14
Jesuh In Minapa A Damter
1 Veikhat cu Sabbath ni ah Jesuh cu Farasi hotu lakih pakhat ih inn ah rawl zawh dingin a feh; cule misenpi cun òha tein an rak thlir ringring.
2 Mi pakhat a kut le a ke a thling thluhmi mina cu Jesuh hnenah a ra ih,
3 Jesuh in Daanthiam pawl le Farasi mi pawl kha, “Kan Daan in Sabbath ni ah mina damter ding a on maw on lo so?” tiah a sut.
4 Sikhalsehla annih cun zianghman an òong lo. Jesuh in minapa cu a hruai ih a damter ih a thlah.
5 Cule Jesuh in an hnenah, “Nanmah lakah mi pakhat cu a fapa maw a caw si maw Sabbath ni ah tikhur sungah tla pang sehla Sabbath ni a si ruangah suah lo in maw nan um ding?” tiah a sut.Ref 14.5 Mat 12:11;
6 Hi thu ah zianghman an sawn thei lo.
Khualòhatnak Le Lungnemnak
7 Rawl zawhnak hmunah mi òhenkhat pawl in tonak òha bik an hril òheu kha Jesuh in a hmuh ruangah hi tahòhimnak hi an zate hnenah a sim:
8 “Mopuai ah an lo kawh asile tonak òha bik cuh hlah uh. Nangmah hnakih mi upa sawn an sawm khal a si thei;Ref 14.8-10 Thuf 25:6-7;
9 nan pahnih a lo sawmtu inntekpa in na hnenah ra tahrat in, ‘Na tonak hi kian aw,’ tiah a lo tiih hmun niam bik ih na vung tosal tikah cun na ning a zak zet ding.
10 Cuhnak cun an lo sawm tikah hmun niam bik ah va to awla a lo sawmtu inntekpa a ra dingih, ‘Ka rual, tonak òha deuh ahhin hung to aw,’ tiah a lo ti ding. Cutikah sawmmi misenpi hmaiah mithmai òha na ngah ding.
11 Ziangahtile amah le amah a uang awtu cu minauta ah tuah a si dingih, lungnem tangdor ih a umtu cu hmaizahnak ngahtu upa ah a cang ding,” tiah a ti.Ref 14.11 Mat 23:12; Luk 18:14;
12 Cule Jesuh in inntekpa hnen ahcun, “Thaithawh siseh, zanriah siseh, ei tlang dingih mi na sawm tikah na rualpi pawl, na unau pawl, asilole na sungkhat pawl le na innhnen milian pawl kha va sawm hlah; ziangahtile annih pawl cun nangmah kha an lo sawm thei leh ve dingih na thil tuahmi kha an lo samsal thei ding.
13 Sikhalsehla rawl na daar tikah farah zonzai pawl, a zengmi pawl, ke awl pawl le mitcaw pawl kha va sawm hai aw;
14 annih pawl cun an lo samsal thei lo ding hrangah malsawm dongtu na si ding. Miòha pawl thihnak ihsin an thawhsal ni ah Pathian in a lo samsal leh ding a si,” tiah a ti.
Rawldarnak Puai Thawn Tahòhimnak
(Mat 22:1-10)
15 Cuih thu cu rawl einak cabuai ih an sawm vemi pakhat in a theih tikah Jesuh hnen ahcun, “Pathian Uknak sung rawldarnak puai ih a telmi pawl cu an lung a va awi ding so!” tiah a ti.
16 Jesuh in cupa hnen ahcun, “Veikhat ah mi pakhat a um ih rawldarnak puai tumpi a tuah ih mi tampi a sawm.
17 Rawl ei caan a cut tikah a sawm cia mi pawl hnenah a hnenum a thlah. ‘Ra thlang uh, ziang hmuahhmuah timtuah a si zo,’ tiah a ti.
