15
Judah Siangpahrang Uzziah
(2 San 26:1-23)
1 Israel siangpahrang Jeroboam pahnihnak in Israel ram a uknak kum kul hluansarih kum ah Amaziah ih fapa Uzziahg 15:1 Uzziah: hi Azariah ti tla in an ti. Caang 13, 30, 32 le 34 ah Uzziah tiin a um ruangah a hramthok ihsin Uzziah kan ti lawlaw. cu,
2 kum hleiruk a ti ah Judah siangpahrang a cang. Jerusalem khua in Judah ram cu kum sawmnga le kum hnih sung a uk. A nu cu Jerusalem khuami Jekoliah a si.
3 Uzziah in a pa bangtukin Bawipa ih duh zawng a tuah.
4 Asinan khawvel pawl ih an khawzing biaknak pawl a siatsuah lo ruangah mi tampi in cutawkah rai an thawi ih rimhmui urnak an pek.
5 Bawipa in Uzziah parah phaarnat a thlenter ih a nun sung phaarnat a nei tata. A hnaòuanmi hmuahhmuah mi dangin an sawng ih amah ih inn ah hlimphir in a um; a fapa Jotham in ram pumpi hrangih hnaòuan cu a òuan.
6 Uzziah ih hnaòuanmi a dang pawl cu Judah Siangpahrang Pawl Ih Thuanthu Cabu sungah an ngan.
7 Uzziah cu a thi ih Jerusalem David khuapi, siangpahrang thlan ah an phum.Ref 15:7 Isa 6:1;
Israel Siangpahrang Zekhariah
8 Siangpahrang Uzziah in Judah ram a uknak kum sawmthum le kum riat kum ah Jeroboam pahnihnak ih fapa Zekhariah cu Israel siangpahrang a cang ih Israel ram cu Samaria khua in thla ruk sung a uk.
9 Nebat fapa, Israel a hruai sualtu, siangpahrang Jeroboam sualnak a thlun ve ruangah a hlanih siangpahrang a òuantu pawl vek thotho in Bawipa ih parah sualnak a tuah.
10 Jabesh fapa Shallum in siangpahrang Zekhariah cu phiar tahrat in Ibleam ah a that ih a ai ah siangpahrang a òuan.
11 Zekhariah ih hnaòuanmi a dangdang pawl cu Israel Siangpahrang Pawl Ih Thuanthu Cabu sungah an ngan.
12 Cuticun Bawipa in siangpahrang Jehu hnenah thu a kam ih, “Na tesinfa pawl lakin san linak tiang Israel siangpahrang an òuan ding,” a timi cu a kim a si.Ref 15:12 2 Siang 10:30;
Israel Siangpahrang Shallum
13 Siangpahrang Uzziah in Judah ram a uknak kum sawmthum le kum kua kum ah Jabesh fapa Shallum cu Israel siangpahrang ah a cang ih Samaria khua in thla khat sung a uk.
14 Gadi fapa Menahem cu Tirzah in Samaria ah a feh ih siangpahrang Shulam a thah hnuah a ai ah siangpahrang a cang.
15 Shallum ih hnaòuanmi a dang pawl, mi a phiarnak thuhla pawl thawn, Israel Siangpahrang Pawl Ih Thuanthu Cabu sungah an ngan.
16 Menahem cu Tirzah ihsin Samaria lamih a feh lai ah, Tappuah khuapi in a kotka a rak on duh lo ruangah cuih khua cu a siatbal thluh; khuasungmi pawl a that thluh ih a kiangkap khuate pawl tla a siatsuah òheh. Favun nunau hmuahhmuah tiangin a zaithlek thluh hai a si.
17 Siangpahrang Uzziah in Judah ram a uknak kum sawmthum le kum kua kum ah Gadi ih fapa Menahem cu Israel siangpahrang a cang ih Samaria khua in kum hra sung a uk.
18 Nebat fapa, a thih tiangih Israel a hruai sualtu, siangpahrang Jeroboam ih sualnak cu Menahem in a thlun ve ih Bawipa ih parah sualnak a tuah a si.
