15
Judah Siangpahrang Abijah
(2 San 13:1-14:1)
1 Israel Siangpahrang Jeroboam in ram a uknak kum hleiriat kum ah Abijah cu Judah siangpahrang a cang ih,
2 Jerusalem ihsin kum thum sung a uk. A nu cu Absalom fanu Maakah a si.
3 A pa ih a rak tuahmi sualnak pawl a tuah thluh ve ih a pu David vek si lo in Abijah cu Bawipa a Pathian hnenah a fel lo a si.
4 Asinan David ruangah Jerusalem khua humtu dingah le amah hnuah Jerusalem ihsin ram uktu dingah Bawipa a Pathian in Abijah cu fapa pakhat a pek.Ref 15:4 2 Siang 11:36;
5 Hit mi Uriah ih thu lawngah David parah Bawipa ih lungkim lonak a um; thudang ahcun David in Bawipa cu a lung a awiter ih a thupekmi pakhat hman a el lo ruangah hibangtuk in Abijah parah Bawipa in hna a òuannak a si.Ref 15:5 2 Sam 11:1-27;
6 Abijah ih ram a uk sung hmuahhmuah ah Abijah le Jeroboam cu cat lo in an do aw ringring.Ref 15:6 2 San 13:3-21;
7 Abijah ih tuahmi dangdang pawl cu Judah Siangpahrang Pawl Ih Thuanthu Cabu sungah kim tein an ngan a si.
8 Abijah cu a thi ih David khuapi ah an phum. Cule a fapa Asa in siangpahrang a run òuan.
Judah Siangpahrang Asa
(2 San 15:16-16:6)
9 Israel Siangpahrang Jeroboam in ram a uknak kum kul kum ah Asa cu Judah siangpahrang a cang ih,
10 Jerusalem ihsin kum sawmli le kum khat sung a uk. A pi cu Absalom ih fanu Maakah a si.
11 Asa in a pu David vekin Bawipa ih lungawinak thil a tuah.
12 An ram sungih khawzing biaknak hmun pawl ih nunau siseh, mipa siseh, hlawhhlang pawl hmuahhmuah cu ramsung ihsin a dawi òheh ih, amah hlanih siangpahrang a òuantu pawl ih rak tuahmi milem le lemzuk pawl hmuahhmuah a hlon òheh.Ref 15:12 2 San 15:8-15;
13 A pi Maakah khal leilung òhattertu khawzingnu Asherah ih lemzuk cu bia dingih a tuah ruangah siangpahrang ih nu dinhmun ihsin a hlon. Asa in cuih lemzuk cu a hau ih Kidron Tiva kiangah a ur.
14 Asa in khawzing biaknak hmun hmuahhmuah an zate in a balsiat thluh lo nain a nun sung hmuahhmuah ah Bawipa rinsan le òihzah in a um.
15 A pa ih Pathian hnenih a rak pekmi thilri hmuahhmuah cu Biakinn sungah a ret; amah ih pekmi sui le ngun ih tuahmi beelkheng pawl khal a ret.
16 Judah Siangpahrang Asa le Israel Siangpahrang Baasha cu ram uktu an si sung hmuahhmuah ah cat lo in an do aw ringring.
17 Òum khat ah Baasha in Judah ram a do ih Judah ram in a suakmi le a lutmi pawl kham òheh tum in Ramah khua ralhruang in a kulh ciamco.
18 Cutikah Siangpahrang Asa in Biakinn le siangpahrang inn ih a ummi sui le ngun hmuahhmuah a la ih a kuthnuai bawi pawl hrekkhat ih kut in Damaskas ah a kuat. Hezion ih tupa, Tabrimmon ih fapa a simi Siria siangpahrang Benhadad hnenah hitiin thu a cah:
19 “Kan pa le pawl an rak òantlang vekin kannih khal kan òangtlang pei. Laksawng ah hi sui le ngun hi ka lo kuat. Siangpahrang Baasha thawn òangtlangtu nan sinak cu rak phiat awla ka ram sungih a retmi a ralkap pawl cu Baasha in a kosal thluh ding a si,” tiah a ti.
20 Asa ih thucah mi cu Siangpahrang Benhadad a lung a kim ih a ralbawi pawl Israel ram ih khua hrekkhat pawl siim dingin a thlah. Ijon khua, Dan khua, Abel Beth Maakah khua, Galilee Tipi kiangih ram pawl le Naftali ram hmuahhmuah an lak.
21 Cuih thu cu siangpahrang Baasha in a theih tikah Ramah khua ralhruang ih a kulh reromi cu a bangih Tirzah khua ah a kir.
22 Cule siangpahrang Asa in Judah ramsung hmuahhmuah ah thu a pe ih a ramsung minung pawl pakhat hman hrelh lo in a ko ih Baasha in Ramah khua kulhnak ih a hmanmi lungto le thingpheng pawl cu an thiar ciamco. Cuih lungto le thing cun Asa in Mizpah le Benjamin ram sungih a ummi Geba khua a sak.
23 Siangpahrang Asa ih tuahmi dangdang, a ralòhatnak thu pawl le khua a kulhnak thu pawl cu, Judah Siangpahrang Pawl Ih Thuanthu Cabu sungah kim tein an ngan. Asinan a tar zawng ah a ke a na ih a awl ta.
24 Asa cu a thi ih David khuapi siangpahrang thlan ah an phum. Cule a fapa Jehoshafat in siangpahrang a run òuan.
Israel Siangpahrang Nadab
25 Judah Siangpahrang Asa in ram a uknak kum hnih kum ah Siangpahrang Jeroboam ih fapa Nadab cu Israel siangpahrang a cang ih kum hnih sung a uk.
26 A pa vekin Bawipa ih hmaiah a sual ih Israel mi pawl cu sualnak sungah a hruai.
27 Issakhar phun Ahijah ih fapa Baasha in Nadab cu a phiar ih Nadab le a ralkap pawl in Filistin ram ih Gibbethon khuapi an do ih an kulh òheh laifangah Baasha in Nadab cu a that.
28 Nadab an thah cu Judah siangpahrang Asa in ram a uknak kum thum kum ah a si. Cuih hnuah Baasha in Israel siangpahrang a run òuan.
29 Hmakhat teah Baasha in Jeroboam ih innsang le sungkhat pawl hmuahhmuah a that ciamco. Bawipa ih siahhlawh Shiloh khuami profet Ahijah hnen ihsin Bawipa ih òongmi vekin Jeroboam ih sungkhat hmuahhmuah cu thah òheh an si. Pakhat hman an luat lo.Ref 15:29 2 Siang 14:10;
30 Hibangtuk thil a suahnak cu Jeroboam in sualnak a tuah ih Israel khal sualnak sungih a hruai ruangah Israel ih Pathian Bawipa a thin a hengter ruangah a si.
31 Nadab ih tuahmi dangdang cu Israel Siangpahrang Pawl Ih Thuanthu Cabu sungah kim tein an ngan a si.
32 Judah siangpahrang Asa le Israel Siangpahrang Baasha cu siangpahrang an si sung hmuahhmuah ah cat lo in an do aw ringring.
Israel Siangpahrang Baasha
33 Judah Siangpahrang Asa in ram a uknak kum thum kum ah Ahijah fapa Baasha cu Israel rampi ih siangpahrang a cang ih, Tirzah khua ihsin kum kul hluanli sung a uk.
34 A hlanih siangpahrang a òuantu Jeroboam vekin Bawipa ih parah sualnak a tuah ih Israel mi pawl khal sualnak ah a hruai.