13
Nan Nundan Òhin Uh
1 Culai ahcun mi òhenkhat in Jesuh hnenah, Galilee mi pawl in Pathian hnenih thawinak an pek laifangah Pilat ih a thahmi pawl thu kha an sim.
2 Jesuh in an hnenah, “Cuih Galilee mi pawl cutiih thah an si ruangah midang Galilee mi hnakin an sual sawn, tiah nan ruat maw si?
3 An sual deuh cuang lo! Fiang tein ka lo sim: Nan sual nan sir ih nan nundan nan òhin lo ahcun anmah vekin nan thi òheh ve ko ding.
4 Siloam hmunih donhleisang a tluuk tikah minung hleiriat a nenthatmi pawl thu kha teh ziangtinso nan ruat? Cutiih an thih ruangah Jerusalem ih a ummi midang pawl hnakin an sual cuang a si, ti a langter tiah nan ruat maw si?
5 A si hrimhrim lo! Fiang tein ka lo sim: Nan sual nan sir ih nan nundan nan thleng lo ahcun anmah vekin nan thi òheh ve ding,” tiah a ti.
A Rah Lomi Theipi Kung Tahòhimnak
6 Jesuh in an hnenah hitiin tahòhimnak a sim: “Hlanlai ah mi pakhat in a hmuan sungah theipi kung pakhat a ciing. A rah le rah lo a va zoh òheu ih a rah a hmu dah lo.
7 Curuangah hmuan kiltu hnenah, ‘Zoh hnik, hi theipi hi! Kum thum tiang rori a rah maw rah lo, tiah ka ra veh òheu nain a rah zianghman ka hmu lo. Hau mai aw! Ziangahso leiram òha a ei rero ding?’ a ti.
8 Sikhalsehla hmuan kiltu in ‘Bawipa, kum khatte cu zuah hrih ko aw! A kimvel in leilung ka lai dingih dawm ka burh hrih ding.
9 Cule a hnakum ah rah a rah asile lungawiza a si ding; a rah thotho lo asile hauter leh siseh, ’ a ti,” tiah a sim.
Sabbath Ni Ah Nunau A Damter
10 Veikhat ah Sabbath ni ah Jesuh in sinakok ah thu a zirh.
11 Cutawkah khawsia ih polhmi nunau pakhat a um. Cuih khawsia cun kum hleiriat sung a ngorter; a el tla a kuun òheh ih ding tein a um thei hrimhrim lo.
12 Cunu cu Jesuh in a hmuh tikah a hei auh ih, “Nunaunu, na natnak ihsin na luat zo!” tiah a ti.
13 A parah a kut a suang ih hmakhat teah ding tein a um thei ih Pathian kha a thangòhat.
14 Sinakok kiltu upa pakhat cu Sabbath ni ah Jesuh in mi a damter ruangah a thin a heng ih mipi hnenah a òong ih, “Hnaòuannak dingah ni ruk a um; cuih ni ruk sungah cun ra uhla damter aw uh; Sabbath ni ahcun si hlah seh,” tiah a ti.Ref 13.14 Suah 20:9-10; Daan 5:13-14;
15 Cutikah Bawipa in, “Titer aw pawl! Zokhal si uhla Sabbath ni ah nan caw le nan laak pawl an hri nan phoih ih tidai innak ah nan fehpi ciar a si.
16 Atu hitawk ahhin Abraham tesinfa Satan in kum hleiriat sung òemhrennak a tuartu a um; anih hi a òemhrennak ihsin Sabbath ni ah luatter a si lo ding maw?” tiah a ti.
17 A thulehnak cun a ral pawl cu an ningzak ko in a tuah; cule mipi pawl cu khawruahhar thil tampi a tuah ruangah an lung a awi ngaingai.
Anòam Ci Tahòhimnak
(Mat 13:31-32; Mar 4:30-32)
18 Jesuh in, “Pathian Uknak cu ziangbangtuk so a si? Ziang thawn so ka òhim ding?
19 Mi pakhat in anòam ci a lak ih a lo sungih a vorhmi bangtuk a si. A vorhmi cu a kho, a òhangih thingkung ah a cang ih a òek parah vate tla in bu an tuah a si,” tiah a sim.
