11
Jesuh In Thlacam Daan A Zirh
(Mat 6:9-13; 7:7-11)
1 Nikhat ah Jesuh cu hmun pakhat ah thla a cam. A òheh tikah a dungthlun lakih pakhat in, “ Bawipa, Johan in a dungthlun pawl thlacam a zirh vekin thlacam in zirh ve aw,” tiah a ti.
2 Jesuh in an hnenah, “Thla nan cam tikah hitiin nan ti pei:
‘Kan Pa,
Na hmin thianghlim cu upat si ko seh,
Na Uknak thleng hram seh.
3 Nitin kan òulmi rawl in pe aw.
4 Kan parih sualnak a tuahtu pawl
kan ngaithiam bangin,
kan sualnak in ngaithiam ve aw.
A harmi hniksaknak ah
in thlengter hlah aw,’
tiah nan ti pei,” tiah a ti.
5 Cule Jesuh in a dungthlun pawl hnenah, “Thuòhimnak ah nanmah lakih pakhat in na rualpi inn ah zanòim ah feh tahrat in ‘Ka rual, sang hlom thum in i coih hram aw.
6 Ka rualpi pakhat khualtlawnnak ihsin ka inn a ra thleng ih rawl pek ding zianghman ka nei lo,’ tiah na va ti.
7 Cule thuòhimnak ah a innsung ihsin na rualpi cun ‘I hnaihnok hlah. Sangka ka khar zo ih ka faale thawn kan it zo; thil pe dingin ka tho paih nawn lo,’ tiah ti bang sehla,
8 ziangtinso na tuah ding? Thungai in ka lo sim: A rualpi na si ruangah hung tho in na dilmi sang cu lo pe lohli lo hmansehla ningzak lo in na dil rero hrat ahcun a tho pei ih na òulmi cu a lo pe ko ding.
9 “Curuangah hitiin ka lo sim: Dil uh, nan ngah ding; hawl uh nan hmu ding; king uh, nan hrangah sangka on a si ding.
10 Ziangahtile a diltu hmuahhmuah in an ngah ding, a hawltu cun an tong dingih a kingtu hrangah sangka cu on sak a si ding.
11 Nannih pale pawl lakah na fapa in ngasa lo dil sehla rul a petu nan um pei maw?
12 Asilole arti a dil tikah varngen-meipir a petu nan um pei maw?
13 Miòha lo nan si ko nain nan faale hnen ahcun thil òha pek nan thiam a si ahcun vancung nan Pa in ziangtlukin so a diltu hnenah Thlarau Thianghlim cu a pek sinsin ding!” tiah a ti.
Jesuh Le Beelzebul
(Mat 12:22-30; Mar 3:20-27)
14 Jesuh in òong thei lo mipa hnenih ramhuai pakhat a dawisuak; cutiih a dawisuak hnuah a polhmipa cu a òong thei. Cule misenpi cu an mang a bang ngaingai.
15 Asinan mi òhenkhat cun, “Hitiih ramhuai pawl a dawi theinak cu ramhuai uktu bawi Beelzebul in huham a pek ruangah a si,” tiah an ti.Ref 11.15 Mat 9:34, 10:25;
16 Midang pawl in Jesuh sualnak hawl an duh ve; curuangah, “Pathian ih lungkim mi na si le si lo theihnak ah hmuhsaknak tuah aw,” tiah an fial.Ref 11.16 Mat 12:38, 16:1; Mar 8:11;
17 Sikhalsehla Jesuh in an ruahnak kha a thei ih an hnenah, “Ram pakhatkhat òhen tampi ah a òhen aw ih òhenkhat le òhenkhat a do aw mi ram cu rei a awh lo ding; a rem aw lomi innsang cu an òhenòhek aw òheh a si.
18 Cubangtuk òhiamòhiam in Satan uknak sung khalah bu tampi ah um in bu khat le bu khat an do awk le ziangtinso cuih Satan uknak cu rei a awh thei ding? ‘Beelzebul in huham a lo pek ruangah ramhuai na dawi thei,’ tiah in ti.
19 Cuti vekin Beelzebul ruangah ramhuai ka dawi thei ngai ti bang sehla, nanmah a lo thluntu pawl in teh ziangtinso ramhuai an dawi thei? A lo thluntu pawl lala hi nanmah parih thuòhentu an si ding.
