24
Ral Pawl In Judah An Neh
1 Jehoiakim Judah siangpahrang a si lai ah Babilon siangpahrang Nebuchadnezzar in Judah ram cu a do ih kum thum sung Nebuchadnezzar kuthnuai ah a um. Cuih hnuah ral a tho.Ref 24:1 Jer 25:1-38; Dan 1:1, 2;
2 Asinan Bawipa in Babilon mi, Siria mi, Moab mi le Ammon mi pawl cu Jehoiakim do dingah le Judah ram siatsuah dingah a thlah. Himi cu Bawipa in a hnaòuantu profet pawl hnenin a rak sim cia mi a kimternak dingah a si.
3-4 Siangpahrang Manasseh sualnak hmuahhmuah ruangah le, a bik in, sualnak nei lomi pawl ih thisen tam tuk a luanter ruangah Bawipa in Judah mi pawl cu a mithmuh lonak ram ih dawihlo òheh a tum ruangah hi thil pawl cu Amah ih thupeknak in a cangmi an si. Bawipa in Manasseh cu a ngaithiam thei lo.
5 Jehoiakim ih hnaòuanmi dangdang cu Judah Siangpahrang Thuanthu Cabu sungah an ngan a si.
6 Jehoiakim cu a thi ih a fapa Jehoiakhin in a ai ah siangpahrang a run òuan.
7 Izipt siangpahrang le a ralkap pawl cu an ram ihsin ramdang ah veikhat hman an fehsal thei nawn lo; ziangahtile Izipt ih rak ukmi ram tampi Babilon siangpahrang in a lak òheh ih Eufrates Tiva ihsin Izipt Tiva tiang a uk òheh a si.
Judah Siangpahrang Jehoiakhin
(2 San 36:9-10)
8 Jehoiakhin cu kum hleiriat a ti ah Judah siangpahrang a òuan ih Jerusalem ihsin thla thum sung a uk. A nu cu Jerusalem khuami Elnathan ih fanu Nehusta a si.
9 Jehoiakhin cu a pa ih ziaza a thlun ruangah Bawipa ih parah a sual a si.
10 Jehoiakhin Judah siangpahrang a si lai ah Babilon ralkap pawl Nebuchadnezzar ih ralbawi pawl ho in Judah ram ah an rung ih Jerusalem khuapi an kulh.
11 An kulh sungah cun Nebuchadnezzar amah rori Jerusalem ah a ra ih,
12 siangpahrang Jehoiakhin cun a nu, amah a riantu hnenum pawl, a kuthnuai bawi pawl le siangpahrang ralkap hotu bawi pawl thawn Nebuchadnezzar hnenah a feh ih a kuthnuai ah a lut. Nebuchadnezzar in Babilon ram a uknak kum riat kum ah Jehoiakhinq Jehoiakhin a kaih hi March thla, BC 597 ah a si. cu a kaih ih,Ref 24:12 Jer 22:24-30; 24:1-10; 29:1, 2;
13 Bawipa ih Biakinn le siangpahrang inn ih a ummi sui le ngun pawl cu Babilon ah a phur òheh. Bawipa ih a rak sim cia vekin Nebuchadnezzar in Bawipa ih Biakinn ih hman dingah Solomon in sui ih a tuahmi thilri pawl a khuai òheh.
14 Jerusalem khuasungmi, siangpahrang sungkhat le hotu pawl hmuahhmuah, an zate in thawnghra, Babilon ah Nebuchadnezzar in sal ah a hruai. Zungthiam pawl le sodeng pawl tiangin a hruai òheh ih Judah ram ahcun mifarah bik pawl lawng a taan a si.
15 Cun Nebuchadnezzar in siangpahrang Jehoiakhin cu a nu le a nupi pawl, a kuthnuai bawi pawl le Judah ram hotu pawl thawn Babilon ah sal ah a hruai.Ref 24:15 Ezk 17:12;
16 Micak le mi thupi pawl, ralkap òuan theitu le raldo dingah a tiar aw cia pawl thawngsarih, le zungthiam pawl le sodeng pawl minung thawngkhat, Babilon ah a hruai.
17 Nebuchadnezzar in Jehoiakhin ih paseu, Mattaniah cu Judah siangpahrang ah a tuah ih a hmin cu Zedekiah ah a thleng.Ref 24:17 Jer 37:1; Ezk 17:13;
Judah Siangpahrang Zedekiah
(2 San 36:11-12; Jer 52:1-3a)
18 Zedekiah cu kum kul hluankhat a ti ah Judah siangpahrang a òuan ih Jerusalem ihsin kum hleikhat a uk. A nu cu Libnah khuami Jeremiah ih fanu Hamutal a si.Ref 24:18 Jer 27:1-22; 28:1-17;
19 Siangpahrang Jehoiakim ih sualnak tuahmi cu siangpahrang Zedekiah khalin a tuah ih Bawipa ih parah misual a si.
20 Jerusalem le Judah mi parah Bawipa cu a thin a heng ngaingai ih a mithmuh lonak ram ah a dawihlo hai.Ref 24:20 Ezk 17:15;