10
Sawmsarih Le Pahnih A Thlah
1 Cuih hnuah Bawipa in midang sawmsarih le pahnih a hril ih amah a fehnak ding khuakip le hmunkip ahkhan pahnih, pahnih in a rak thlah sung.
2 An hnen ahcun, “Rawl khawm ding a tam zet nain a khawmtu ding an malte a si. Curuangah rawl khawmtu ding tam sinsin a thlahnak dingah lo neitu hnenah thlacam uh.Ref 10.2 Mat 9:37-38;
3 Va feh uh! Cinghniarual lakih tuufaate thlahmi bangin ka lo thlah hai a si.Ref 10.3 Mat 10:16;
4 Cutiih nan feh tikah paisa bawm siseh, zaal siseh, kedam siseh, keng hlah uh; lamzin ih nan tonmi pawl biak dingah cawlta hlah uh.Ref 10.4-11 Mat 10:7-14; Mar 6:8-11; Luk 9:3-5;
5 Inn pakhatkhat sungih nan va luh tikah a hmaisabik ah, ‘Hi inn sungah daihnak um hram seh,’ tiah va ti uh.
6 Daihnak a duhtu a si ahcun daihnak na parah um hram seh, tiah cibai nan buknak cu a parah a umta ding; cuti a si lo ahcun nan hnenah daihnak cu kirsal seh.
7 Cuih inn ahcun um uhla an lo pekmi poh kha in uhla ei uh; ziangahtile hnaòuantu in a hlawhman cu a ngah a òul a si. Inn pakhat ihsin inndang ah òhawn duldo hlah uh.Ref 10.7 1 Kor 9:14; 1 Tim 5:18;
8 Khua pakhat nan thlen ih tlun inn an lo on a si ahcun an lo pekmi pohpoh cu ei uh;
9 cuih khuasung ih mina pawl tla damter uhla cuih khuami pawl cu, ‘Pathian Uknak a nai zo,’ tiah sim uh.
10 Sikhalsehla khua pakhat nan thlen ih an lo tlunter lo asile khuasung lamzin ah feh uhla,Ref 10.10-11 Tirh 13:51;
11 ‘Kan ke ih a kopmi nan khua ih leivut khal nanmah engtainak ah kan thingfai òheh a si. Asinan Pathian Uknak cu nan kiangah a ra thleng zo, ti ciing ringring uh,’ nan ti pei.
12 Thungai in ka lo sim: Thuòhennak Ni ah cuih khuami hnakin Sodom khuami hnenah Pathian in zangfahnak a nei sawn ding,” tiah a ti.Ref 10.12 Sem 19:24-28; Mat 11:24, 10:15;
A Zum Lotu Khua Pawl
(Mat 11:20-24)
13 “Maw Khorazin khua, na hmakhua a va pit so! Maw Bethsaida khua, na hmakhua a va pit so! Na sungih mangbangza ka tuahmi pawl hi Òaiar khua le Sidon khua ah tuah rak sisehla, cuih khuasungmi pawl cun an sualsir langternak dingah buri hnipuan hrukin vutcam an phulhawknak a reipi zo ding!Ref 10.13 Isa 23:1-18; Ezk 26:1-28:26; Joe 3:4-8; Amo 1:9-10; Zek 9;2-4;
14 Thuòhennak Ni ah Pathian in nang hnakin Òaiar le Sidon khuami pawl parah zangfahnak tam sawn a nei ding.
15 Cun nang Kapernaum khua! Van tiangih hlirsan awk na duh maw si? Hell sungah hlon na si ding!” tiah a ti.Ref 10.15 Isa 14:13-15;
16 Cule Jesuh in a dungthluntu pawl hnenah, “Nan thu a ngaitu pawl cu ka thu a ngaitu an si. A lo hnongtu cu keimah i hnongtu an si. Cule keimah i hnongtu cun keimah i thlahtu khal an hnong a si,” tiah a ti.Ref 10.16 Mat 10:40; Mar 9:37; Luk 9:48; Joh 13:20;
Sawmsarih Le Pahnih An Kir
17 Sawmsarih le pahnih thlahmi pawl cu lungawi zet in an ra kirsal ih, “ Bawipa, na hmin in ramhuai pawl kan dawi tikah kan thu an ngai a si,” tiah an ti.
18 Cutikah Jesuh in, “Nimthlakau bangin vancung ihsin Satan a tlak kha ka hmu.
19 Ngai uh! Huham neihnak ka lo pe hai: Rul le varngen-meipir pawl parah nan feh thei ding; nan ral neh theinak huham khal ka lo pe ih zianghman in a lo tuahmawh thei lo ding.
20 Sikhalsehla thlarau òha lo in nan thu an ngai ruangah nan lungawi hlah uh; nan hmin vancung ih ngan cia a si ruangah nan lungawi sawn uh,” tiah a ti.
Jesuh A Lung A Awi
(Mat 11:25-27; 13:16-17)
21 Cutikah Jesuh cu Thlarau Thianghlim in lungawinak thawn a khatter ih, “Maw ka Pa, lei le van ih Bawipa, mifim le mithiam pawl hnenih sim dah lomi thil cu fimthiamnak a nei lomi hnenah na langter ruangah na parah ka lung a awi. A si ka Pa, hitiih a cangmi hi na duh zawng ih a cangmi a si.
