2
David In Solomon Thu A Cah
1 David cu a thihnak tikcu a nai thlang ih a fapa Solomon a ko ih thu a cah:
2 “Kei cu ka thi thlang ding. Ka thih hnuah ralòha zet le pacang bang in um awla,
3 Bawipa na Pathian ih thupekmi pawl cu tuah aw. Moses Daan sungih ngan vekin, Bawipa ih Daan le thupekmi hmuahhmuah cu thlun awla, cuticun na thil tuahmi hmuahhmuah ah le na fehnak kipah na hlawh a tling ding.
4 Bawipa in ka hnenah, “Na tesinfa pawl in ka thupekmi an thinlung le an thazang zate thawn an thlun a si ahcun Israel ram an uk ringring ding” tiah thu i kam a si. A Daan le a thupekmi pawl na thlun a si ahcun Bawipa in a thukamnak cu a kimter ding.
5 “Cuih tlunah thil dang na theih dingih ka duhmi cu Joab ih i ti daan hi a si. Israel ralkap pawl hotu, Ner fapa Abner le Jether fapa Amasa cu Joab in a that a si.Ref 2:5 2 Sam 3:27; 20:10; Ral an do lai ih mi an thahmi phulak in ral um nawn lo hnuah an thisen a luanter. Mawhnak a nei lomi a thah ih, a taikhap le a kedam ah thisen a hnih ruangah, mimawh a si.
6 Curuangah ruat òha awla, dai tein tar thih ih a thih tiang cu na zuah lo pei.
7 “Asinan Gilead mi Barzillai ih fapa pawl cu òha tein na zoh pei. Ziangahtile na u Absalom òih ih ka tlan lai ah i zangfahtu an si.Ref 2:7 2 Sam 17:27-29;
8 “Cule Benjamin ram Bahurim khua ih Gera fapa Shimei khal na hngilh lo dingah ka duh. Mahanaim ka thlen ni ah nasa zet in i cam ciamco. Asinan Jordan Tiva ka thlen tikah i rak hmuak ih amah cu that lo dingah Bawipa hmin saal in thu ka kamta a si.Ref 2:8 2 Sam 16:5-13; 19:16-23;
9 Sikhalsehla cuti men cun na luatter lo pei. Thuruat thiam na si ih that lo cun na zuah hrimhrim lo pei,” a ti.
David Ih Thihnak
10 Cuih hnuah David cu a thi ih Jerusalem ah an phum.
11 Israel ram kum sawmli sung a uk. Hebron in kum sarih sung a uk ih Jerusalem in kum sawmthum le kum thum a uk.Ref 2:11 2 Sam 5:4-5; 1 San 3:4;
12 David ih ai ah a fapa Solomon siangpahrang a cang ih a ram cu hngetzet in a uk.Ref 2:12 1 San 29:23;
Adonijah Ih Thihnak
13 Cule Adonijah cu Solomon nu Bathsheba hnenah a leng. Adonijah ih nu cu Haggith a si. Bathsheba in Adonijah hnenah, “Thu òha in na ra leng maw?” tiah a sut.
Adonijah in, “A si, thuòha in ka ra.
14 Thil pakhat dil duhmi ka lo nei,” a ti.
Bathsheba in, “Ziangso a si?” tiah a sut.
15 Cutikah Adonijah in, “Siangpahrang cang zo ding ka si ih, Israel mi khalin siangpahrang a si ding, tiah in rak zum ti cu na thei. Asinan zumnak vekin thil a cang lo ih Bawipa ih lungkimnak in ka nau Solomon sawn siangpahrang a cang.
16 Cu a si ruangah thil pakhat ka lo dil duh ih i el hram hlah aw,” tiah a ti.
17 Bathsheba in, “Ziangso a si? I sim hnik!” a ti.
Adonijah in, “Shunem mi fala Abishag cu ka nupi dingah Siangpahrang Solomon i biak sak aw, nang cu a lo el lo ding tiah ka zum,” a ti.Ref 2:17 2 Siang 1:3-4;
18 Cutikah Bathsheba in, “A tha! Siangpahrang ka lo ton sak ding,” tiah a ti.
19 A ti vekin Bathsheba cu a feh ih Adonijah ai awh in siangpahrang a va tong. A nu a rat kha a hmuh tikah siangpahrang Solomon cu a ding ih a nu ih hmai ahcun upatnak in a lu a kun. Cuih hnuah a siangpahrang tohkham ah a to ih, a nu cu a vorhlam ah tohkham dang pakhat parah a to.
20 Cule a nu in, “Thil pakhat ka lo dil duh ih i el siang hlah aw,” a ti.
“Ziangso a si, ka nu? Ka lo el lo ding,” a ti.
21 A nu in, “Abishag hi na u Adonijah ih nupi ah coter aw,” tiah a ti.
22 Cutikah siangpahrang in, “Ziangahso Adonijah ih hrangah Abishag cu i dil? A hrangah siangpahrang tohkham tla hi dil lawlaw tahe! Adonijah cu ka u a si ih puithiam Abiathar le Joab tla amah ih hnenah an òang a sisi!” tiah a ti.
23 Cule Solomon in, “Adonijah in himi i dil ruangah amah ih nunnak in a kuan pei. A nunnak in a kuan lo a si ahcun Pathian in keimah i that seh.