Thilnu Tahòhimnak
(Mat 13:33)
20 Cule Jesuh in, “Pathian Uknak cu ziang thawn so ka tahòhim ding?
21 Nunau pakhat in thilnu malte a lak ih sangphut bawm khat sungah a phulh ih sangphut cu a zate in a thoter òhehtu thilnu bangtuk cu a si,” tiah a ti.
A Fiakmi Sangka
(Mat 7:13-14, 21-23)
22 Jesuh cu Jerusalem lam pan ih a feh lai ah khua pakhat hnu pakhat pal phahin thu a zirh vivo.
23 Mi pakhat in, “ Bawipa, runnak a ngahtu hi mi malte lawng maw an si ding?” tiah a sut.
Jesuh cun hitiin a let.
24 “A fiakmi sangka ihsin luh zuam uh; ziangahtile mi tampi in cuih sung luh cu an zuam rero ding nain an ti thei lo ding.
25 Inn neitu bawi a pok dingih sangka cu a khar ding; cule a lengah ding in sangka cu nan king dingih ‘ Bawipa, sangka in rak on hram aw,’ nan ti khalle ‘Khuitawk ihsin nan rat ka thei lo,’ a lo ti ding.
26 Cule nannih in, ‘Nangmah thawn rawl kan ei tlang ih tidai khal kan in tlang a si kha! Kan khuasung ah tla thu in zirh rero kha!’ tiah nan ti ding.
27 Sikhalsehla anih cun ‘Khuitawk ihsin a rami nan si ka thei lo. Nannih miòha lo pawl, ka hnen ihsin tlan òheh uh,’ tiah a lo ti ding.Ref 13.27 Saam 6:8;
28 Nannih pawl cu a lengah hlonhlo nan si dingih Abraham, Isaak le Jakob le profet hmuahhmuah tla cu Pathian Uknak sungih an um kha nan hmu lai ding; cutikah nannih cu nan òap nan raak dingih nan hacang nan rial ciamco ding a si.Ref 13.28-29 Mat 22:13, 25:30;
29 Nisuahlam le nitlaklam in siseh, saklam le thlanglam khalin siseh, mi an ra dingih Pathian Uknak rawl ei puai ah an tokhawm ding.
30 Cutikah cun atu ih a netabik hi hmaisabik an si dingih hmaisabik hi netabik an si leh ding,” tiah a ti.Ref 13.30 Mat 19:30, 20:16; Mar 10:31;
Jesuh In Jerusalem A Duhdawt
(Mat 23:37-39)
31 Cuih caan ah Farasi mi òhenkhat pawl Jesuh hnenah an ra ih, “Herod in thah a lo duh ruangah hitawk in suak awla hmundang ah feh aw,” tiah an ti.
32 Jesuh in an hnenah, “Va feh uhla cuih cinghnia pa cu ‘Tuih sun le thai sun cu khawsia pawl ka dawisuak pei ih mina pawl ka damter lai ding. Cule a ni thumnak ah ka hnaòuan cu ka òheh ding a ti,’ tiah va sim uh.
33 Curuangah tuih sun, thai sun le tipsun cu ka feh vivo hrih ko ding. Jerusalem khuasung siar lo hmundang ah profet thah ding cu a cang lo a si.
34 “Maw Jerusalem, Jerusalem! Profet pawl na that ih na hnenah Pathian in palai a tirhthlahmi pawl tla lungto in na deng. Arpi in a thla hnuai ah a faate pawl a huh vekin na minung pawl cu vei tampi ka kut in hum ka duh nain in sen dah lo!
35 Curuangah nan Biakinn cu hmun òhing ah a cang ding. Fiang tein ka lo sim: ‘ Bawipa ih hmin in a rami cu Pathian in thluasuah hram seh,’ tiah nan sim thei caan a thlen hlan cu ka hmel in hmu nawn lo ding a si,” tiah a ti.Ref 13.35 Saam 118:26; Jer 22:5;