22 “Ka Pa in ziang hmuahhmuah ka hnenah i pe zo. Fapa hi zo a si, ti Pa siar lo zohman in an thei lo; cule Pa hi zo a si, ti khal Fapa le, Pa ih thu Fapa in an hnenih a phuan cia mi pawl siar lo zohman in an thei lo,” tiah a ti.Ref 10.22 Joh 3:35, 10:15;
23 Cule Jesuh cu a dungthluntu pawl lamah a her ih anmah lawng ih theih dingin, “Nan hmuhmi thil pawl nan hmuh hi ziangtluk vannei so nan si!
24 Fiang tein ka lo sim: Profet tampi le siangpahrang tampi in nan hmuhmi hi hmuh ve an duh nain an hmu thei lo; theih ve an duh nain an thei ngah lo a si,” tiah a ti.
Samaria Miòha Tahòhimnak
25 Daanthiam saya pakhat a ra ih a sualnak hawl dingin Jesuh hnenah, “Sayapa, kumkhua nunnak ka ngah theinak dingah ziangso ka tuah ding?” tiah a sut.Ref 10.25-28 Mat 22:35-40; Mar 12:28-34;
26 Jesuh in, “Ca Thianghlim in ziangtinso a ti? A timi cu na pomdan ziangtinso a si?” tiah a ti.
27 Cupa cun, “ Bawipa na Pathian cu na thinlung hmuahhmuah, na nunnak hmuahhmuah, na cahnak hmuahhmuah le na ruahnak hmuahhmuah thawn na duhdaw pei ih na innhnen cu nangmah na duhdawt awk vekin na duh hai ve pei, a ti,” tiah a ti.Ref 10.27 Pui 19:18; Daan 6:5;
28 Cutikah Jesuh in, “Na simmi cu a dik a si; cubangtuk in va tuah awla na nung ding,” tiah a sawn.Ref 10.28 Pui 18:5;
29 Sikhalsehla Daanthiam pa cun amah le amah thiamcoter awk a duh ruangah Jesuh kha, “Zoso ka innhnen cu a si?” tiah a sut.
30 Cutikah Jesuh in, “Veikhat ah mi pakhat cu Jerusalem ihsin Jerikho ah a vung feh. Cutiih a feh lai ah damiah pawl in an kai ih a hnipuan an hlit hnuah thi zik tein an thawi ih an tlansan.
31 Culai ah puithiam pakhat cu cuih lamzin ah a vung feh ngelcel; asinain cupa a hmuh tikah khatlam kam in a hrial ih a fehsan.
32 Cuvek òhiamòhiam in Levi mi pakhat khal a va feh ve ih minapa cu a hei zohhliahta ih khatlam kapin a hrial ih a fehsan ve.
33 Asinan Samaria mi pakhat cu cutawk lamzin ah khual a tlawng ve ih cuih minapa hnen a thleng ih a hmuh tikah a zangfah ngaingai.Ref 10.33-34 2 San 28:15;
34 A hei fuuk ih a hma cu siti le sabitti a hnih ih òha tein a tuam sak. Cule a hruaimi rannung parah toter in khualbuk ah a fehpi ih cunah òha tein a tuamhlawm.
35 A thai sun ah ngun tangka fanghnih a suah ih riahbuk kiltupa cu a pek ih, ‘Hi pa hi òha tein run tuamhlawm awla hi lam ih ka ra kirsal tikah hi pa na zohnak hrangih na cemmi hmuahhmuah cu ka lo ruulsal thluh ding,’ a ti,” tiah a sim.
36 Cuih hnuah Jesuh in, “Damiah ih an kaihmipa ih innhnen cu himi pathum lakah hin zo hi so a si, tiah na ruat?” tiah a sut.
37 Daan zirhtu saya in, “Amah a zangfahtu pa hi a si,” tiah a let.
Jesuh in, “Feh awla cubangtuk in va tuah ve aw,” tiah a ti.
Martha Le Mari Hnenah Jesuh A Leeng
38 Jesuh le a dungthluntu pawl cu khual an tlawng vivo ih khua pakhat an thleng. Martha timi nu in Jesuh cu a inn ah a tlunter.Ref 10.38-39 Joh 11:1;
39 Martha ih naunu cu Mari a si. Mari cu Jesuh ih kehram ah a to ih a thusimmi kha a ngai.
40 Martha cu hnaòuan tampi nei in a buai ih a thin a òeu ruangah Jesuh hnenah, “ Bawipa, ka naunu in hnaòuan hmuahhmuah i tun òheh hi na poisa lo maw si? Sim aw, i ra bawm seh!” tiah a ti.
41 Cutikah Jesuh in, “Martha, Martha! Nang cu thil tampi parah helhkam le awloksong in na um;
42 a òul ngaingaimi cu pakhat lawng a si. Cumi cu Mari in a hril ngah ih zohman in an long nawn lo pei,” tiah a ti.