in, “Damnak a ngahtu cu mi pahra an si. Pakua teh khuiahso an si?
18 Ziangahso hi ramdangmi pakhat lawng Pathian hnenih lungawinak pe dingah a rat?” a ti.
19 Cule Jesuh in, “Tho awla feh aw. Na zumnak in a lo damter zo,” tiah a ti.
Pathian Uknak A Ratnak Thu
(Mat 24:23-28, 37-41)
20 Farasi mi òhenkhat in, “Ziangtikah so Pathian Uknak a ra thlen ding?” tiah Jesuh cu an sut. Jesuh in, “Pathian Uknak cu mithmuh in a ra lo.
21 Zohman in ‘Zoh hnik uh! Hinah a um hi! Khinah a um khi!’ tiah an ti lo ding. Ziangahtile Pathian Uknak cu nan sungah a um a si,”k “Nan sungah a um,” timi hi “nan lakah a um,” asilole “nan hnenah a lang cing ding,” ti khal a si thei. tiah a ti.
22 Cule a dungthluntu pawl hnenah, “Milai Fapa ih caan ni khat tal hmu ve thei sehla tiah saduh nan thah tikcu a ra thleng ding, asinain nan hmu lo ding.
23 Nan hnenah ‘Zoh uh! Khinah a um! Zoh uh! Hinah a um!’ tiah a lo titu an um ding. Sihmansehla zoh dingah va feh hlah uh.
24 Nimthlakau in van khatlam kap ihsin khatlam tiang a hrawh ih a tlet òheh vekin Milai Fapa cu amah ih ni ahcun a si ve ding.
25 Asinan hmaisabik ah amah in tuarnak nasa zet a tong dingih tuih san minung pawl in an hnong ding.
26 Noah sanlai ih a rak can zo bangin Milai Fapa san khalah a cang ve ding.Ref 17.26 Sem 6:5-8;
27 Noah cu a lawng sungah a lut ih tilik a tlung ih mi hmuahhmuah an thih òheh hlan tiangin mizapi cu an nuam, an ei an in ih an òhi aw rero lai.Ref 17.27 Sem 7:6-24;
28 Lot san ih a rak si zo bangtukin a si ve ding. Zozo khal zu an in, sa an ei; thil an lei, thil an zuar; thlai an ciing ih inn an sak.Ref 17.28-29 Sem 18:20-19:25;
29 Lot in Sodom a tlansan ni ah van ihsin meisa le kaat ruahpi bangin a rung sur ih mi hmuahhmuah an thi òheh.
30 Milai Fapa a rung lang ni ahcun cuvek in a si ve ding.
31 Cuih ni ahcun a inn diphun ih a umtu cun a innsung ih a ummi thilri la dingah òum hlah seh. Cuvek thotho in lo ih a rak umtu cu inn ah tlung hlah seh.Ref 17.31 Mat 24:17-18; Mar 13:15-16;
32 Lot ih nupi kha nan ciing lai maw?Ref 17.32 Sem 19:26;
33 Zokhal amah ih nunnak hum a tumtu cu a nunnak a sung ding; a nunnak a liamtu cun a nunnak a hum ngah ding.Ref 17.33 Mat 10:39, 16:25; Mar 8:35; Luk 9:24; Joh 12:25;
34 Thungai in ka lo sim: Cuih zan ah ihkhun pakhat ah mi pahnih an it tlang ding; pakhat cu a lak dingih pakhat cu a tanta ding.
35 Nunau pahnih sum an deng tlang ding; pakhat cu lak hlo a si dingih pakhat cu tanta a si ding,” tiah a ti.
36 (“Mi pahnih lo ah hna an òuan tlang ding: Pakhat cu lak hlo a si dingih pakhat cu tanta a si ding,” tiah a ti.)
37 Dungthluntu pawl cun, “ Bawipa, khuitawkah so?” tiah an sut.
Jesuh in, “Ruak a umnak hmun ahcun langta an khawm aw ding,” tiah a sim.