14
Judah Siangpahrang Amaziah
(2 San 25:1-24)
1 Jehoahaz fapa Jehoash in Israel siangpahrang a òuan, a kum hnihnak ah Joash fapa Amaziah cu Judah siangpahrang a cang.
2 Amah cu kum kul hluannga a si. Jerusalem in kum kul hluankua sung ram a uk. A nu cu Jerusalem khua mi Jehoaddin a si.
3 Amaziah in Bawipa ih duh zawng a tuah; asinain a hlanih siangpahrang David bangtuk cu a si lo. A pa Joash vekin a tuah.
4 Khawvelmi pawl ih khawzing biaknak pawl a bal lo ruangah mi tampi in thawinak an pek ih rimhmui an ur thotho.
5 Amaziah in hnget zet ih ram a hun uk thei tikah a pa, siangpahrang a thattu bawi pawl cu a that hai.
6 Asinan an faale pawl cu a that hai lo; Moses Thukham sungih Bawipa ih thupekmi, “An faale pawl sual ruangah an nu le an pa thah an si lo pei; nu le pa sual ruangah an faale pawl thah an si lo pei; amah ih sualnak ruang lawngah minung cu thah a si pei,”dDaan 24:16 timi kha a thlun sawn.Ref 14:6 Daan 24:16;
7 Cun Amaziah in Tipi Thi thlanglam ih Cite Phairawn an timi ah Edom ralkap thawnghra a that. Sela khua a lak ih Joktheel tiah a hmin a thleng. Tuih sun tiang cutiin an ko.
8 Cule Amaziah in Israel siangpahrang Jehoash hnenah, “Do awk ka lo zuam a si,”e 14:8 Do awk ka lo zuam timi hi Kan tongkhawm aw pei ti tla a si thei. tiah thu a cah.
9 Asinan siangpahrang Jehoash in, “Veikhat ah Lebanon tlang ah, hlingbur pakhat in Sidar thing hnenah thu a cah ih, “Ka fapa hrangah na fanu i pe aw,” a ti. Sahrang pakhat a kiangin a ra ih hlingbur cu a pal kiak thluh a si.
10 Atu ah Edom mi na neh ruangah na puarthau ih na hngal zet. Na mi nehnak parah na lungkim awla dai tein um men aw. Nangmah le na minung pawl hrangih siatsuahnak a si dingmi thil hi ziangahso na tokhrok rero?” tiah thu a khirhsal.
11 Sikhalsehla Amaziah in cuih thu cu a ngai duh lo. Curuangah siangpahrang Jehoash cu a ralkap pawl thawn an feh ih Judah ram Beth Shemesh an timi hmunah siangpahrang Amaziah thawn an do aw.
12 Amaziah ralkap pawl cu an sung ih an inn ah an tlan òheh.
13 Jehoash in Amaziah cu a kai ih a khuapi Jerusalem khal a lak; khuapi kulhnak lungdawl cu Efraim Kotka in Khawkil Kotka tiang, kaih zahnih sung, a bal òheh.
14 A hmuhmi sui le ngun hmuahhmuah, Biakinn thilri le siangpahrang inn ih paisa le hlawnthil hmuahhmuah a lak ih Samaria ah a phur òheh. Ral kaihmi tampi tla a hruai.
15 Siangpahrang Jehoash ih thil tuahmi hmuahhmuah, ralòha zet ih Judah siangpahrang Amaziah a donak pawl thawn, Israel Siangpahrang Pawl Ih Thuanthu Cabu ah an ngan òheh a si.
16 Jehoash cu a thi ih Samaria ih siangpahrang thlan ah an phum. Cule a fapa Jeroboam pahnihnak in a ai ah siangpahrang a òuan.
Judah Siangpahrang Amaziah A Thi
(2 San 25:25-28)
17 Israel siangpahrang Jehoash a thih hnuah Judah siangpahrang Amaziah cu kum hleinga a rung nung.
18 Amaziah ih hnaòuan mi hmuahhmuah cu Judah Siangpahrang Pawl Ih Thuanthu Cabu sungah an ngan òheh.
19 Jerusalem khua sungah Amaziah thah dingih an phiar ruangah Amaziah cu Lakhish ah a tlan; asinain a phiartu pawl cun an thlun ih cutawkah an that.
20 A ruak cu rang in Jerusalem ah an phur ih David khuapi, siangpahrang thlan ah an phum.
21 Cule Judah mi pawl in Amaziah ih fapa, kum hleiruk a timi Uzziah cu a ai ah siangpahrang ah an tuah.
22 A pa a thih hnuah Elath khua a la saltu le a din saltu cu amah Uzziah a si.
Israel Siangpahrang Jeroboam Pahnihnak
23 Joash fapa, siangpahrang Amaziah in Judah ram kum hleinga a uk kum ah Jehoash ih fapa Jeroboam pahnihnak cu Israel siangpahrang a cang ih Samaria in Israel ram cu kum sawmli le kum khat sung a uk.
24 A hlanih Judah siangpahrang a rak òuantu, Israel a hruaisualtu, Nebat ih fapa Jeroboam ih tuahmi thil òha lo a thlun ve ruangah Bawipa ih parah a sual a si.
25 Israel ram a rak si dahmi, saklam ah Hamath tlangkawn in thlanglam ah Tipi Thi tiang a laksal òheh. Hi a lakmi cu Gath Hefer khua ih Amittai fapa profet Jonah hnen ihsin Bawipa, Israel Pathian ih pekmi thukam kimternak a si.Ref 14:25 Joh 1:1;
26 Bawipa in Israel mi pawl, sal siseh, miluat siseh, an zate ih an zonzaihnak le an tuarnakf 14:26 Zonzaihnak le tuarnak timi hi Hebru Cathiang sungah cun Ralthawhnak asilole Dodalnak ti in a ngan. cu a hmu òheh; asinain zohman bawmtu an nei lo.
27 Israel siatsuah tata ding cu Bawipa ih duhmi a si lo ruangah siangpahrang Jeroboam pahnihnak hmangin Israel cu a hum a si.
28 Jeroboam ih thil tuahmi dang hmuahhmuah, ralòha zet ih ral a donak le Damaskas le Hamath a laksal thu pawl cu Israel Siangpahrang Pawl Ih Thuanthu Cabu sungah an ngan a si.
29 Jeroboam pahnihnak cu a thi ih siangpahrang thlan ah an phum; cule a fapa Zekhariah in a ai ah siangpahrang a òuan.