24 Ka pa David ih tohkham parah Bawipa in hngetzet in i toh zo. Bawipa in a thukamnak a kimter ih uknak cu keimah le ka tesinfa pawl hnenah in pe zo a si. Curuangah a nungmi Pathian hmin saal in thukamnak ka tuah: Tuih sun ah Adonijah cu a thi pei,” tiah a ti.
25 Curuangah Siangpahrang Solomon in Benaiah hnenah thu a pe ih, Benaiah cu a feh ih Adonijah a va that.
Abiathar An Dawi, Joab A Thi
26 Cule Siangpahrang Solomon in puithiam Abiathar hnenah, “Na khua le na ram Anathoth ah tlung aw. Thi tlak na si nain ka pa David hnenih na um lai ah Bawipa ih Thukham retnak Kuang kiltu na rak si ih, ka pa ih harsatnak hmuahhmuah a tuarpitu na si ruangah atu ahcun ka lo that lo ding,” tiah a ti.Ref 2:26 1 Sam 22:20-23; 2 Sam 15:24;
27 Solomon in Abiathar cu Bawipa ih puithiam hna a òuannak ihsin a dawi ih, cuticun Bawipa in Shiloh ah puithiam Eli le a tesinfa pawl thu a rak phuannak a kimter a si.Ref 2:27 1 Sam 2:27-36;
28 Cuih thu cu Joab in a rak thei. (Joab cu Absalom òantu a si lo nain Adonijah òantu a si.) Curuangah Bawipa ih Puanthlam ah a tlan ih biakòheng ki pawl cu a va pom.
29 Siangpahrang Solomon hnenah, Joab cu Bawipa ih Puanthlam ah a tlan ih biakòheng kiangah a um, ti thu a than tikah Solomon in Joab hnenah mi a thlah ih biakòheng ih a tlannak thu an va sut. Joab in, “Solomon ka òih ruangah Bawipa ih hnenah ka tlan a si,” tiah a ti. Cutikah Joab that dingin Solomon in Benaiah a thlah.
30 Benaiah cu Bawipa ih Puanthlam ah a va feh ih Joab hnenah, “Siangpahrang in ra suakseh a lo ti,” tiah a ti.
Cutikah Joab in, “Ka suak lo ding. Hinah ka thi sawn ding,” a ti.
Benaiah cu siangpahrang hnenah a va kir ih Joab ih òongmi cu a va sim.
31 Cutikah Solomon in, “Joab ih òongmi vekin tuah aw. That awla phum aw. Cuticun Joab in mawhnak nei lo minung pahnih a thah ruangah keimah le ka tesinfa pawl cu mawhphurtu kan si nawn lo ding.
32 Ka pa David ih theih lo in mi a thah ruangah Bawipa in Joab parah phuba a la ding. Joab in amah hnakih a òha deuhmi minung pahnih, mawhnak nei lomi, Israel ralkap hotu Abner le Judah ralkap hotu Amasa a that a si.
33 A thahmi pawl ih thisen cu Joab le a tesinfa pawl ih parah kumkhua in a tla ding. Sikhalsehla siangpahrang tohkham parih a totu David ih tesinfa pawl parah cun Bawipa ih thluasuahnak cu kumkhua in a thleng ding a si,” a ti.
34 Curuangah Benaiah cu Bawipa ih Puanthlam ah a va feh ih Joab cu a thah hnuah hramlak ah amah ih inn ah a phum.
35 Cule siangpahrang in Joab ai ah Benaiah cu ralkap hotu bawi ah a tuah ih Abiathar ai ah Zadok kha puithiam ah a tuah.
Shimei Thihnak
36 Siangpahrang Solomon in Shimei a ko ih a hnenah, “Na hrangah Jerusalem ahhin inn sak aw. Hinah um awla hi khua ihsin khui hmanah feh hlah aw.
37 Na suak ih Kidron Tivate na lan a si ahcun na thi ding. Cutikah mawh phurtu cu nangmah na si ding,” tiah a ti.
38 Cutikah Shimei in, “A òha, Siangpahrang Bawipa; na sim vekin ka tuah ding,” tiah a ti. Cuticun Jerusalem ah reipi a um.
39 Sikhalsehla kum thum hnuah Shimei ih sal pahnih cu Gath siangpahrang, Maakah fapa Akhish hnenah an tlan. Gath ram ah a sal pahnih an um ti Shimei in a theih tikah,
40 a laak cu a kung a dam ih a sal hawl dingah Gath siangpahrang Akhish hnenah a feh. A sal pawl cu a va hmu ih a kirpi hai.
41 Shimei ih thil tuahmi cu Solomon in a theih tikah,
42 Shimei cu a ko ih a hnenah, “Jerusalem taan lo dingin thu ka lo kamter ih, na taan a si ahcun na thi ding, tiah ralrinnak fiang tein ka lo pek. Na lung a kim ih ka sim vekih thlun dingah i kamta a si lo maw?
43 Ziangahso na thukammi na bal ih ka thupekmi cu na thlun lo?
44 Ka pa David parih thilsual na tuahmi hmuahhmuah na thei òheh a si. Hi ruangah hin Bawipa in a lo hrem ding.
45 Sikhalsehla Bawipa in kei cu i thluasuah dingih David uknak cu kumkhua in a hngetter ding,” tiah a ti.
46 Siangpahrang in thu a pe ih, Benaiah a feh ih Shimei cu a that. Solomon ih uknak cu a hnget sinsin.