19 Cule Assiria siangpahrang Tiglath Pileserh Tiglath Pileser: timi hi Tiglath Pileser pathumnak a si ih Assiria ram cu BC 745 in BC 727 tiang a uk. Cule Pul ti tla in an ko. in Israel ram a do ih Assiria siangpahrang kuthnuai ih Israel siangpahrang a òuan thei thothonak dingah Tiglath Pileser hnenah ngun tangka a phurh in phurh thawngkhat a pek.Ref 15.19 1 San 5:26;
20 Israel ram sungih mi neinung deuhdeuh hnen ihsin mi pakhat ah ngun tangka sawmnga ciar siah a lak. Cuticun Tiglath Pileser cu a ram ah a kirsal.
Israel Siangpahrang Menahem
21 Menahem ih hnaòuanmi dangdang cu Israel Siangpahrang Pawl Ih Thuanthu Cabu sungah an ngan.
22 Menahem cu a thi ih an phum. Cule a fapa Pekahiah in a ai ah siangpahrang a òuan.
Israel Siangpahrang Pekahiah
23 Siangpahrang Uzziah in Judah ram a uknak kum sawmnga kum ah Menahem ih fapa Pekahiah cu Israel siangpahrang a cang ih Samaria khua in kum hnih sung a uk.
24 Nebat fapa, Israel a hruai sualtu, siangpahrang Jeroboam ih sualnak a thlun ruangah Bawipa ih parah sualnak a tuah.
25 Pekahiah ralkap sungih ralbawi pakhat, Remaliah ih fapa Pekah in, Gilead mi minung sawmnga thawn Pekahiah a phiar ih Samaria khua, siangpahrang inn sungta bik khaan ah Argob le Areih thawn a that ih a ai ah siangpahrang a òuan.
26 Pekahiah ih hnaòuanmi dangdang cu Israel Siangpahrang Pawl Ih Thuanthu Cabu sungah an ngan.
Israel Siangpahrang Pekah
27 Siangpahrang Uzziah in Judah ram a uknak kum sawmnga le kum hnihnak ah Remaliah ih fapa Pekah cu Israel siangpahrang a cang ih Samaria khua in Israel ram kum kul sung a uk.
28 Israel a hruai sualtu, Nebat fapa siangpahrang Jeroboam ih sualnak a thlun ve ruangah Bawipa ih mithmuh ah sualnak a tuah a si.
29 Pekah in Israel siangpahrang a òuan lai ahhin Assiria siangpahrang Tiglath Pileser in Ijon, Abel Beth Maakah, Janoah, Kadesh le Hazor khuapi pawl a lak. Gilead ram, Galilee ram le Naftali ram pawl khal a lak òheh ih cuih ram mi tampi Assiria ah sal ah a hruai hai.i 15:29 Himi hi BC 733 hrawngah a si.
30 Uzziah fapa Jotham in Judah siangpahrang a òuannak kum kulnak kum ah Elah ih fapa Hoshea in siangpahrang Pekah cu a phiar ih a that; cule a ai ah siangpahrang a run òuan.
31 Pekah ih hnaòuanmi dangdang cu Israel Siangpahrang Thuanthu Cabu sungah an ngan.
Judah Siangpahrang Jotham
(2 San 27:1-9)
32 Remaliah ih fapa Pekah in Israel ram a uk kum hnihnak kum ah Uzziah fapa Jotham cu Judah siangpahrang a òuan.
33 Amah cu siangpahrang a òuan ah kum kul hluannga a ti ih Jerusalem ihsin kum hleiruk sung a uk. A nu cu Zadok ih fanu Jerusha a si.
34 Jotham cun a pa Uzziah ih dungthlun in Bawipa ih duh zawng a tuah.
35 Asinan khawvelmi pawl ih khawzing biaknak pawl a siatsuah lo ih mi tampi in cutawkah rai an thawi ih rimhmui an ur ringring. Bawipa ih Biakinn ih Saklam Kotka a tuahtu cu amah Jotham a si.
36 Jotham ih thil tuahmi dangdang cu Judah Siangpahrang Thuanthu Cabu sungah an ngan a si.
37 Jotham in Judah siangpahrang a òuan lai ah Bawipa in Siria siangpahrang Rezin le Israel siangpahrang Pekah cu Judah do dingin a thlah.
38 Jotham cu a thi ih Jerusalem khua, David khuapi siangpahrang thlan ah an phum. Cule a fapa Ahaz in a ai ah siangpahrang a run òuan.