23
Josiah In A Siatsuah Òheh
(2 San 34:3-7, 29-33)
1 Siangpahrang Josiah in Judah ram le Jerusalem khua ih hotu pawl a ko ih,
2 cupawl thawn Bawipa ih Biakinn ahcun a feh. Puithiam le profet pawl, Jerusalem khuasung mi zate in, milian siseh, mifarah siseh, an thlun òheh. An zate ih hmaiah Biakinn sungih an hmuhmi Thukamnak cabu cu ring zet in a siar òheh.
3 Siangpahrang dinnak hrangih tuahmi òhuam kiang ahcun Josiah cu a ding ih cuih cabu sungih a um vekin Bawipa ih thu ngai dingah, a thinlung le a nunnak zate in a daan le a thupekmi hmuahhmuah thlun dingah le thukam sungih a ummi vekih tuah òheh dingah Bawipa ih hnenah thukam a tuah. Misenpi khalin Bawipa ih pekmi thukam cu thlun dingin thu an kam ve.
4 Cule Josiah in Baal khawzing biaknak ih hmanmi thilri hmuahhmuah, khawzingnu Asherah biaknak le arsi pawl biaknak ih hman mi thilri hmuahhmuah cu Bawipa ih Biakinn ihsin suah thluh dingah Puithiam Sang Hilkiah, a bawmtu puithiam pawl le Biakinn sangka ih òuanvo neitu pawl hnenah thu a pek. A thupek vekin an suah thluh ih cuih thilri pawl cu siangpahrang in Jerusalem khuapi leng, Kidron Horkuam kiangah a ur òheh ih a vutcam pawl cu Bethel ah a kuat.
5 A hlanih Judah siangpahrang a òuantu siangpahrang pawl ih hnaòuan pekmi puithiam pawl, Jerusalem kiangkap le Judah ram sungah khawzing biakòheng parih thawinak petu puithiam pawl le Baal khawzing, ni, thla, arsi le van ih a ummi hmuahhmuah hnenih thawinak petu puithiam pawl hmuahhmuah cu an hnaòuan in a dawi òheh.
6 Bawipa ih Biakinn ih Asherah khawzingnu hrangah phunmi òhuam thianghlim cu a phawi in Jerusalem khualeng, Kidron Horkuam ah a ur ih dip tein a deen òheh hnuah misenpi phumnak thlaanmual ah a theh òheh.Ref 23:4-6 2 Siang 21:3; 2 San 33:3;
7 Bawipa Biakinn thawn peh aw in an sakmi hlawhhlang pawlo hlawhhlang pawl timi hi culai san ahcun leilung in rawl tampi a suahtertu khawzing, Baal khawzing, a um an ti ih an biak tikah hlawhhlang ah an cangta; nunau mipa tilo in an tel a si. Baal ti cu ‘bawipa’ tican a si. ih umnak inn pawl cu a bal òheh. (Cutawk ahcun nunau pawl in khawzingnu Asherah biaknak ah puan an tah a si.)
8 Judah ramsung khuapi pawl ihsin puithiam pawl cu Jerusalem ah a khawm òheh ih an raithawinak biakòheng cu ramsung khuazakip ah, Geba ihsin Beersheba tiang, a borhhlawhter òheh. Khuapi luhnak kotka kehlam ih a ummi, khuapi uktu bawi Joshua ih sakmi kotka kiangih me-khawsia hrang tiin sakmi, biakòhengp Me khawsia hrang timi biakòheng timi hi kutngan Ca Thianghlim hrekkhat ah a um. pawl tla a balsiat òheh.
9 Cuih puithiam pawl cu Bawipa ih Biakinn sungah hnaòuantu an si thei lo; asinain an rualpi puithiam pawl hrangih pekmi thilnu tel lo sang cu an ei thei ve.
10 Cun Josiah in Molek khawzing hnenih an fanu le an fapa mei-ur thawinak in an pek thei nawn lonak dingah Hinnom Horkuam ih an khawzing biaknak hmun Tofeth cu a borhhlawhter òheh.Ref 23:10 Pui 18:21; Jer 7:31; 19:1-6; 32:35;
11 Judah siangpahrang pawl ih an rak tuahmi, ni biaknak le upatnak ah an timi rang pawl cu a siatsuah ih rangleng pawl khal a ur òheh. (Hi rang le rangleng pawl cu Bawipa ih Biakinn hmuan sung kotka kiang, Nathan Melek timi bawi upa inn ihsin naite ah an retmi a si.)