20 Sikhalsehla kei cun Pathian cahnak thawn ramhuai ka dawi thei a si sawn; cutiin a si ruangah Pathian Uknak cu nan hnenah a ra thleng zo, ti a lang a si.
21 “Mi cak zet pakhat in a hriamnam neihmi hmuahhmuah thawn a inn a kilven ahcun a thilri pawl cu an him.
22 Sikhalsehla a cak deuh sawn pa in cupa cu a do ih a neh ahcun a rinsan zetmi a hriamnam pawl cu a long òheh ih a lonmi thilri pawl cu mi a zemdarh òheh a si.
23 “Keimah i òan lotu hmuahhmuah cu i dodaltu an si; a khawm i bawm lotu hmuahhmuah cu a ti darhdaitu sawn an si,” tiah a ti.Ref 11.23 Mar 9:40;
Thlarau Siava A Ra Kirsal
(Mat 12:43-45)
24 “Thlarau pakhat cu mi pakhat sung ihsin a suah tikah colhnak hmun hawl in ramcar le ramòhing ah a vak vivo. Colhnak hmun a ton lo tikah ‘Ka tlansan zomi ka inn ah ka kirsal ding,’ tiah amah tein a ruat.
25 Cuticun a kirsal ngaingai tikah a inn cu fai zet le umnak dingah duhnungza zet in a va hmu.
26 Cuih hnuah a feh ih amah hnakih a siava deuhmi ramhuai pasarih a va sawm ih cutawkah an ra um. Cule a netnak ahcun cupa cu a hlan hnakin a besia sinsin a si,” tiah a ti.
Thluasuahnak Taktak
27 Jesuh in hi thu a sim òheh tikah misenpi lakih nunaunu pakhat in Jesuh cu, “A lo hringtu le a lo tuamhlawmtu nunau cu mi thluasuak a va si so!” tiah a ti.
28 Jesuh cun, “Pathian thu a thei ih a thlun taktaktu pawl cu mi thluasuak an si sawn,” tiah a ti.
Hmuhsaknak Tuah Ding An Ngen
(Mat 12:38-42)
29 Mitampi in Jesuh cu an pan ih an fuuk cupco lai ah Jesuh in, “Tuih san minung hi an va òha lo so! Hmuhsaknak tuah sak ding an dil, sikhalsehla Jonah hmuhsaknak siar lo hmuhsaknak dang zianghman tuah sak an si lo ding.Ref 11.29 Mat 16:4; Mar 8:12;
30 Profet Jonah cu Nineveh minung pawl hrangah hmuhsaknak a rak si bangtukin Milai Fapa hi tuih san minung pawl hrangah hmuhsaknak a si ve ding.Ref 11.30 Jon 3:4;
31 Thuòhen Ni ah Siangpahrang nu Sheba cu a tho dingih tuih san minung pawl hi sual a puh ding, ziangahtile Siangpahrang Solomon fimnak thuzirhmi ngai dingah lamhlapi ihsin a ra thleng; asinain thungai in ka lo sim: Solomon hnakih tum sawn hinah a um.Ref 11.31 2 Siang 10:1-10; 2 San 9:1-12;
32 Thuòhen Ni ah Nineveh khuasung mi pawl an tho dingih sual an lo puh ding, ziangahtile Jonah in an hnenih thu a sim lai ah an sualnak an sir aw a si; thungai in ka lo sim: Jonah hnakih tum sawn hinah a um a si.Ref 11.32 Jon 3:5;
Taksapum Tleunak
(Mat 5:15; 6:22-23)
33 “Zohman in mei-inn vang tahrat in an thup dah lo, asilole kho an khuh dah keel lo; mei-inn vannak tung parah an ret ih cuticun a ra luttu pawl in khua òha tein an hmu a si.Ref 11.33 Mat 5:15; Mar 4:21; Luk 8:16;
34 Nan mit tla cu nan ruangpum hrangah mei-inn bangtuk a si. Nan mit a fim ahcun nan pumpuluk in a tleu ding, asinain nan mit a òhat lo ahcun nan pumpuluk in a thim òheh ding.