18 Sikhalsehla pakhat hnu pakhat ‘Ka man lo,’ tiin puhmawh ding an hawl fingfing. Pakhat pa in ‘Lo pakhat ka lei ih ka va zohta a òul a si. I rak ngaithiam aw,’ tiah hnenumpa cu a ti.
19 A dang pakhat pa in ‘Cawcang khuah nga ka lei ih atu ah an òha maw òha lo ka hniksak ding. I rak ngaithiam hram aw,’ a ti ve.
20 A dang pakhat pa in ‘Tubai teah nupi ka òhi ngelcel ih ka ra thei lo ding,’ a ti lala.
21 Hnenumpa cu a kir ih cuih thu pawl cu a bawipa ih hnenah a sim òheh. A bawipa cu a ai a thok ih a hnenumpa hnen ahcun, ‘Zamrang zet in khuasung lamzinpi le innlak zinte ah va feh awla mifarah, mizonzai, kutzeng kezeng, mitcaw le ke awl pawl rak hruai aw,’ tiah a fial.
22 Rei lo teah hnenumpa cun ‘ Bawipa, na thu pekmi vekin ka tuah òheh zo; asinain umnak tampi a lawng lai,’ tiah a ti.
23 Curuangah a bawipa cun, ‘Khua pakhat le pakhat karlak lamzinpi le lamzinte hmuahhmuah ah va feh awla ka inn a khah òheh hlan lo mi rak hruai hai aw.
24 Fiang tein ka lo sim: Ka rak sawm cia mi pawl sungin zohman in ka zanriah daarmi an tep lo pei,’ a ti,” tiah a sim.
Dungthluntu Si Man Harnak
(Mat 10:37-38)
25 Veikhat ah mi tam zet in Jesuh cu an thlun vivo lai ah an lamah Jesuh cu a her ih,
26 “Zokhal siseh, ka hnenah a ra ih a nu le pa, a nupi le faate pawl, a unau le a farnu pawl le amah le amah khal keimah hnakih a duh deuh a si ahcun ka dungthluntu a si thei lo ding.Ref 14.26 Mat 10:37;
27 Zokhal sisehla amah ih thinglamtah phur tahrat in ka dungih i thlun lotu cu ka dungthluntu a si thei lo ding.Ref 14.27 Mat 10:38, 16:24; Mar 8:34; Luk 9:23;
28 “Nanmah lakah pakhatkhat in inn saangpi sak a tum a si ahcun hmaisabik ah to ta ciamciam in a inn sak òhehnak dingah tangka kim tein a neih le neih lo kha a tuak òhehta a si lo maw?
29 Cutiin a tuak òheh hmaisa lo a si ahcun a hnaòuan dingmi cu a thok ngah hnuah sak òheh lo in a tang dingih a rak hmutu hmuahhmuah in an hnihsan ding.
30 ‘A hei thok ve nain a òheh thei si lo!’ an ti ding.
31 “Ralkap thawnghra a neimi siangpahrang pakhat in siangpahrang dang pakhat ralkap thawngkul thawn amah do dingih a rami kha, a do tum a si ahcun hmaisabik ah to ciamciam in cuih siangpahrang dang do theinak ding thazang a neih le neih lo a ruat hmaisa a òul a si.
32 Do theinak thazang a neih lo a si ahcun cuih siangpahrang dang hnenah, lam hlapi ih a um lai ah, remnak tuah dingah a palai pawl a thlah ding a si.
33 Cuvek thotho in nannih tla nan neihmi hmuahhmuah nan tanta lo ahcun keimah ih dungthluntu nan si thei lo pei,” tiah Jesuh in a sim.
Man Nei Lo Cite
(Mat 5:13; Mar 9:50)
34 “Cite cu a òha zet, asinain a alnak a ziam asile altersal ngaihnak a um nawn lo.
35 Leilung hrangah san a tlai lo ih dawm hrang hmanah a òhahnem nawn lo. Alak ih hlonhlo ding men a si thlang. Hi thu hi theihnak hna a neitu in thei uh,” tiah Jesuh in a ti.