12 Judah siangpahrang pawl in siangpahrang inn diphun parih an rak donmi biakòheng pawl le Bawipa ih Biakinn ih khaan pahnih sungih siangpahrang Manasseh in biakòheng a donmi pawl cu siangpahrang Josiah in a bal òheh; biakòheng pawl cu dip seksek in a deen ih Kidron Horkuam ah a hlon.Ref 23:12 2 Siang. 21:5; 2 San 33:5;
13 Olif Tlang ihsin thlanglam, Jerusalem in nisuahnak ih siangpahrang Solomon in ningsinza khawzing pawl, Sidon mi khawzingnu Astartes, Moab mi khawzing Khemosh le Ammon mi khawzing Milkom hrangih a donmi biakòheng pawl cu a borhhlawhter òheh.Ref 23:13 2 Siang 11:7;
14 Cuih khawzing pawl hrangih lungphun pawl cu a khuai òheh ih khawzingnu Asherah hrangih an òhuam phunmi pawl a hau òheh ih an rak dinnak hmun pawl cu milai ruh in a khuh òheh.
15 Nebat fapa, Israel mi pawl sualnak sungih a hruailuttu, siangpahrang Jeroboam in Bethel ah khawzing biaknak a sakmi cu Josiah in a balsiat òheh. Biakòheng tla a bal hnuah lungphun pawl a khuai òheh ih dip ko in a deng thluh. Asherah biaknak hrangih an òhuam thianghlim tla a ur.Ref 23:15 2 Siang 12:33;
16 Cun Josiah in a kiangkap a hun zoh ih tlang parah thlan pawl a hmu. A sungih ruh pawl cu a phorhter hai ih biakòheng parah a ur. Cuticun biakòheng cu a borhhlawhter ih, hlanlaipi ih puai caan ah cuih biakòheng kiangih siangpahrang Jeroboam a rak din lai ah profet in a rak sim cia mi cu a kimter. Siangpahrang Josiah cun a kiangkap a hun zohsal ih cuih thu a rak simtu profet ih thlan cu a hmu.Ref 23:16 2 Siang 13:2;
17 “Zo ih thlan so a si?” tiah a sut.
Bethel khuami pawl in, “Judah ihsin ra tahrat in hih biakòheng parih na tuahmi thil pawl hi a cang leh ding a si, tiih a rak simtu profet thlan a si,” tiah an ti.Ref 23:17 2 Siang 13:30-32;
18 Cutikah Josiah in, “Hi thlan cu zohman in dai hlah uh; hiti tein um seh. A ruh pawl khal nan phorh lo pei,” tiah thu a pek.
Curuangah a ruh pawl cu an phorh lo. Samaria in a rami profet pawl ih ruh khal an phorh lo.
19 Cuih tlunah Israel siangpahrang pawl ih an rak tuahmi, Bawipa ih thin a hengtertu biakòheng pawl cu Israel ram ah tampi an um. Cuih khawvel biakòheng pawl cu Israel khuapi tinah an um ih Josiah in a bal òheh. Bethel khua biakòheng parih a tuah vekin hi biakòheng pawl ih par khalah a tuah.
20 Cuih khawvel biakòheng ih hnaòuantu puithiam pawl cu an hnaòuannak biakòheng parah cun a that òheh. Cule biakòheng tinih parah milai ruh a ur. Cuih hnuah Jerusalem ah a kir.
Josiah In Lantak Puai A Tuah
(2 San 35:1-19)
21 Siangpahrang Josiah cun Thukam cabu sungih a um bangtukin Bawipa an Pathian upatnak ah Lantak Puai tuah dingin misenpi hnenah thu a pek.
22 Thuòhentu pawl in Israel ram pumpi an uk thok ihsin Israel siangpahrang pawl in siseh, Judah siangpahrang pawl khalin siseh, siangpahrang zohman in tuihòum ih Lantak Puai an tuah vek cun an tuah dah lo.