35 Cuti a si ruangah nan sungih tleunak hi thimnak a sisal lonak dingah ralring uh.
36 Nan taksa pumpuluk cu malte hman thimnak sungah um lo in a tleu òheh a si ahcun mei-inn in nan taksa a tlet vekin a tleu zet ding a si,” tiah a ti.
Farasi Le Daanthiam Pawl A Mawhthluk
(Mat 23:1-36; Mar 12:38-40)
37 Thu a sim òheh tikah Jesuh cu Farasi mi pakhat in rawl ei a sawm; cuhrangah Jesuh cu a feh ih rawl ei dingah a to.
38 Jesuh cu rawl a ei hlanih a kut a kholh lo kha Farasi pa cun a hmuh tikah a lau ngaingai.
39 Cutikah Bawipa in a hnenah, “Nannih Farasi pawl cun nan khuat le pakan pawl a lenglam lawng nan kholhfai òheu, asinain nan sunglam cu duhhamnak le òhat lonak in nan khahter a si.
40 Mi-aa pawl! A lenglam a tuahtu Pathian in a sunglam tla a tuah a si lo maw?
41 Curuangah nan khuat le nan pakan pawl sungih a ummi kha mifarah pawl pe uhla ziang hmuahhmuah nan hrangah a thiang ding a si.
42 Farasi pawl, nan hmakhua a va pit so! Hanghnah hangrah sungin puòinan le remhmui le aithing le a dangdang tla cu òhenhra òhenkhat nan pek ko nain dingnak le Pathian duhdawt ding cu nan daithlan. A dang khal daithlang cuang lo in hi pawl cu nan tuah dingmi an si.Ref 11.42 Pui 27:30;
43 Farasi pawl, nan hmakhua a va pit so! Sinakok ah tohkham ret sak cia mi parih to cu nan duh tuk lawmmam ih sumdawrnak tluan ih upatnak an lo pek tla cu nan sunsak bik.
44 Nan hmakhua a va pit so! Nannih cu hminsinnak a nei lomi thlan, mi in an theih thiam lo ruangah an pal òheumi thlan bangtuk nan si,” tiah a ti.
45 Cutikah Daanthiam saya pakhat in, “Sayapa, hitiih na òong tikah kannih khal in hmuhsuam ve a si!” tiah a ti.
46 Jesuh in, “Daanthiam saya pawl, nannih hrang tla ah nan hmakhua a pit a si! An phurh thei lo ding thilrit khi mi ih zaang parah nan suang ih nanmah cun phurh bawm dingah nan kut zimte hman nan suah zuam lo.
47 Nan hmakhua a pit a si! Nan pupa pawl ih an rak thahmi profet pawl hrangah thlan òhaòha nan tuah.
48 Cuticun nan pupa pawl ih thil tuahmi cu nan lungkimpi a si, ti nan langter; annih in profet pawl an that ih nannih in an thlan nan tuah.
49 Curuangah Pathian ih Fimnak in ‘An hnenah profet le tirhthlah pawl ka thlah ding; òhenkhat an that dingih a òhen an hrem ding,’ a ti.
50 Cuti a si ruangah tuih san mi pawl hi leilung hramthok ihsin profet pawl an thah ruangah hrem an si ding.
51 Fiang tein ka lo sim: Abel thah a tuarnak ihsin thokin biakòheng le Hmun Thianghlim karlak ih an thahmi Zekhariah tiang, thisen a suah ruangah tuih san mi pawl in hrem an tuar ding a si.Ref 11.51 Sem 4.8; 2 San 24:20-21;
52 Nannih Daanthiam saya pawl, nan hmakhua a va pit so! Fimnak inn luhnak sangka tawhfung cu nan keng; cule nanmah nan lut duh lo ih tlunah luh a duhmi pawl nan kham fawn a si,” tiah Jesuh in a ti.
53 Cutawk ihsin Jesuh cu a feh tikah Daanthiam saya pawl le Farasi pawl in nasa zet in an engtai ih thil tampi thu ah thu tampi an sut;
54 pakhatkhat òong sualmi a neih ahcun amah ih òong lala ih awk aw dingin thu tampi an suhnak cu a si.