23 A netnak ah Josiah in siangpahrang a òuan kum hleiriatnak ah Lantak Puai cu Jerusalem ah an tuahsuak a si.
Josiah Ih Thil Remmi Dangdang
24 Puithiam Sang Hilkiah in Bawipa ih Biakinn sungih a hmuhmi cabu sungih a ummi daan pawl cu thlunsuak tengteng dingin Jerusalem khua le Judah ram sungih a ummi pol pawl le kutòial zohthiam pawl cu siangpahrang Josiah in a dawi òheh; innsang milem pawl, khawzing lem pawl le an khawzing biaknak thilri hmuahhmuah tla a siatbal òheh.
25 Siangpahrang Josiah bangtukih Bawipa ih hnaòuan, a thinlung zate, a fimnak zate le a thazang zate in a òuan ih Moses Daan a thlun thluhtu siangpahrang an um dah lo; amah ih hnu khalah amah vek cu an um dah hrih lo a si.
26 Sikhalsehla Bawipa ih thinhennak cu siangpahrang Manasseh ih thiltuah mi ruangah Judah mi parah mei bangin a sa ih atu khalah a dai lo.
27 Bawipa in, “Israel parih ka thiltuah mi bangin Judah par khalah ka tuah ding: Ka mithmuh lonak ram ah Judah mi cu ka dawihlo hai ding; ka hrilcia mi Jerusalem khuapi le keimah in biak ringringnak dingah ka timi Biakinn cu ka hnong ding a si,” tiah a ti.
Siangpahrang Josiah A Thi
(2 San 35:20-36:1)
28 Siangpahrang Josiah ih hnaòuanmi dangdang cu Judah Siangpahrang Thuanthu Cabu sungah an ngan a si.
29 Josiah cu Judah siangpahrang a si lai ah Izipt siangpahrang Neko in a ralkap pawl a ho ih Assiria siangpahrang bawm dingah Eufrates Tiva lamah a feh. Cumi cu siangpahrang Josiah in kham a tum; Megiddo ah Izipt siangpahrang thawn an do aw ih Josiah cu an that.
30 A kuthnuai bawi pawl in a ruak cu rangleng in Jerusalem ah an phur ih siangpahrang thlan ah an phum.
Cule Judah mi pawl in Josiah ih fapa Jehoahaz cu a pa ai awhtu dingah an hril ih hriak an culh ih siangpahrang ah an canter.
Judah Siangpahrang Jehoahaz
(2 San 36:2-4)
31 Jehoahaz cu kum kul hluanthum a ti ah Judah siangpahrang a cang ih Jerusalem ihsin thla thum sung a uk. A nu cu Libnah khuami Jeremiah ih fanu Hamutal a si.
32 Jehoahaz cun khuahlan a pupa pawl ih ziaza a thlun ruangah Bawipa ih mithmuh ah a sual.
33 Izipt siangpahrang Neko in a kai ih Hamath ram, Riblah khua ah thawng ah a thlak; cule Judah mi pawl in Izipt siangpahrang hnenah ngun tangkafai in cuai thawnghnih le sui cuai kul siah an pek.
34 Siangpahrang Neko in Josiah ih fapa Eliakim cu Josiah ai awhtu ah Judah siangpahrang ah a tuah ih a hmin cu Jehoiakim ah a thleng. Jehoahaz cu siangpahrang Neko in Izipt ram ah a hruai ih cutawkah a thita.Ref 23:34 Jer 22:11, 12;
Judah Siangpahrang Jehoiakim
(2 San 36:5-8)
35 Cun Siangpahrang Jehoiakim cun Izipt siangpahrang ih siah dilmi tlin dingah misenpi hnenin an len le an farah zoh in, ngunkhuai a lak.
36 Jehoiakim cu kum kul hluannga a ti ah Judah siangpahrang a cang ih Jerusalem in kum hleikhat sung a uk. A nu cu Rumah khuami Pedaiah ih fanu Zebidah a si.Ref 23:36 Jer 22:18, 19; 26:1-6; 35:1-19;
37 Jehoiakim in a pupa pawl ih ziaza a thlun ruangah Bawipa ih mithmuh ah a sual.